బాలకృష్ణతో చేయించిన ఆ సీన్‌తో నాకు చెడ్డ పేరు వచ్చింది: దర్శకుడు గోపాల్

0

‘స్టేట్ రౌడీ’, ‘కలెక్టర్ గారి అబ్బాయి’, ‘లారీ డ్రైవర్’.. ఇలాంటి ఎన్నో ఆణిముత్యాలను తెరకెక్కించిన దర్శకుడు బి. గోపాల్. నటసింహ నందమూరి బాలకృష్ణతో వరుసగా ఐదు హిట్లు తీసారు. కానీ ఆరో సినిమా మాత్రం ఫట్టు మంది. ఇందుకు కారణం నేనే అని గోపాల్ నిర్మొహమాటంగా ఒప్పుకున్నారు. కమెడియన్ అలీ హోస్ట్ చేస్తున్న ‘ఆలీతో సరదాగా’ షోలో ఈ విషయం గురించి వెల్లడించారు.

‘‘బాలకృష్ణతో చేసిన సినిమాలన్నీ బ్లాక్ బస్టర్ హిట్లే. కానీ ‘పల్నాటి బ్రహ్మనాయుడు’ మాత్రం ఫ్లాపైంది.

అందుకు కారణం నేనే. ఎందుకంటే అందులో ఏ హీరో చేత చేయించకూడని సన్నివేశాన్ని బాలకృష్ణతో చేయించాను. ఆయన విజిల్ వేస్తే, తొడ కొడితే ట్రైన్ ఆగిపోవాలన్న కాన్సెప్ట్ నాదే. ఈ రకంగా చూపిస్తే హీరో రోల్ ఎలివేట్ చేసి చూపించొచ్చు అనుకున్నాను కానీ ఆ సినిమా వల్ల నాకు చాలా చెడ్డ పేరు వచ్చింది. దాంతో అలాంటి ప్రయత్నాలు చేయకూడదని నిర్ణయించుకున్నాను. మీరు గమనించినట్లైతే.. నా సినిమాలో ముగ్గురు, నలుగురు హీరోయిన్స్‌కు ఆస్కారం ఉంటుంది. ఎందుకంటే నాకు హీరోయిన్లంటే ఇష్టం. అందుకే అంత మందిని పెట్టి సినిమాలు తీస్తుంటాను’’ అని వెల్లడించారు గోపాల్.

ఎన్నో బ్లాక్ బస్టర్ హిట్లు ఇచ్చిన గోపాల్.. 2000 నుంచి సినిమాల విషయంలో డీలా పడిపోయారు. 2005లో ఎన్టీఆర్‌‌తో చేసిన ‘నరసింహుడు’ సినిమా ఆడలేదు. ఆ తర్వాత వచ్చిన ‘మస్కా’, ‘ఆరడుగుల బుల్లెట్’ కూడా బాక్సాఫీస్ వద్ద ఫట్టుమన్నాయి. దాంతో తన అనుభవానికి తగ్గట్టు సినిమాలు తీస్తే ఇప్పటి తరానికి రుచించడం లేదు అనుకున్నారో ఏమో.. 2017 నుంచి సినిమాలు చేయడం మానేసారు. ‘ఆరడుగుల బుల్లెట్’ తర్వాత గోపాల్ నుంచి మరో సినిమానే రాలేదు.




Please Read Disclaimer