‘వెటకారం ఎక్కువైంది బాగా.. ఇలాంటి వెధవతో వేస్ట్’: నాగబాబు

0

జబర్దస్త్ నవ్వులు చూసినవారెవరైనా ‘నవ్వితే నాగబాబులా నవ్వాలి’ అనక మానరు. అంత రిదమిక్ నవ్వుతారు ఆయన. కామెడీని ఎంజాయ్ చేస్తూ పంచ్‌కి ఫక్కున నవ్వడం ఆయనకి బాగా అలవాటు. ‘ఆటో పంచ్ అయినా సెన్సార్ పంచ్ అయినా.. నవ్వడం మాత్రం పక్కా’ అన్నట్టుంటుంది ఆయన నవ్వు. నవ్వడమే కాదు.. అప్పుడప్పుడూ స్కిట్‌లో ఇన్వాల్వ్ అయిపోయి రివర్స్ పంచ్‌లతో చెలరేగిపోతుంటారు. ఈసారి చంద్ర స్కిట్‌లో చంద్రకు సపోర్ట్ చేస్తూ.. సత్తిపండుకు పంచ్‌లు వేసి ప్రేక్షకులను నవ్వించారు. ఆ కథేంటో చూద్దాం!

చంద్ర(స్కిట్లోని పాత్ర పేరు – వేములవాడ)కు తన చెల్లెలంటే ప్రాణం. అయితే ఆమెని సత్తిపండు పెళ్లి చేసుకుంటాడు. పెళ్లి తర్వాత అప్పగింతల సమయంలో అమ్మాయి(చంద్ర చెల్లెలు) ఏడుస్తుంటే.. చంద్ర బుజ్జగిస్తుంటాడు. దాంతో నాగబాబు.. ‘నిన్ను(చంద్రని) విడవలేక ఏడుస్తుందా? ఇంత ముసలోడ్ని(సత్తిపండు) చేసుకున్నందుకు ఏడుస్తుందా?’ అంటూ సెటైర్ వేసి నవ్వడం ప్రారంభించారు. ఇంతలో సత్తిపండు ‘బాబుగారు మా కాపురం చల్లగా ఉండాలని ఆశీర్వదించండి’ అంటాడు. ‘ఎలాగో చల్లబడుతుందిలే’ అంటూ మరో పంచ్ వేస్తారు నాగబాబు.

అప్పగింతలు చేసి వెళ్లిన చంద్ర.. మరుసటి రోజే చెల్లెలు మీద ప్రేమతో.. సత్తిపండు ఇంటి పక్కనే ఇల్లు కొనేస్తాడు. తెల్లారే భర్తకు కాఫీ ఇచ్చే టైమ్‌లో ‘చెల్లెమ్మా’ అంటూ సర్ఫ్రైజ్ ఇస్తాడు చంద్ర. అన్నయ్యని చూసిన ఆనందంలో చేతిలోని కాఫీని భర్త సత్తిపండు ముఖాన్ని కొట్టి.. చంద్ర దగ్గరకు పరుగు తీస్తుంది చంద్ర చెల్లెలు. దాంతో చంద్ర సత్తిపండు కాళ్లు పట్టుకుని.. ‘నీ మీద కాఫీ కొట్టినందుకు నా చెల్లెల్ని క్షమించు బావా’ అంటాడు. వెంటనే చంద్ర చెల్లెలు.. ‘ఆ గొట్టంగాడి కాళ్లు నువ్వు పట్టుకోవడం ఏంటన్నయ్యా?’ అంటుంది. సత్తిపండు షాక్ అవుతాడు. ఆమె స్పందనకి రోజా, నాగబాబులు పడిపడి నవ్వుతారు.

తన చెల్లెలు వాకిలి తుడుస్తుంటే చూసి తట్టుకోలేని చంద్ర.. బావ సత్తిపండుని బయటికి పిలిచి మరీ తిడతాడు. దాంతో ‘నీ చెల్లెల్ని ఎప్పుడూ అంటిపెట్టుకుని ఉండకురా.. దాన్ని కాస్త వదిలెయ్..’ అంటూ చంద్రాకి దన్నం పెడతాడు సత్తిపండు. అయినా చంద్ర అవేం పట్టనట్లుగా.. చెల్లెలు మీద ఉన్న తన ప్రేమని చెబుతూ.. ‘నా చెల్లెలు కష్టపడితే చూడలేను బావా.. అయినా నా చెల్లెకి వంట గది ఎక్కడుందో తెలియదు. చీపురు ఎక్కడ ఉందో తెలియదు.. అసలు ముగ్గు ఏ రంగులో ఉంటుందో కూడా తెలియదు’ అంటూ గొప్పగా చెబుతుంటాడు. దాంతో సత్తిపండు వెటకారంగా.. ‘కనీసం దానికి మొగుడు ఉన్నాడన్న విషయమైనా తెలుసా?’ అంటాడు. ‘వెటకారం ఎందుకు బావా నువ్వు మరీను’ అంటాడు చంద్ర సత్తిపండుతో.. ఆ మాటకి నాగబాబు స్పందిస్తూ.. ‘హా.. వెటకారం ఎక్కువైంది వాడికి’ అంటూ చంద్రకు సపోర్ట్ చేస్తారు.

‘బావా.. ఇదంతా కాదు కానీ.. నేను ఊడుస్తానులే’ అంటూ చీపురు అందుకుంటాడు చంద్ర. దాంతో చంద్ర చెల్లెలు రెచ్చిపోతుంది. ‘ఆ వెధవ ఇంటి ముందు నువ్వు ఊడ్వటం ఏంటన్నయ్యా? అవసరం అయితే వాడ్ని నేను వదిలేస్తాను’ అంటూ మెడలో తాళి తీసేయబోతుంది. దాంతో సత్తిపండు ఆమెని అడ్డుకుంటాడు. అయితే నాగబాబు మాత్రం ‘తీసేయ్.. ఇలాంటి వెధవతో వేస్ట్’ అంటూ కౌంటర్ వేస్తారు. ఇలా ప్రతి డైలాగ్‌లో అన్నా చెల్లెలు ఆర్ ఆర్ వేసుకుంటూ సత్తిపండుని పట్టించుకోకుండా టార్చర్ చేయడం, చంద్ర భార్య కూడా తన కష్టాలను చెప్పుకోవడం రిపీట్ డైలాగ్స్‌తో కామెడీ చేయడం చాలా బాగా అనిపిస్తుంది. స్కిట్ పూర్తి అయిన తర్వాత రష్మీ కూడా చంద్ర బుగ్గులు గిచ్చుతూ.. ‘వాటే నైస్ లవ్లీ బ్రదర్..’ అంటుంది. మొత్తానికి స్కిట్ హిలేరియస్‌గా ఉందన్నారు రోజా, నాగబాబులు.




Please Read Disclaimer