ఇస్మార్ట్ బ్యూటీ ట్రైబల్ లుక్.. ఇదో వెరైటీ!

0
హీరోయిన్లు ఫొటోషూట్లు చేయడం సర్వసాధారణం. ఒకప్పుడు హీరోయిన్ల ఫొటోషూట్లను ఏ మ్యాగజైన్‌లోనో, న్యూస్ పేపర్‌లోనో, ఏదో ఒక వెబ్‌సైట్‌లోనో చూసేవాళ్లం. కానీ, ఇప్పుడు సోషల్ మీడియా అందుబాటులో ఉంది. అందులోనూ ఇన్‌స్టాగ్రామ్ అనే ఫొటో షేరింగ్ ప్లాట్‌ఫాం ఉంది. అందుకే, హీరోయిన్లు తమ కొత్త ఫొటోషూట్లను ఇన్‌స్టాగ్రామ్ ద్వారా అభిమానులతో పంచుకుంటున్నారు.

గిరిజన అమ్మాయిలా నభా నటేష్

టాలీవుడ్ క్రేజీ హీరోయిన్‌గా మారిన నభా నటేష్ కూడా తన ఫొటోలను ఎప్పటికప్పుడు ఇన్‌స్టాగ్రామ్ ద్వారా అభిమానులతో షేర్ చేసుకుంటూ ఉంటుంది. అయితే, ఆమె తాజాగా ఇన్‌స్టాలో పోస్ట్ చేసిన ఫొటోలు చాలా వెరైటీగా ఉన్నాయి. ఈ ఫొటోల్లో నభా గిరిజన అమ్మాయిలా ముస్తాబయ్యింది. నుదుటిపైన, కళ్లకింద, చేతుల మీద తెల్లగా సున్నంలా పూసుకుంది. అలాగే, చేతికి గవ్వల కంకణం పెట్టుకుంది. మొత్తం మీద ఈ ఫొటొల్లో నభా నటేష్ చాలా కొత్తగా, వింతగా కనిపిస్తోంది.

ఇస్మార్ట్ పోరీగా..

దోచుకుందువటే’ సినిమా ద్వారా తెలుగు తెరకు పరిచయమైంది నభా నటేష్. అయితే, ఈ కన్నడ బ్యూటీకి మంచి గుర్తింపు తీసుకొచ్చిన సినిమా మాత్రం ‘ఇస్మార్ట్ శంకర్’. ఎందుకంటే ఈ సినిమాలో నభాను పూరి జగన్నాథ్ చాలా హాట్‌గా చూపించారు. అంతేకాదు, ఇది పక్కా కమర్షియల్ సినిమా కావడంతో ప్రేక్షకులకు కూడా బాగా రీచ్ అయిపోయింది. దీంతో నభాకు కూడా క్రేజ్ పెరిగింది. ఈ సినిమాలో నటించిన దగ్గర నుంచి నభా నటేష్ ఇస్మార్ట్ పోరి అయిపోయింది.

పెరుగుతున్న అవకాశాలు

ఇప్పుడు నభాకు వరుస పెట్టి అవకాశాలు వస్తున్నాయి. టాలీవుడ్‌లో క్రేజీ హీరోయిన్‌గా మారిన నభా.. రవితేజ ‘డిస్కోరాజా’లో ఇంట్రెస్టింగ్ రోల్ ప్లే చేస్తుంది. అలాగే, సాయిధరమ్ తేజ్ సరసన ‘సోలో బ్రతుకే సో బెటర్’ సినిమాలోనూ నటిస్తోంది. డిసెంబర్ మొదటి వారంలో ఈ సినిమా షూటింగ్‌లో పాల్గొంటుంది నభా.

ఇన్‌స్టాగ్రామ్‌లో సెన్సేషన్

ఇన్‌స్టాగ్రామ్‌లో రోజుకో కొత్త ఫొటోను పోస్ట్ చేసే నభా నటేష్‌కు ఫాలోవర్లు కూడా చాలా ఎక్కువే. ఆమెకు 1.1 మిలియన్ ఫాలోవర్లు ఇన్‌స్టాగ్రామ్‌లో ఉన్నారు. ఏదైనా ఒక ఫొటో పోస్ట్ చేస్తే చాలు లైకుల లైకులు, కామెంట్ల కామెట్లు పెట్టేస్తారు. కాగా, ‘ఇస్మార్ట్ శంకర్’ సినిమా తరవాత నభా నటేష్ కొత్త బెంజ్ కారును కొనుగోలు చేసింది. ఈ కారుతో తీసుకున్న ఫొటోను సైతం ఇన్‌స్టాలో పోస్ట్ చేసింది.



Please Read Disclaimer