బిగ్ బాస్ 3 : 30 జులై 2019 ఎపిసోడ్

0

బిగ్ బాస్ 3 : 30 జులై 2019 ఎపిసోడ్

It’s day 9 in the Bigg Boss house. Stay tuned to the very addictive reality show, and watch the drama unfold.

బిగ్ బాస్ సీజన్ 3 తొమ్మిది ఎపిసోడ్‌‌లను ముగించుకుని మంగళవారం నాడు పదో ఎపిసోడ్‌కి ఎంటర్ అయ్యింది. 15 మంది కంటెస్టెంట్స్‌లో హేమ తొలి ఎలిమినేషన్ కాగా.. వైల్డ్ కార్డ్‌తో హౌస్‌లోకి తమన్నా సింహాద్రి ఎంట్రీ ఇవ్వడంతో గేమ్ రంజుగా మారింది. నేటి (జూలై 30) ఎపిసోడ్ హైలైట్స్ విషయానికి వస్తే.. 

వైల్డ్ కార్డ్ ఎంట్రీతో హౌస్‌లో అడుగుపెట్టిన తమన్నా సింహాద్రి ఆట మొదలుపెట్టింది. అర్ధరాత్రి అందరూ పడుకున్నాక.. రవిక్రిష్ణ మైక్‌లు దాచేసి ఉదయం అతనితో ఏమైందిరా పండు అంటూ ఆడుకుంది. 

ఇక వరుణ్ సందేశ్ భార్య వితికాకి మిగిలిన కంటెస్టెంట్స్‌తో చిన్న డిస్కషన్ స్టార్ట్ అయ్యింది. మరోవైపు వరుణ్ ఒడిలో తలపెట్టుకుని పడుకుని ముచ్చట్లు పెట్టింది. మధ్యలో పునర్నవి కల్పించుకుని వదినా.. చికెన్ చేస్తున్నావా? వదినా హూ.. హూ.. అంటూ తమన్నాను ఇమిటేట్ చేసింది. 

ఇక బిగ్ బాస్‌లో గ్యాస్, కరెంట్‌ను వృధా చేస్తుండటంతో బిగ్ బాస్ కంటెస్టెంట్స్‌కి శిక్ష విధించారు. వాటి విలువ తెలుసుకోవడం కోసం.. మూడు సైకిల్స్ ఇచ్చి వాటిని తొక్కడం ద్వారా గ్యాస్, కరెంట్‌లను ఉత్పత్తి చేసుకోవాలని ఆదేశించి లగ్జరీ బడ్జెట్ టాస్క్ ఇచ్చారు బిగ్ బాస్. తొలిత శ్రీముఖి సైకిల్ ఎక్కడంతో ఒకరి తరువాత ఒకరు అని కాకుండా.. టీంలుగా డివైడ్ అయ్యి సైకిల్ తొక్కితే బాగుంటుందని శివజ్యోతి గొడవ మొదలుపెట్టింది. నేను కూడా ముందు సైకిల్ తొక్కుతా.. నైట్ పడుకోవాలని రచ్చ చేసింది తమన్నా సింహాద్రి.

వితికా-పునర్నవి మధ్య రచ్చ 
అందరూ టాస్క్‌లో పార్టిసిపేట్ చేస్తుంటే.. నువ్ ఒక్కదానివి వంటగదిలో ఉండటం కరెక్ట్ కాదు.. నువ్ కూడా ఇన్వాల్వ్ అవ్వు అని పునర్నవి.. వితికాతో అనడంతో వివాదం మొదలైంది. నేను దోసెలు వేస్తున్నా.. నువ్ ఎందుకు నన్ను టార్గెట్ చేస్తున్నావ్ అంటూ వితికా ఫైర్ అయ్యింది. 

అయితే అక్కడే ఉన్న వరుణ్ సందేశ్.. పునర్నవిని సపోర్ట్ చేయడంతో గుక్కపెట్టి ఏడ్చేసింది వితికా. కాసేపు వరుణ్-వితికాల మధ్య డిస్కషన్ జరగడం.. మిగిలిన మహిళా కంటెస్టెంట్స్ ఓదార్పు యాత్రలు చేయడంతో కాసేపు నాటకీయత చోటు చేసుకుంది. 

ఫైనల్‌గా వరుణ్.. వితికా చేతిలో చేయి వేసి క్షమించమని కోరడంతో కరిగిపోయిన వితికా కూడా వరుణ్‌కి సారీ చెప్పింది. మొత్తానికి వితికా- పునర్నవిల మధ్య మొదలైన గొడవ.. భార్యా భర్తల మధ్య రచ్చ రేపి సుఖాంతం అయ్యింది. 

శ్రీముఖికి అంత సీన్ లేదంటున్న జాఫర్.. 
ఇక వైల్డ్ కార్డ్ ఎంట్రీతో బిగ్ బాస్ హౌస్‌లోకి వచ్చిన తమన్నా.. శ్రీముఖి గురించి తాను ఏదో అనుకున్నాను కాని.. ఇక్కడ అంతే లేదు అని అనడంతో ఆమెకు జతకలిశాడు జాఫర్. నేను ఆమె క్రేజ్ చూసి ఏదో అనుకున్నాను కాని.. ఇక్కడ అంతే లేదు. జస్ట్ అందరిలాగే ఆమె కూడా అంటూ తమన్నాతో మాట కలిపారు. ఇంటర్వ్యూలు, రాజకీయ విశ్లేషణలు చేసి జర్నలిస్ట్ జాఫర్.. శ్రీముఖి పెర్ఫామెన్స్‌పై రిపోర్టింగ్ చేశారు. 

ఈరోజు చిన్న చిన్న తగాదాలు.. ఓదార్పు యాత్రలతో సాగిన బిగ్ బాస్ ఎపిసోడ్‌.. రేపు మరింత రంజుగా సాగేట్టు కనిపిస్తుంది. తీన్మార్ సావిత్రి- వరుణ్ సందేశ్‌ల మధ్య వివాదం రేగింది. నాదే తప్పు సారీ.. అని వరుణ్ అనడంతో ఏడుపు మొదలు పెట్టింది సావిత్రి. మరి ఈ రచ్చ ఏందో రేపటి ఎపిసోడ్‌లో చూడాలి. ఈలోపు ఎలిమినేషన్‌లో ఉన్న ఎనిమిది మంది కంటెస్టెంట్స్‌కి సింపుల్‌గా ఓటు వేసేందుకు ఈ క్రింది లిక్‌ని క్లిక్ చేసి మీకు ఇష్టమైన కంటెస్టెంట్‌కి ఓటు వేయండి. 




Please Read Disclaimer