ప్రభాస్ రిజెక్ట్ చేసిన సినిమాను ఓకే చేసిన వరుణ్ తేజ్!

0

మెగా ప్రిన్స్ వరుణ్ తేజ్ మొదటి నుంచీ వైవిధ్యమైన పాత్రలు, కథలు ఎంపిక చేసుకుంటున్నారు. ఇటీవలే ‘గద్దలకొండ గణేష్’ అంటూ నెగిటివ్ షేడ్స్ ఉన్న పాత్రలో కనిపించి మెప్పించారు. ఈ సినిమా తరవాత వరుణ్ ఒక బాక్సింగ్ డ్రామాను ఓకే చేసిన విషయం తెలిసిందే. ఈ సినిమా ద్వారా కిరణ్ కొర్రపాటి దర్శకుడిగా పరిచయమవుతున్నారు. ఈ సినిమా షూటింగ్ ప్రారంభించాల్సి ఉంది. అయితే, ఈ సినిమా విషయంలో వరుణ్ తన నిర్ణయాన్ని మార్చుకున్నట్టు ప్రస్తుతం ఇండస్ట్రీలో వినిపిస్తోన్న టాక్.

తాజాగా వరుణ్ తేజ్‌కు దర్శకుడు సురేందర్ రెడ్డి ఒక కథను నెరేట్ చేశారట. ఈ కథ వరుణ్ తేజ్‌కు బాగా నచ్చడంతో వెంటనే పచ్చజెండా ఊపేశారని సమాచారం. అంతేకాదు, కిరణ్ కొర్రపాటి సినిమా కన్నా ముందే సురేందర్ రెడ్డి చిత్రం మొదలుపెట్టాలని వరుణ్ నిర్ణయించుకున్నారట. అన్నీ కుదిరితే త్వరలోనే ఈ ప్రాజెక్టు సెట్స్‌పైకి వెళ్లడం ఖాయమని అంటున్నారు. ఇదిలా ఉంటే, ఈ సినిమాకు సంబంధించి మరో ఆసక్తికర విషయం ఇండస్ట్రీలో హాట్ టాపిక్‌గా మారింది.

వరుణ్ తేజ్‌కు చెప్పిన కథను కొద్ది రోజుల క్రితం రెబల్ స్టార్ ప్రభాస్‌కు సురేందర్ రెడ్డి చెప్పారట. కానీ, ప్రభాస్ ఇప్పటికే తన సొంత బ్యానర్‌లో సినిమాకు కమిట్ అయిపోయారు. ఈ సినిమా వచ్చే ఏడాదికి కాని పూర్తికాదు. అంతేకాదు, వచ్చే ఏడాది డిసెంబర్ వరకు తన డేట్లు ఖాళీలేవని.. కాబట్టి, తాను చేయలేనని ప్రభాస్ చెప్పేశారట. దీంతో అదే కథను సురేందర్ రెడ్డి.. వరుణ్ వద్దకు తీసుకెళ్లారని చిత్ర వర్గాల ద్వారా తెలిసింది. వరుణ్ కూడా వెంటనే ఓకే చెప్పేయడంతో ఇక ప్రాజెక్ట్ పట్టాలెక్కడమే ఉందంటున్నారు.




Please Read Disclaimer