నవరసాలతో నవరాత్రి.. ఆమె శృంగార రసాన్ని ధారబోసింది

0

‘ఆటాడుకుందాం రా.. అందగాడా.. అందరో చందురూడా’ అంటూ అందమైన భామలతో కిక్ ఎక్కించే స్టెప్పులతో ఆదివారం ఎపిసోడ్‌లో అదిరిపోయే ఎంట్రీ ఇచ్చారు నాగార్జున. నేడు సండే కాబట్టి ఫుల్ ఫన్ డేలా సాగాలని ఏమాత్రం ఆలస్యం చేయకుండా బిగ్ బాస్ హౌస్‌ కంటెస్టెంట్స్‌ను మన టీవీ ద్వారా పలకరించారు నాగార్జున.

నవరాత్రి స్పెషల్.. నవరసాలు
నేడు నవరాత్రి కావడంతో నాగార్జున ఎంట్రీ కోసం అందగా ముస్తాబు అయ్యి నవరసాలను పలికించడానికి రెడీ అయ్యారు కంటెస్టెంట్స్. వారితో నాగార్జున ముచ్చటిస్తూ.. ‘నవరాత్రి అంటేనే నవరసాలు.. ఈ నవరసాలను మాకు చూపించాలని ఒక్కొక్కరూ ఒక్కో రసాన్ని చూపించాలన్నారు నాగ్. దీనికి మార్కులు కూడా ఉంటాయని అనడంతో పెర్ఫామెన్స్‌తో రెచ్చిపోయారు కంటెస్టెంట్స్.

మొదటిగా వరుణ్ సందేశ్‌కి శాంతం రసం ఇవ్వడంతో బాగానే కష్టపడ్డాడు. దీంతో ఇది శాంతంలా లేదు.. పెద్ద ఫ్రూట్‌లా కనిపించావ్ అన్నారు నాగార్జున.

పునర్నవికి శృంగార రసం.. పెర్ఫామెన్స్ పీక్స్
ఈ టాస్క్‌లో భాగంగా పునర్నవి పర్శనాలిటీకి తగ్గట్టుగానే శృంగార రసం పండించాలని టాస్క్ ఇచ్చారు నాగ్. ఇక గులాబీ రంగు లంగాఓణీతో వయ్యారాలు ఒలకబోస్తూ శృంగార రసాన్ని ఒలికబోస్తూ ఓ రేంజ్ పెర్పామెన్స్ ఇచ్చింది. ‘సిగ్గేస్తోంది.. నిను చూస్తుంటే.. సిగ్గేస్తోంది నిను చూస్తుంటే’ అంటూ వయ్యారాలను ఒలకబోసింది.

ఆమె శృంగార రసాన్ని విరివిగా పండిస్తుంటే.. తట్టుకోవడం రాహుల్‌కి చాలా కష్టమైంది. నాగార్జున సైతం రెప్పవేయకుండా పున్నూ శృంగార రసాన్ని ఆస్వాదించారు.

అనంతరం శివజ్యోతికి తగ్గట్టుగా కరుణ రసాన్ని అప్పగించారు. రంగంలోకి దిగిన శివజ్యోతి ‘ఆడజన్మకు ఎన్ని శోకాలో’ అంటూ పెర్ఫామెన్స్‌తో జీవించేసింది. దీంతో నాగార్జునతో పాటు ఇంటి సభ్యులతో బెస్ట్ మార్కులను కొట్టేసింది.

అనంతరం బాబా భాస్కర్ బీభత్సం, శ్రీముఖి రౌద్ర రసాలను ఒలికించారు. అమ్మవారిగా శ్రీముఖి ఉగ్రరూపం దాల్చితే బాబా భాస్కర్ ‘కాంచన’ పాటకు బీభత్సం చేశారు. దీంతో ఈ ఇద్దరికీ వందకు వంద మార్కులు వచ్చాయి. అనంతరం వితికాను అద్భుత రసాన్ని పలికించమంటే వరుణ్‌తో కలిసి రొమాన్స్ చేసింది. ఈమె ఏం చేసింది? అని ఆడియన్స్‌కే కాదు నాగార్జునకు సైతం డౌట్ వచ్చేలా అద్భుత రసాన్ని నీరుగార్చింది. అలీ వీర రసంతో పర్వాలేదనిపించగా.. చివర్లో మహేష్ విట్టా.. బాబా భాస్కర్‌తో కలిసి చేసిన హాస్య రసం పొట్టచెక్కలు చేసింది. దీంతో మహేష్‌కి కూడా వందకు వంద మార్కులు వచ్చాయి.

పునర్నవి ఔట్.. దు:ఖ సాగరంలో రాహుల్

11 వ వారం నామినేషన్‌లో భాగంగా వరుణ్, రాహుల్‌లు సేవ్ అయినట్టు ప్రకటించారు నాగార్జున. ఇక మిగిలిన పునర్నవి, మహేష్‌లలో పున్నూని ఎలిమినేట్ అయినట్టు ప్రకటించారు నాగ్. పునర్నవి హౌస్ నుండి బయటకు వస్తూ భావోద్వేగానికి గురైంది. ఇంటి సభ్యులు అందరికీ జాగ్రత్తలు చెప్పింది కాని.. రాహుల్‌తో మాట్లాడలేదు. కనీసం అతనితో ఫొటో దిగడానికి సైతం నో చెప్పింది. రాహుల్ మాట్లాడటానికి ప్రయత్నించినప్పటికీ నో అనేసింది పునర్నవి. అయితే పున్నూ బయటకు వచ్చిన తరువాత రాహుల్ గుక్కపెట్టి ఏడ్చేశాడు. ఆమెను తలుచుకుంటూ కన్నీటి పర్యంతం అయ్యాడు. ఇక బిగ్ బాస్ స్టేజ్ మీద పున్నూను చూసి తట్టుకోకపోయాడు రాహుల్.. ‘ఏమైపోయావే’ అంటూ పాట పాడుతూ వెక్కి వెక్కి ఏడ్చాడు రాహుల్. అతన్ని కంట్రోల్ చేయడం హౌస్‌లో ఉన్న వాళ్ల వల్ల కాలేదు. పునర్నవి సైతం రాహుల్‌ని చూసి ఎమోషన్ అయ్యింది. మొత్తానికి నేటి ఎపిసోడ్‌లో పునర్నవి ఎలిమినేషన్ రాహుల్‌తో కంటతడి పెట్టించింది.




Please Read Disclaimer