సమయం చూసి నొక్కేస్తాడు.. నాగబాబు మళ్లీ గిచ్చాడు! పాలకొల్లులో నొక్కినట్టుగానా అని వీళ్లు

0

బాలయ్యపై కాంట్రవర్శి కామెంట్స్‌తో బాగా ఫోకస్ అయ్యారు మెగా బ్రదర్ నాగబాబు. ఆ మధ్య ఎన్నికల ముందు బాలయ్యపై ఎపిసోడ్‌ల వారిగా వీడియోలను విడుదల చేసి అసలు నాకు బాలయ్య ఎవరో తెలియదు అంటూ వివాదాలను రాజేసిన నాగబాబు.. ఈ మధ్య అదే బాలయ్యను క్షమాపణ చెప్పకపోతే మర్యాదగా ఉండదని వార్నింగ్ ఇచ్చారు. దీంతో వర్సెస్ నందమూరి ఫ్యాన్స్ మధ్య పెద్ద వార్ నడిచింది. ఇండస్ట్రీ పెద్దల మీటింగ్‌కి చిరంజీవి.. బాలయ్యను పిలిచి ఉండాల్సిందని కొందరు అంటే.. ఆయన పిలిస్తే మాత్రం వస్తారా?? అయితే గత 30 ఏళ్లలో ఆయన ఎన్ని మీటింగ్‌లకు వచ్చారు అనే వారు లేకపోలేదు. ఇదే తరుణంలో బాలయ్య ఉన్న అనుబంధాన్ని తెలియజేస్తూ చాలామంది ఇండస్ట్రీ వాళ్లు పాజిటివ్‌గా రియాక్ట్ అయ్యారు. ఆయన ముక్కుసూటి మనిషి అని, కల్మషం లేని వ్యక్తి అని పోసాని లాంటి సీనియర్ నటులు ప్రశంసలు కురిపించారు.

సరే.. ఇక ఆ విషయాన్ని పక్కనపెట్టేస్తే తాజా నాగబాబు ట్విట్టర్ మరో ఆసక్తికరమైన పోస్ట్ పెట్టారు. బాలయ్యను ఉద్దేశించి అన్నారా? లేక మరో ఉద్దేశంతో అన్నారో తెలియదు కాని.. బాలయ్య-నాగబాబు ఫ్యాన్స్ మధ్య వార్ నడుస్తున్న తరుణంలో మరో ట్వీట్ వదిలారు నాగబాబు. మనల్ని గొప్పోడు గొప్పోడు అని అంటే ఉబ్బి తబ్బిబ్బవ్వకండి.. సమయం చూసి ఒక్క నొక్కు నొక్కుతారు.. రజినీకాంత్ డయలాగ్ ఇన్ అరుణాచలం’ అంటూ జబర్దస్త్ జడ్జి మాదిరి పకా పకా నవ్వుతున్న ఎమోజీలను షేర్ చేశారు నాగబాబు.

అయితే నాగబాబు పోస్ట్‌పై బాలయ్య ఫ్యాన్స్ నుంచి సెటైర్లు ఓ రేంజ్‌లో వస్తున్నాయి. ‘నిజమేనండి పాలకొల్లులో నొక్కినట్టుగా కదా??’ అని కొందరంటే.. ‘అందుకే పొగడ్తలు నమ్మ కూడదు, డిపాజిట్లు కూడా రావు.. పైగా చివరికి పార్టీనీ కూడ అమ్ముకోవాల్సి వస్తుంది’ అంటూ సెటైర్లు వేస్తున్నారు. ఇక మెగా ఫ్యాన్స్ సైతం నందమూరి హీరోలను టార్గెట్ చేస్తే పోస్ట్‌లు పెడుతున్నారు.




Please Read Disclaimer