జనవరి 1 నుంచి మీ పాన్ కార్డు పని చేయకపోవచ్చు? కారణమిదే!

0

ఆధార్ కార్డు, పాన్ కార్డు.. ఈ రెండింటి గురించి ప్రత్యేకంగా చెప్పా్ల్సిన పని లేదు. చాలా కీలకమైన డాక్యుమెంట్లులో ఇవి రెండు టాప్‌లో ఉంటాయి. ప్రస్తుత నిబంధనల ప్రకారం చూస్తే.. ఆధార్ కార్డు, పాన్ కార్డులను తప్పనిసరిగా లింక్ చేసుకోవాల్సిందే. దీనికి డిసెంబర్ 31 వరకే గడువు ఉంది. అంటే ఇంకో నాలుగు రోజుల్లో ఈ రెండింటిని లింక్ చేసుకోవాలి.

ఆధార్ కార్డుతో పాన్ కార్డు లింక్ చేసుకోకపోతే ఏమౌతుంది? చాలా మందికి వారి మదిలో ఈ ప్రశ్న మెదిలే ఉంటుంది. ఆధార్ కార్డుతో పాన్ నెంబర్ లింక్ చేసుకోకపోతే పాన్ కార్డు చెల్లుబాటు కాదు. అంటే పాన్ నెంబర్ ఇన్‌ఆపరేటివ్ అవుతుంది. కేంద్ర ప్రభుత్వం ఇన్‌ఆపరేటివ్ అనే పదానికి ఎలాంటి నిర్వచనం ఇవ్వలేదు. కానీ నిపుణులు ఏం అనుకుంటున్నారో చూద్దాం.

నిపుణుల ప్రకారం చూస్తే.. డిసెంబర్ 31లోపు పాన్, ఆధార్ లింక్ చేసుకోకపోతే పాన్ కార్డు ఇన్‌యాక్టివ్ అవుతుంది. డిసెంబర్ 31 తర్వాత అంటే 2020లో రెండు కార్డులను లింక్ చేసుకుంటే.. అప్పుడు మళ్లీ పాన్ కార్డు రీయాక్టివేట్ అవుతుందా? లేదా? అనే అంశంపై కూడా కేంద్ర ప్రభుత్వం స్పష్టత ఇవ్వాల్సి ఉంది.

ట్యాక్స్‌మన్ డీజీఎం, చార్టర్డ్ అకౌంటెంట్ నవీన్ వాద్వా మాట్లాడుతూ.. PAN Aadhaar linking రూల్ 2019 సెప్టెంబర్ 1 నుంచే అమలులోకి వచ్చినప్పటికీ మోదీ ప్రభుత్వం ఇన్ఆపరేటివ్ అనే పదానికి నిర్వచనం తెలియజేయలేదన్నారు. డిసెంబర్ 31లోపు Aadhaar Card, PAN Card లను అనుసంధానం చేసుకోకపోతే పాన్ నెంబర్ అవసరమైన లావాదేవీలను నిర్వహించలేమని తెలిపారు.

పాన్ కార్డును ఆధార్ కార్డుతో లింక్ చేసుకోకపోతే.. అప్పుడు పాన్ కార్డు ఉన్నా కూడా లేనట్లే అవుతుందనే విషయాన్ని గుర్తించుకోవాలి. ట్యాక్స్2విన్.ఇన్ ఫౌండర్, సీఈవో అభిషేక్ సోని ఇదే విషయాన్ని తెలిపారు. నిర్దేశిత గడువులోగా ఆధార్, పాన్‌ కార్డులను లింక్ చేసుకోవాలని లేదంటే పాన్ కార్డులు చెల్లుబాటు కావని పేర్కొన్నారు. అప్పుడు ఆర్థిక లావాదేవీలకు పాన్ కార్డు ఉపయోగించడం కుదరదని తెలిపారు.

ఇకపోతే పాన్ కార్డు, ఆధార్ కార్డు ఇంటర్ ఛేంజ్‌బిలిటీని కేంద్ర ప్రభుత్వం ఇప్పటికే నోటిఫై చేసింది. అంటే పాన్ కార్డు అవసరం అయినచోట ఆధార్ నెంబర్ ఇవ్వొచ్చు. అయితే పాన్ ఆధార్ లింక్ చేసుకోని సందర్భంలో పాన్ కార్డు పనిచేయకుండా పోయినప్పుడు.. అప్పుడు కూడా పాన్ బదులు ఆధార్ నెంబర్ ఉపయోగించవచ్చా? లేదా? అనే అంశంపై కూడా స్పష్టత రావాల్సి ఉందని నిపుణులు పేర్కొంటున్నారు.

పాన్ ఆధార్ లింకింగ్ రూల్స్‌ను కేంద్ర ప్రభుత్వం ఇంకా నోటిఫై చేయనందున రెండింటి అనుసంధానానికి గడువును మరోసారి పొడిగించే ఛాన్స్ ఉందని వాద్వా అంచనా వేశారు. దీంతో గందరగోళం తప్పుతుందని పేర్కొన్నారు. అయితే పాన్, ఆధార్ నెంబర్లను వీలైనంత త్వరగా అనుసంధానం చేసుకోవడం మంచిదని సూచించారు.




Please Read Disclaimer