‘చెత్త నా కొడకా.. డొక్క పగులిద్దిరా రాజేంద్ర’.. లైవ్ డిబేట్లో ఇదేంటి వంశీ స్వామీ!

0

వల్లభనేని వంశీకి ఆయన తండ్రి జన్మనిస్తే… చంద్రబాబు నాయుడు రాజకీయ జన్మనిచ్చారని టీడీపీ నేత బాబూ రాజేంద్ర ప్రసాద్ వ్యాఖ్యానించారు. ఓ టీవీ ఛానల్ లైవ్‌ షోలో రాజేంద్ర ప్రసాద్ ఈ వ్యాఖ్యలు చేశారు. ఎన్టీఆర్ ఫ్యామిలీకి సన్నిహితమైన దాసరి కుటుంబాన్ని పక్కనబెట్టి వంశీకి చంద్రబాబు సీటిచ్చారన్నారు. ‘డెల్టాకు రావాల్సిన పోలవరం కుడి కాల్వ నీటిని మోటార్ల ద్వారా తరలించడానికి వంశీ ప్రయత్నిస్తే.. దేవినేని ఉమా అప్పుడే మోటార్లు పెట్టొద్దన్నారు. కానీ చంద్రబాబు నాయుడు అంగీకరించారు’ అని రాజేంద్ర ప్రసాద్ తెలిపారు.

వెంటనే లైన్లో‌కి వచ్చిన వల్లభనేని వంశీ.. రాజేంద్ర అన్నా.. అంటూ ప్రారంభించి.. డొక్క పగులుద్దంటూ ఘాటైన వ్యాఖ్యలు చేశారు. నోరు మూస్కోవోయ్.. ఎవరి పొలానికి నీళ్లు ఇచ్చార్రా? చెత్త నా కొ*కా. నోరు మూయరా.. ఒంటి కన్నుగా.. చెత్త వెధవ.. చెప్పు తెగుతుంది రాజేంద్రా.. అంటూ ఇంతకు మించిన పరుష పదజాలాన్ని వంశీ వాడారు. ఒక్కసారైనా గెలిచావ్ రా వెధవ.. బోడే ప్రసాద్ దగ్గర ఎంత డబ్బు తీసుకున్నావ్ రా.. అంటూ వంశీ ఎమోషనల్ అయ్యారు. దీంతో లైవ్ డిబేట్‌ను కాసేపు ఆపేసి మళ్లీ కొనసాగించారు.

అనంతరం వంశీ మాట్లాడుతూ.. ‘‘భూమి ఇచ్చిన రైతులకు నీళ్లు ఇవ్వకుండా.. కిందనున్న డెల్టాకు నీళ్లు ఇచ్చారు. ఏ చట్టం ఇది చెబుతోంది. కాల్వ తవ్వితే నీళ్లు ఇస్తామని రైతులకు నేను మాటిచ్చాను. అక్కడ నాకు ఒక్క ఎకరం భూమి కూడా లేదు’’ అని తెలిపారు. నా పొలానికి ఏమైనా నీళ్లు ఇచ్చారా? అని ప్రశ్నించారు. వైఎస్ హయాంలో రైతులు భూసేకరణకు సహకరించలేదని.. చంద్రబాబు వచ్చాక తాము నచ్చజెపితే.. పోలవరం కుడి కాల్వ తవ్వడానికి భూములు ఇచ్చారన్నారు.

పార్టీని కన్నతల్లి అని చెబుతున్న రాజేంద్ర.. బోడేపూడి ప్రసాద్ దగ్గర డబ్బులు ఎందుకు తీసుకున్నారని వంశీ ప్రశ్నించారు. కాసేపటికే లైవ్‌లోకి వచ్చిన రాజేంద్ర.. చంద్రబాబు నాయుడి దగ్గర ఏ ఎన్నికల్లో ఎంత డబ్బు తీసుకున్నావో నాకు తెలీదా అని వ్యాఖ్యానించగా.. నోర్ముయ్ రా, ఏది పడితే అది మాట్లాడితే మొహం పగిలిపోద్దీ అని వంశీ వ్యాఖ్యానించారు. రాజేంద్రను జోకర్, బఫూన్ అంటూ తీవ్రస్థాయిలో విమర్శలు గుప్పించారు.

నువ్వు రోడ్డు మీద కనపడు చెబుతా.. అని వంశీ వార్నింగ్ ఇచ్చారు. రాజేంద్రా.. నువ్వు పోటుగాడివి. నీ కూతురి పెళ్లికి డబ్బులు తీసుకున్నావ్. నీ కూతురా కాదా చెప్పు అని వంశీ నిలదీశారు. నీకొచ్చిన బాధేంట్రా బాబూ.. అని ఒకరినొకరు తిట్టుకున్నారు. వంశీ దెబ్బకు లైవ్ డిబేట్‌ను మధ్యలోనే ఆపేయాల్సి వచ్చింది. అయ్యప్ప మాలలో ఉన్నప్పటికీ వంశీ తన కోపాన్ని నియంత్రించుకోలేకపోయారు.




Please Read Disclaimer