శర్వానంద్ తల్లిగా అమల.. మరి తండ్రి పాత్రలో..!!

0

శ‌ర్వానంద్ హీరోగా డ్రీమ్ వారియ‌ర్ పిక్చర్స్ బ్యాన‌ర్‌పై శ్రీకార్తీక్ ద‌ర్శక‌త్వంలో ఎస్‌.ఆర్‌.ప్రకాశ్‌బాబు, ఎస్‌.ఆర్‌.ప్రభు ఓ చిత్రాన్ని నిర్మిస్తున్నారు. ఈ సినిమా సెకండ్ షెడ్యూల్ షూటింగ్ హైద‌రాబాద్‌లో ఈరోజు (న‌వంబ‌ర్ 1న) ప్రారంభ‌మైంది. అయితే, ఈ సినిమాలో అమల అక్కినేని ఒక ముఖ్య పాత్రలో నటిస్తున్నారు. అది తల్లి పాత్ర. శ‌ర్వానంద్ త‌ల్లిగా అమల కనిపించనున్నారు.

ఇక ప్రముఖ సంగీత ద‌ర్శకుడు అనిరుధ్ ర‌విచందర్ తండ్రి, న‌టుడు ర‌వి రాఘ‌వేంద్ర.. శర్వానంద్ తండ్రి పాత్రలో న‌టిస్తున్నారు. సెల‌క్టివ్ సినిమాల్లోనే న‌టించే అమ‌ల అక్కినేని.. క‌థ‌, త‌న పాత్ర న‌చ్చడంతో ఈ సినిమాలో యాక్ట్ చేయ‌డానికి ఒప్పుకున్నారు.

ప్రస్తుతం హైద‌రాబాద్‌లో శ‌ర్వానంద్‌, అమ‌ల అక్కినేని, ర‌వి రాఘ‌వేంద్ర పాత్రల మ‌ధ్య కీల‌క స‌న్నివేశాల‌ను చిత్రీక‌రిస్తున్నారు. ‘పెళ్ళిచూపులు’ ఫేమ్ రీతూవ‌ర్మ హీరోయిన్‌గా న‌టిస్తున్నారు. నాజ‌న్‌, వెన్నెల కిషోర్‌, ప్రియ‌ద‌ర్శి ఇత‌ర ముఖ్య పాత్రలు పోషించారు. స్నేహం, ప్రేమ మ‌ధ్య విడ‌దీయ‌రాని బంధాన్ని తెలియ‌జేసేలా ఈ చిత్రం ఉంటుంది.

ఈ చిత్రానికి త‌రుణ్ భాస్కర్ మాట‌లు అందిస్తున్నారు. జాక్స్ బిజోయ్ సంగీతాన్ని, సుజిత్ సారంగ్ సినిమాటోగ్రఫీని అందిస్తున్నారు. రీసెంట్‌గా ‘ఖైదీ’ చిత్రంతో తెలుగు, త‌మిళ భాష‌ల్లో స‌క్సెస్‌ను సాధించిన నిర్మాణ సంస్థ డ్రీమ్ వారియ‌ర్ పిక్చర్స్ ఈ చిత్రాన్ని కూడా తెలుగు, త‌మిళ భాష‌ల్లోనే నిర్మిస్తోంది. వచ్చే ఏడాది వేసవిలో ఈ సినిమాను గ్రాండ్ రిలీజ్ చేయ‌డానికి నిర్మాత‌లు ప్లాన్ చేస్తున్నారు.




Please Read Disclaimer