సీబీఐ కోర్టులో సీఎం జగన్ పిటిషన్.. ఊరట దొరికేనా!

0

ఆంధ్రప్రదేశ్ ముఖ్యమంత్రి వైఎస్ జగన్‌మోహన్‌రెడ్డి హైదరాబాద్ నాంపల్లి సీబీఐ కోర్టులో కీలక పిటిషన్ దాఖలు చేశారు. ఆస్తుల కేసులో వ్యక్తిగత హాజరు నుంచి తనకు మినహాయింపు ఇవ్వాలని పిటిషన్‌లో కోరారు. కోర్టులో తనకు బదులుగా తన లాయర్ హాజరయ్యేలా అనుమతి ఇవ్వాలని విజ్ఞ‌ప్తి చేశారు. ఈ పిటిషన్‌పై నాంపల్లి కోర్టు శుక్రవారం విచారణ చేపట్టనుంది.

ముఖ్యమంత్రి హోదాలో రాష్ట్ర పాలనా వ్యవహారాలు చూడాల్సిన బాధ్యత తనపై ఉన్నందున.. తనకు కోర్టు హాజరు నుంచి మినహాయింపు ఇవ్వాలని జగన్ పిటిషన్‌లో కోరారు. అలాగే రాష్ట్ర ఆర్థిక పరిస్థితి కూడా అంత మెరుగ్గా లేదని.. హైదరాబాద్ రావడానికి ఖర్చు ప్రభుత్వం భరిస్తుందన్నారు. ఓ విధంగా ఇది రాష్ట్ర ప్రభుత్వానికి అదనపు భారంగా మారిందని పిటిషన్‌లో ప్రస్తావించినట్లు తెలుస్తోంది. గతంలో కూడా జగన్ ఈ తరహా పిటిషన్‌లు దాఖలు చేశారు.




Please Read Disclaimer