బాబు నివాసానికి వైఎస్ హయాంలోనే అనుమతులిచ్చారు: టీడీపీ

0

అక్రమ కట్టడం అనే కారణంతోనే ప్రజావేదికను కూల్చేసిన వైఎస్ఆర్సీపీ సర్కారు చంద్రబాబు నివాసం ఉంటున్న లింగమనేని గెస్ట్ ‌హౌస్‌ను కూల్చేందుకు సిద్ధపడుతోంది. చంద్రబాబు ఉంటోంది అద్దె ఇల్లు అయినప్పటికీ ఈ విషయంలో మాత్రం టీడీపీ నేతలు ఒకింత ఆగ్రహంగా ఉన్నారు. బాబుపై కక్ష సాధింపు కోణంలోనే ఈ వ్యవహారాన్ని చూస్తున్నారు. ఈ ఇల్లు అక్రమ కట్టడం కాదని, అన్ని అనుమతులతోనే దాన్ని నిర్మించారంటోన్న టీడీపీ.. ఆధారాలను బయటపెట్టింది. 2007లో వైఎస్‌ హయాంలో ఇచ్చిన అనుమతులను ఇచ్చారని పేర్కొంది.

టీడీపీ నేత అచ్చెన్నాయుడు మాట్లాడుతూ.. బాబు నివాసం ఉంటోన్న లింగమనేని గెస్ట్ హౌస్ కూల్చడం కోసం నోటీసులు ఇచ్చారన్నారు. అనుమతుల్లేకుండా కట్టారని దాన్ని కూల్చేందుకు సిద్ధపడుతున్నారు. కానీ గ్రామ పంచాయతీ అనుమతితోనే ఈ భవనాన్ని నిర్మించారని అచ్చెన్నాయుడు తెలిపారు. ఈ భవన నిర్మాణానికి అనుమతులతోపాటు.. స్విమ్మింగ్ పూల్ కట్టడానికి నో అబ్జెక్షన్ సర్టిఫికెట్ కూడా ఇచ్చారని మాజీ మంత్రి తెలిపారు. వ్యవసాయ భూమిలో ఈ ఇంటిని నిర్మించడంతో రూ.18 లక్షలు నాలా పన్ను కూడా కట్టారని అచ్చెన్నాయుడు తెలిపారు.

ప్రతిపక్ష నేతగా చంద్రబాబు ప్రజలను కలిసేందుకు వీలుగా ఉంటుందనే కారణంతోనే ప్రజావేదికను అడిగామని అచ్చెన్నాయుడు చెప్పారు. ప్రజావేదికను కూలుస్తారు అనుకుంటే.. అసలు అడిగేవాళ్లమే కాదన్నారు.




Please Read Disclaimer