విరాట్ కోహ్లీ మరో వరల్డ్ రికార్డు

0

రికార్డుల రారాజుగా పేరుగాంచిన భారత కెప్టెన్ విరాట్ కోహ్లీ అంతర్జాతీయ క్రికెట్‌లో మరో వరల్డ్ రికార్డును తన పేరిట లిఖించుకున్నాడు. శ్రీలంకతో శుక్రవారం జరిగిన మూడో టీ20లో అన్ని ఫార్మాట్లలో కలిపి అత్యంత వేగంగా 11వేల పరుగులు చేసిన కెప్టెన్‌గా నిలిచాడు. గతంలో ఈ రికార్డు ఆస్ట్రేలియా గ్రేట్ రికీ పాంటింగ్ పేరిట ఉండేది. అతను 252 ఇన్నింగ్స్‌ల్లో ఈ రికార్డు అందుకోగా.. కోహ్లీ కేవలం 169వ ఇన్నింగ్స్‌లోనే ఈ ఘనత సాధించడం విశేషం.

నిజానికి ఈ మ్యాచ్‌ ముందు 10,999 రన్స్‌తో నిలిచిన కోహ్లీ.. లంకతో మ్యాచ్‌లో ఆరోస్థానంలో బ్యాటింగ్‌కు దిగాడు. ఇన్నింగ్స్ 13వ ఓవర్లలో ఒక్క పరుగుతో ఖాతా ప్రారంభించిన విరాట్.. అదే జోరులో ఈ రికార్డును తన సొంతం చేసుకున్నాడు. గతంలో ఈ మార్కును ఐదుగురు క్రికెటర్లు దాటారు. అలెన్ బోర్డర్, స్టీఫెన్ ఫ్లెమింగ్, రికీ పాంటింగ్, ఎంఎస్ ధోనీ, గ్రేమ్ స్మిత్ ఆ జాబితాలో చోటు సంపాదించారు.

మొత్తం మీద ఈక్లబ్‌లో ఉన్న కెప్టెన్ల అందరికంటే కూడా కోహ్లీ సగటు ఎక్కువగా ఉండటం విశేషం. ఇక కెప్టెన్‌గా అందరికంటే ఎక్కువగా పరుగులు చేసిన రికార్డు పాంటింగ్ పేరిట ఉంది. అన్ని ఫార్మాట్లో కలిపి తను 324 మ్యాచ్‌ల్లో 15,440 పరుగులు చేశాడు. స్మిత్ (14,878), ఫ్లెమింగ్ (11,561), ధోనీ (11,207), బోర్డర్ (11,062) తర్వాతి స్థానాల్లో ఉన్నారు. మరోవైపు కోహ్లీ వరుసగా రెండో మ్యాచ్‌లోనూ వరల్డ్ రికార్డు నెలకొల్పాడు. గత మ్యాచ్‌ల్లో టీ20ల్లో అత్యంత వేగంగా వెయ్యి పరుగులు చేసి కెప్టెన్‌గా కోహ్లీ నిలిచిన సంగతి తెలిసిందే. అలాగే పొట్టిఫార్మాట్లో అత్యధిక పరుగులు సాధించిన ప్లేయర్‌గాను మరో రికార్డు కూడా సాధించాడు. మరోవైపు గతేడాది అత్యంత వేగంగా వన్డేల్లో 11వేల పరుగులు పూర్తి చేసిన క్రికెటర్‌గానూ కోహ్లీ నిలవడం విశేషం.




Please Read Disclaimer