బిగ్ బాస్: పులిహోర రాహుల్‌కి పునర్నవి ప్లాట్.. రాఖీ సాక్షిగా లవ్ ట్రాక్

0

వంటగదిలో శ్రీముఖి.. బాబా భాస్కర్‌ల మధ్య వంటనూనె విషయంపై సరదా చర్చ నడిచింది. గత వారం ఐదు లీటర్ల నూనె ఇచ్చి ఇప్పుడు రెండు లీటర్ల నూనె ఇచ్చారు అంటూ సీరియస్‌గా రియాక్ట్ అయ్యింది శ్రీముఖి. 

ఇక డైనింగ్ టేబుల్‌ మీద వితికాతో పాటు రాహుల్-పునర్నవిలు ఒకే ప్లేట్‌లో తింటూ ముచ్చట్లు పెట్టారు. ఇక పునర్నవి.. రాహుల్ తినిపించడంతో మిమ్మల్ని ఇలా చూస్తే మీకు పెళ్లి అవ్వదు అంటూ చురక అంటించింది వితికా షెరు. అయితే ఏ.. తినిపిస్తే తప్పా పెళ్లి కాకపోతే ఏం.. అంటూ కొసరి కొసరి రాహుల్‌కి తినిపించింది పునర్నవి. 

ఇక రాహుల్.. పునర్నవి చేతి ముద్దలు తింటూ మైమరిచాడు. ఎంత టేస్ట్‌గా ఉందో ఈమె తినిపిస్తుంటే అంటూ ఆస్వాదించాడు. మీరు ఇలా చేస్తే పుకార్లు వస్తాయి అని వితికా అనడంతో అయితే నేనే తింటాలే అని పునర్నవి ప్లేట్‌లో చేయిపెట్టి తింటూ.. ఇది పెద్దగా టేస్ట్ అనిపించడంలేదు. పునర్నవి తినిపిస్తే టేస్ట్‌గా ఉందంటూ తనదైన శైలిలో పులిహోర కలిపి పునర్నవిని లైన్‌లోకి తెచ్చుకునే ప్రయత్నం చేశాడు. 

మరోవైపు బిగ్ బాస్ కంటెంస్టెంట్‌లకు మెదడుకు మేత వేసే ప్రయత్నం చేశారు బిగ్ బాస్. అందుకు గానూ హౌస్‌లో ఉన్న పురుషులు, మహిళలను రెండు గ్రూప్‌లుగా చేసి వారికి జీకే క్వచ్ఛన్స్ పెట్టారు. ఈ టాస్క్‌లో శివజ్యోతి ప్రశ్నలు అడగగా.. కంటెస్టెంట్స్ ఆన్సర్‌లు ఇచ్చారు. హోరా హోరీగా సాగిన ఈ ఆటలో మహిళలపై పురుషులు విజయం సాధించారు. 

హౌస్‌లో రాఖీ సంబరాలు 
రక్షా బంధన్ సందర్భంగా బిగ్ బాస్ హౌస్‌లో రాఖీ సంబరాలు జరిగాయి. కంటెస్టెంట్స్‌కి వాళ్ల ఇంటి దగ్గర నుండి పంపించిన రాఖీలు హౌస్‌లో ఉన్న వాళ్లతో కట్టించుకుని ఎమోషన్ అయ్యారు. తొలుత వరుణ్ సందేశ్‌కి హిమజ రాఖీ కట్టగా.. అలీకి శివజ్యోతి రాఖీ కట్టి ఎప్పటిలాగే గుక్కపెట్టి ఏడ్చేసింది. 

శ్రీముఖి డిఫరెంట్.. 
అయితే అందరూ అక్క, చెల్లెలుగా భావించి రాఖీ కట్టించుకుంటుంటే.. తన తమ్ముడు పంపిన రాఖీని ఎవరితోనూ షేర్ చేసుకోలేనని.. ఆ రాఖీ నేను కట్టించుకుంటా అంటూ బాబా భాస్కర్‌లో కట్టించుకుంది శ్రీముఖి. బాబా భాస్కర్.. శ్రీముఖికి రాఖీ కట్టి మంచి భర్త రావాలని ఆశీర్వదించారు. 

పులిహోర రాజాకి పునర్నవి ప్లాట్.. 
ఇక ఒకరికొకరు రాఖీలు కడుతుండగా.. పునర్నవి వంతు వచ్చింది. ఆ సందర్భంలో వరుణ్ సందేశ్, రాహుల్‌లు పక్కనే కూర్చుని ఉన్నారు. ఈ సందర్భంలో అతన్ని చూస్తే మా తమ్ముడు గుర్తొస్తాడు.. అతనిలో మా తమ్ముడ్ని చూస్తున్నా అని వరుణ్ ఉద్దేశించే అనగా.. పక్కనే ఉన్న రాహుల్‌ కంగారయ్యాడు. ఆమె ఇటు చూస్తుంటే కంగారు వచ్చింది.. పారిపోదాం ఇక్కడ నుండి అనుకున్నా అనడంతో హౌస్‌లో నవ్వులు మొదలయ్యాయి. 

ఇక పునర్నవి కల్పించుకుని.. ‘హౌస్ ఉన్న వాళ్లందరికీ రాఖీ శుభాకాంక్షలు ఒక్క రాహుల్‌కి తప్ప అంటూ పులిహోర రాజా రాహుల్ లైన్‌లోకి వచ్చినట్టుగా ఇన్ డైరెక్ట్‌గా చెప్పింది పునర్నవి. మొత్తానికి నేటి ఎపిసోడ్ రాహుల్-పునర్నవిల లవ్ ట్రాక్ మెల్లగా పట్టలెక్కింది. డైనింగ్ టేబుల్ దగ్గర తినిపించుకోవడాలు.. రాఖీ రాహుల్‌కి లేదని లవ్ ట్రాక్‌లోకి వచ్చినట్టుగా గ్రీన్ సిగ్నల్ ఇచ్చింది పునర్నవి. మొత్తానికి రాహుల్ తొలి నుండి కలుపుతున్న పులిహోర బాగానే వర్కౌట్ అయినట్టుగానే కనిపిస్తుంది. మరి రేపటి ఎపిసోడ్‌లో ఏం కలుపుతాడో చూడాలి. బిగ్ బాస్ అప్డేట్స్ కొనసాగుతాయి.. మరిన్ని వివరాలు రేపటి ఎపిసోడ్‌లో. 




Please Read Disclaimer