అక్కినేని అభిమానులకు స్వీట్ న్యూస్.. 23న చైతు సర్‌ప్రైజ్

0

అక్కినేని హీరో నాగచైతన్య తన అభిమానులకు ఒక స్వీట్ న్యూస్ చెప్పారు. అంతేకాదు ముందస్తుగా ఒక గిఫ్ట్ కూడా ఇచ్చారు. ఇంతకీ ఈ స్వీట్ న్యూస్, గిఫ్ట్ తన కొత్త సినిమాకు సంబంధించింది. నాగచైతన్య, సాయి పల్లవి జంటగా శేఖర్ కమ్ముల డైరెక్షన్‌లో సినిమా తెరకెక్కుతోన్న విషయం తెలిసిందే. ఇది నాగచైతన్యకు 19వ సినిమా. ఈ సినిమాలో నాగచైతన్య లుక్‌ను చిత్ర యూనిట్ గురువారం విడుదల చేసింది. ఈ పోస్టర్‌లో సూపర్ కూల్ లుక్‌లో నాగ చైతన్య ఉల్లాసంగా కనిపిస్తున్నారు.

ఇదలా ఉంటే, నాగచైతన్య సందర్భంగా నవంబర్ 23న ఉదయం 10.30 నిమిషాలకు ఈ సినిమాలోని హీరో క్యారెక్టర్‌ని పరిచయం చేసే ఓ వీడియోను రిలీజ్ చేయబోతున్నారు మేకర్స్. ఈ మేరకు నాగచైతన్య ట్విట్టర్ ద్వారా ప్రకటించారు. తన బర్త్ డే సందర్భంగా ఆయన ప్రపంచంలోకి మనల్ని అహ్వానిస్తున్నారు నాగచైతన్య. అక్కినేని అభిమానులకు, సినిమా ప్రేమికులకు కొత్త ఎక్స్‌పీరియన్స్‌గా ఈ వీడియో ఉండబోతోందని చిత్ర యూనిట్ వెల్లడించింది.

ఇదిలా ఉంటే, సహజత్వం నింపుకొని ఉన్న పాత్రలతో అందమైన కథలను తెర మీదకు తెచ్చే శేఖర్ కమ్ముల ఈ ప్రేమ కథను మరింత హృద్యంగా మలుచుతున్నారు. ఈ సినిమాలో నాగ చైతన్య లుక్ విషయంలో మరింత కేర్ తీసుకుంటున్నారు డైరెక్టర్. కాగా, ఈ సినిమాను ఏమిగోస్ క్రియేషన్స్ సమర్పణలో శ్రీ వెంకటేశ్వర సినిమాస్ ఎల్‌ఎల్‌పి బ్యానర్‌పై నారాయణ్ దాస్ కె నారంగ్, పి రామ్మోహన్ రావు ఈ సినిమాను నిర్మిస్తున్నారు. రాజీవ్ కనకాల, ఈశ్వరీ రావు, దేవయాని ఇతర ముఖ్య పాత్రలు పోషిస్తున్నారు. పవన్ సంగీతం సమకూరుస్తున్న ఈ చిత్రానికి విజయ్ సి కుమార్ సినిమాటోగ్రఫీ అందిస్తున్నారు.




Please Read Disclaimer