కరోనా మహమ్మారికి మలేరియా డ్రగ్ క్లోరోక్విన్‌తో విరుగుడు: ట్రంప్ ప్రకటన

0

ప్రపంచాన్ని వణికిస్తోన్న కరోనా వైరస్‌ను నిరోధించే వ్యాక్సిన్ గానీ, చికిత్స గానీ ఇంత వరకూ అందుబాటులోకి రాలేదు. ఈ దిశగా ముమ్మర పరిశోధనలు సాగుతుండగా.. సోమవారం నుంచి అమెరికాలో క్లినికల్ ట్రయల్స్ కూడా మొదలయ్యాయి. ఈ నేపథ్యంలో అమెరికా అధ్యక్షుడు డొనాల్డ్‌ ట్రంప్‌ ఆసక్తికర ప్రకటన చేశారు. కొవిడ్‌-19కు మలేరియా చికిత్సలో వాడే ‘క్లోరోక్విన్‌’ సమర్థవంతంగా పనిచేస్తోందని గురువారం ప్రకటించారు. దీన్ని కరోనా చికిత్సకు ఉపయోగించేందుకు ఎఫ్‌డీఏ ఆమోదం కూడా తెలిపినట్టు ట్రంప్ పేర్కొన్నారు. ఇప్పటికిప్పుడు ఈ ఔషధాన్ని అందుబాటులోకి తెస్తున్నట్టు తెలిపిన ట్రంప్… ఇది కచ్చితంగా ఫుడ్‌ అండ్‌ డ్రగ్‌ అడ్మినిస్ట్రేషన్‌ గొప్పదనమేనని కితాబిచ్చారు.

అంతేకాదు, ఎఫ్‌డీఐ అనుమతి కోసం ఇతర యాంటీవైరల్ ఔషధాలను కూడా గుర్తించనున్నట్టు తెలిపారు. టీకాలు, ఇతర చికిత్సలకు ఆమోదం వేగవంతం చేయడానికి నిబంధనలను సడలించినట్టు ట్రంప్ పేర్కొన్నారు. కరోనా వైరస్ సోకిన చాలా మంది రోగులకు తక్షణమే క్లోరోక్విన్‌ను వినియోగించడానికి ఎఫ్‌డీఐ ఆమోదించిందన్నారు. కోవిడ్ రోగుల విస్తృత ప్రయోజనాల కోసం మరిన్ని ఔషదాలను వినియోగానికి అనుమతి తీసుకుంటామని స్పష్టం చేశారు.

ఇదిలా ఉండగా క్లోరోక్విన్‌ను కొవిడ్‌ వ్యాక్సిన్ ట్రయల్స్‌లో పాల్గొంటున్న స్వచ్ఛంద కార్యకర్తలపై కూడా ప్రయోగించేందుకు సిద్ధమయ్యారు. ఈ ఔషధం వైరస్‌ నుంచి రక్షణ కల్పిస్తుందా? లేదా? అని పరీక్షించనున్నారు. క్లోరోక్విన్‌ను క్లినికల్ ట్రయల్స్‌లో వినియోగిస్తామని ఎఫ్‌డీఏ కమిషనరల్ డాక్టర్ స్టీఫెన్ హన్ మీడియాకు తెలిపారు. దీనికి సంబంధించి పూర్తి సమాచారాన్ని సేకరిస్తామని, చికిత్సలో దుష్ప్రభావాలు, సమర్థత గురించి ఆ డేటా ఆధారంగా సరైన నిర్ణయాలు తీసుకుంటామని అన్నారు.

తాము కూడా కరోనా చికిత్సలో క్లోరోక్విన్‌ వాడామని, సమర్ధవంతంగా పని చేసిందని చైనా అధికార మీడియా జిన్హువా ఫిబ్రవరిలోనే ప్రకటించింది. దక్షిణ కొరియా, బెల్జియం కూడా ఇదే ఔషధాన్ని వాడుతున్నట్లు పేర్కొంది. యాంటీబయాటిక్‌ అజిత్రొమైసిన్‌తో కలిపి క్లోరోక్విన్‌ను తీసుకుంటే.. రోగి శరీరంలో వైరస్‌ తీవ్రత తగ్గినట్లు తెలుస్తోంది.

వ్యాక్సిన్‌ అభివృద్ధిలో అమెరికా ఇప్పటికే ఫేజ్‌-1 ట్రయల్స్‌ మొదలెట్టింది. చైనా మరో అడుగు ముందుకేసి ఏప్రిల్‌ చివరినాటికి వ్యాక్సిన్‌ అందుబాటులోకి తెస్తామని ప్రకటించింది. ఈలోగా కరోనా చికిత్సలో అనేక యాంటీ బయాటిక్స్‌ను పరీక్షించిన వైద్యులు.. క్లోరోక్విన్‌ సమర్థవంతంగా పనిచేస్తోందని తెలిపారు. మలేరియా చికిత్సలో భాగంగా తొలిసారిగా ఈ మందును 1944లో ఉపయోగించారు. ఆ తర్వాత కాలంలో ఓ రకం కాలేయ వ్యాధి కూడా వాడేవారు. కాగా, రాజస్థాన్‌లో కరోనా వైరస్ నిర్ధారణ అయిన ఇటలీ దంపతులకు కూడా క్లోరోక్విన్ ఇచ్చినట్టు వైద్యులు వెల్లడించిన విషయం తెలిసిందే.




Please Read Disclaimer


30రూ|| మాస్క్ కేవలం 2రూ|| కే తయారు చేసుకోండి Make your own mask for Just Rs.2/-