రాముడి గెటప్ లో సూపర్ స్టార్.. పోస్టర్ వైరల్..

0

సోషల్ మీడియాలో నిత్యం సూపర్ స్టార్ సంబంధించి ఏదో ఒక న్యూస్ వైరల్ అవుతూనే ఉంటుంది. లాక్డౌన్ కారణంగా షూటింగులు వాయిదాపడటంతో మహేష్ బాబు ఇంటికే పరిమితమయ్యారు. కలిసొచ్చిన ఈ సమయాన్ని ఫ్యామిలీతో ఎంజాయ్ చేస్తున్నాడు. ఇంట్లో మహేష్ చేసే సరదా సంఘటనలను మహేష్ భార్య నమ్రత ప్రతీరోజు సోషల్ మీడియాలో పోస్టు చేస్తూ అభిమానులను అలరిస్తూ ఉంటోంది. మహేష్ కూడా తన ఇన్ స్ట్రాలో ఫ్యామిలీతో ఎంజాయ్ చేసే పిక్స్ పోస్టు చేస్తుంటాడు. మహేష్-నమ్రత, మహేష్-సితార, మహేష్-గౌతమ్ అల్లరికి సంబంధించిన విషయాలు ఇప్పటికే లాక్డౌన్ కాలంలో చాలానే వచ్చాయి. ఇవన్నీ కూడా మహేష్ ఫ్యాన్స్ ను బాగా అలరించాయి.

తాజాగా మహేష్ కు సంబంధించిన ఓ పిక్ నెట్టింట్లో వైరల్ అవుతోంది. మహేష్ బాబును ఎప్పుడు చూడని గెటప్ లో.. అది కూడా పౌరాణిక పాత్రలో కన్పించి అందరినీ సర్ ప్రైజ్ చేశాడు. రాముడి గెటప్ లో మహేష్ బాబు కన్పించి అందరినీ ఆశ్చర్యపరిచాడు. ఓ అభిమాని మహేష్ బాబును రాముడి పాత్రలో ఊహించి తీర్చిదిద్దని పోస్టర్ ప్రస్తుతం నెట్టింట్లో వైరల్ అవుతోంది. మహేష్ బాబు ప్రస్తుతం దర్శకుడు పరశురామ్ తో ఓ మూవీ చేయనున్నాడు. దర్శకుడు రాజమౌళి ‘ఆర్ఆర్ఆర్’ మూవీ చేస్తున్నాడు. ఈ మూవీ తర్వాత మహేష్ బాబుతో ఓ మూవీ చేయనున్నట్లు రాజమౌళి ఇటీవలే ప్రకటించాడు.

‘ఆర్ఆర్ఆర్’ తర్వాత దర్శక దిగ్గజం రాజమౌళి భారీ బడ్జెట్లో ‘రామాయణం’ మూవీ తీయనున్నట్లు ప్రచారం జరుగుతుంది. ఈ చిత్రాన్ని అల్లు అరవింద్ గీతా ఆర్ట్స్ బ్యానర్లో నిర్మిస్తారని ఫిల్మ్ నగర్లో టాక్ విన్పిస్తుంది. ఈ ప్రచారం నేపథ్యంలో ఓ అభిమాని మహేష్ ను రాముడి గెటప్ లో ఊహిస్తూ పోస్టర్ ను రూపొందించాడు. రాముడి గెటప్ లో ప్రిన్స్ మహేష్ బాబు అద్భుతంగా ఉన్నారు. దీంతో ఈ పోస్టర్ ను మహేష్ బాబు ప్యాన్స్ షేర్ చేస్తున్నారు. దీంతో ఈ పిక్ నెట్టింట్లో వైరల్ అవుతోంది.