‘అందాల రాక్షసి’ సినిమాతో టాలీవుడ్ లో అడుగుపెట్టింది అందాల ముద్దుగుమ్మ లావణ్య త్రిపాఠి. ఫస్ట్ సినిమాలోనే నటనకు ప్రాధాన్యం ఉన్న ఉన్న పాత్రలో నటించిన ఈ బ్యూటీ.. అభినయం ఆకర్షణీయమైన రూపం అందరినీ ఆకట్టుకుంది. ‘భలే భలే మగాడివోయ్’ ‘శ్రీరస్తు శుభమస్తు’ ‘సోగ్గాడే చిన్ని నాయనా’ వంటి సినిమాలు లావణ్యకు మంచి పేరు తెచ్చిపెట్టాయి. ఇక గతేడాది వచ్చిన ‘అర్జున్ సురవరం’ సినిమాతో సూపర్ హిట్ అందుకుంది. అయితే పర్ఫార్మెన్స్ రోల్స్ తో పాటు గ్లామర్ రోల్స్ లో కూడా నటించాలని ఎప్పటినుంచో తాపత్రయపడుతున్న లావణ్య త్రిపాఠికి అలాంటి రోల్స్ మాత్రం రావడం లేదు. కెరీర్ స్టార్టింగ్ నుంచి కూడా ఈ డెహ్రాడూన్ భామ నటనకు ప్రాధాన్యత ఉన్న పాత్రల్లో నటించే ఛాన్సెస్ మాత్రమే వస్తున్నాయి.
ప్రస్తుతం లావణ్య త్రిపాఠి.. సందీప్ కిషన్ సరసన ‘ఏ1 ఎక్సప్రెస్’ మరియు కార్తికేయ గుమ్మకొండ తో ‘చావు కబురు చల్లగా’ చిత్రాల్లో నటిస్తోంది. ఈ రెండు సినిమాల్లో కూడా గ్లామర్ ఒలకబోయడానికి ఆస్కారం లేని పాత్రల్లోనే ఆమె నటిస్తుందని తెలుస్తోంది. ‘చావు కబురు చల్లగా’ సినిమాలో ఈ బ్యూటీ యంగ్ విడో గా కనిపించబోతుందట. ఇప్పటికే విడుదలైన టీజర్ లో హీరో భర్త చనిపోయిన అమ్మాయిని లవ్ చేస్తున్నట్లు చూపించారు. అలానే ఈ సినిమాలో మల్లిక పాత్రలో కనిపిస్తున్న లావణ్య ఫస్ట్ లుక్ కూడా ఇది నిజమే అనే విధంగా ఉంది. ఇక గ్లామర్ రోల్స్ చేసే అవకాశం రాకపోవడంతో ఫోటో షూట్స్ చేస్తూ సోషల్ మీడియా ద్వారా అట్ట్రాక్ట్ చేసే ప్రయత్నం చేస్తోంది. తన హాట్ ఫొటో షూట్స్ లో సెక్సీ ఫోటోలను షేర్ చేస్తూ ఆడియెన్స్ ఫోకస్ షిఫ్ట్ అవ్వకుండా మేనేజ్ చేస్తోంది. మరి ఈ ఫొటోస్ చూసైనా గ్లామర్ రోల్స్ ఇస్తారేమో చూడాలి.
అందాల రాక్షసి సినిమా వచ్చి చాలా ఏళ్లు అయినా కూడా ఇంకా లావణ్య త్రిపాఠి అంటే రాక్షసి అంటూనే చాలా మంది గుర్తు పడుతున్నారు అంటే ఆమె కెరీర్ ఎలా సాగుతుందో అర్థం చేసుకోవచ్చు. ఆ ఫ్రస్టేషన్ తోనో లేదా మరేంటో కాని సోషల్ మీడియాలో ఆమె ఇటీవల తన అభిమానులపై అసహనం వ్యక్తం చేసింది. కోపంతో అభిమానులకు రివర్స్ కౌంటర్ వేస్తూ ప్రశ్నించిన వారిపై పవర్ పంచ్ వేసినంత పని చేసింది. ఇంతకు నెటిజన్స్ ఆమెను అడిగింది ఏంటో తెలుసా.. పెళ్లి గురించి ఔను లావణ్య త్రిపాఠిని పెళ్లి గురించి ప్రశ్నించిన సమయంలో కోపం వచ్చింది.
సోషల్ మీడియా ప్లాట్ ఫామ్ ఇన్ స్టాగ్రామ్ లో ఆమె ఫ్యాన్స్ తో చిట్ చాట్ చేసింది. ఈ సందర్బంగా ఆమె చేతికి ఉన్న రింగ్ చూసిన అభిమాని ఒకరు మేడమ్ మీరు ఎంగేజ్డా అంటూ ప్రశ్నించాడు. దాంతో ఆమె కాస్త సీరియస్ అయ్యి అమ్మాయిలు కనీసం సొంతంగా ఉంగరాలు కూడా కొనుక్కోలేరా.. అమ్మాయిలు ఉంగరం పెట్టుకుంటే పెళ్లి అయినట్లు లేదా పెళ్లి చేసుకోబోతున్నట్లేనా అంటూ ప్రశ్నించింది. ఆ తర్వాత మళ్లీ కొద్ది సమయంకు అక్క మీ పెళ్లి ఎప్పుడు అంటూ ఒక నెటిజన్ ప్రశ్నించగా మరోసారి లావణ్య త్రిపాఠి హైపర్ చూపించింది. ఈ ప్రశ్నను మా అమ్మానాన్నలే ఇంకా నన్ను అడగలేదు. నీకెందుకు అంటూ ఎదురు ప్రశ్నించింది.
నెట్టింట ఇలాంటి ప్రశ్నలు చాలా కామన్.. విసుగు తెప్పించే ప్రశ్నలతో చాలా మంది చాలా రకాలుగా కామెంట్స్ చేస్తూనే ఉంటారు. వాటిని లైట్ తీసుకోవాలి లేదంటే ఫన్నీగా సమాధానం చెప్పాలి.. అలా కాదని కౌంటర్ ఇస్తే ఉడికించేందుకు మళ్లీ మళ్లీ అవే ప్రశ్నలు వేస్తూ ఉంటారు. అందుకే అలాంటి ప్రశ్నలను లైట్ తీసుకోవాలి అప్పుడే ఇలాంటివి మళ్లీ మళ్లీ ఎదురు కావు. ఈ అందాల రాక్షసి ఈ విషయాన్ని ఇంకా ఎప్పటికి తెలుసుకుంటుందో ఏమో..!
కరోనా మహమ్మారీ మనిషి ఆశల్ని చంపేసింది. ఎందరినో డైలమాలో పెట్టేసింది. టాలీవుడ్ అల్లకల్లోలంగా మారిపోవడంతో ఇక్కడ కెరీర్ ఆశలతో వచ్చిన ఎందరికో అది అశనిపాతమే అయ్యింది. డెబ్యూ హీరోయిన్లు అప్ కమింగ్ స్టార్లు..యువ నాయికలు.. కొత్త నిర్మాతలు.. ట్యాలెంటెడ్ యంగ్ డైరెక్టర్స్ ఇలా అందరి ఆశల్ని అడియాశలే చేసింది మహమ్మారీ. పెద్దోళ్లంతా ఓడలు బళ్లయ్యాయి అంటూ కలతలో ఉన్నారు. ఈ పరిస్థితి ఊహించనిది. ఊహాతీతమైన ముప్పులా ఉరుములా మీద పడింది రాకాశి.
ఇంక ఇదే కరోనా అందాల రాక్షసి లావణ్య త్రిపాఠిని డైలమాలో పడేసిందని ఓ గుసగుస వినిపిస్తోంది. లావణ్య త్రిపాఠికి గత కొంతకాలంగా సక్సెస్ లేకపోయినా అడపాదడపా యువహీరోల సరసన అవకాశాలొస్తున్నాయి. పని అయిపోయిందిలే అనుకుంటుండగా.. ఈ డింపుల్ బ్యూటీ రెండు సినిమాల్లో ఛాన్సులు దక్కించుకుంది. సందీప్ కిషన్ సరసన `ఏ1 ఎక్స్ ప్రెస్` అనే సినిమాలో నటిస్తోంది. అలానే `చావు కబురు చల్లగా` అనే మరో బడ్జెట్ చిత్రంలో నటిస్తోంది.
అయితే ఇవి పూర్తయినా నెక్ట్స్ ఏంటి? అన్నదే సందిగ్ధం. ఇప్పట్లో థియేటర్స్ తెరిచే పరిస్థితి లేకపోవడంతో ఈ రెండు సినిమాలు ఎలా రిలీజ్ అవుతాయి అన్నదానిపై క్లారిటీ లేదు. మేకింగ్ పరంగానే ఇవి రెండూ ఆలస్యమవుతున్నాయి. అందుకే ఈ బ్యూటీ వెబ్ సిరీస్ ల పై కాన్సన్ ట్రేట్ చేయాల్సిందేనని సూచిస్తున్నారు నిపుణులు. ఈ బ్యూటీ హాట్ గా కనిపించే ఆఫర్లు కావాలని డైరెక్టర్స్ ని ఆ తరహా పాత్రలు ఇవ్వమని అడుగుతోందట. గ్లామర్ ఆవిష్కరణకు స్కోప్ వెబ్ సిరీస్ లో ఉంటుందిగా..! మరి లావణ్య నెక్ట్స్ స్టెప్ ఇదేనేమో కాస్త ఆగితే కానీ తెలీదు.
అందం ఉంది.. వేడి ఉంది. అంతకుమించి గ్లామర్ ని ఎక్స్ పోజ్ చేసే స్టింటూ బాడీలో ఉంది. అన్నీ ఉన్నా కానీ ఎందుకనో ఈ ఏడెనిమిదేళ్ల కెరీర్ లో ఆశించిన ఎత్తుకు ఎదగలేకపోయింది. టాలీవుడ్ లో ఎందరో నవతరం నాయికలు పెద్ద రేంజుకు ఎదిగేస్తున్నారు తన కళ్ల ముందే. కీర్తి సురేష్.. రాశీఖన్నా.. నివేద థామస్ వీళ్లంతా ఎదిగారు. నిన్నగాక మొన్ననే బరిలో దిగి రష్మిక మందన ఏకంగా స్టార్ హీరోయిన్ అయిపోయింది. కానీ ఎందుకనో లావణ్య త్రిపాఠి మాత్రం అన్నీ ఉన్నా ఏదీ కాలేకపోతోంది.
ఇటీవల నటించిన సినిమాలేవీ ఆశించిన సక్సెస్ సాధించకపోవడమే అందుకు కారణం కావొచ్చు. అప్పట్లో ఓ అగ్ర హీరో ఆఫర్ చేసిన దానిని కాదనుకోవడం కూడా ఒక కారణం అయ్యుండొచ్చేమో. ప్రయత్న లోపమా లేక ఇంకేదైనానా? ఏదేమైనా ఈ డెహ్రాడూన్ బ్యూటీ కెరీర్ పరంగా ఎక్కడో ఏదో తప్పిదం జరిగిందనే భావించాలి.
నిఖిల్ సరసన అర్జున్ సురవరం చిత్రంలో నటించింది లావణ్య. ఆ సినిమా హిట్టయినా తనకు కలిసొచ్చిందేం లేదు. ప్రస్తుతం సందీప్ కిషన్ సరసన `ఏ1 ఎక్స్ ప్రెస్` అనే చిత్రంలో నటిస్తోంది. క్రైసిస్ వల్ల రిలీజ్ వాయిదా పడింది. ఇక లావణ్య ఫోటోషూట్ల స్టంట్ గురించి చెప్పేదేం ఉంది.
ఏదో ఒక సాయంత్రం కాఫీకని వెళితే రిలాక్స్ డ్ గా ఉన్న సమయంలో కెమెరా అలా క్లిక్ మనిపించినట్టుంది. లావణ్య ఇలా యాథృచ్ఛికంగానే అలా చేతులెత్తేస్తుంటే.. ఆ గళ్ల చొక్కా అలా తేలగానే నడుము కొలతలపై కన్నేసింది యూత్. మరీ అలా బెల్లీ ఫ్యాట్ అదుపుతప్పి పెరిగితే ఎలా రాక్షసీ..? కాస్త జిమ్ చేసి తగ్గించవచ్చు కదా! అని సలహా ఇస్తున్నారు. మునుపటితో పోలిస్తే కాస్త బొద్దెక్కి కనిపిస్తోంది ఈ ఫోటోలో.
లావణ్య త్రిపాఠి కరోనా లాక్ డౌన్ టైమ్ మొత్తం కూడా హైదరాబాద్ లోనే ఉంది. ఈమెది స్వస్థలం డెహ్రాడూన్ కాగా జనవరిలో ఒక షూటింగ్ నిమిత్తం హైదరాబాద్ కు వచ్చింది. ఆ తర్వాత కరోనా కారణంగా లాక్ డౌన్ విధించారు. దాంతో అప్పటి నుండి హైదరాబాద్ లోనే లావణ్య త్రిపాఠి ఉంటోంది. దాదాపు ఆరు నెలల తర్వాత తన కుటుంబ సభ్యులను కలిసేందుకు లావణ్య త్రిపాఠి డెహ్రాడూన్ వెళ్లింది. తన జర్నీకి సంబంధించిన విషయాన్ని సోషల్ మీడియా ద్వారా షేర్ చేసుకుంది.
స్వాతంత్య్రంగా బతికేందుకు 16 ఏళ్ల వయసులోనే కుటుంబ సభ్యుల నుండి దూరంగా వచ్చేశాను. నాకు ఒంటరి తనం కుటుంబంకు దూరంగా ఉండటం కొత్తేం కాదు. కాని ఆరు నెలల పాటు వారికి దూరంగా ఉండటం మాత్రం ఇదే ప్రథమం. వారిని కలిసేందుకు చాలా ఆతృతగా ఎదురు చూశాను. జనవరిలో చివరిసారి నా కుటుంబ సభ్యులను కలిశాను. లాక్ డౌన్ టైమ్ ను వృదా చేయకుండా నాలో ఉన్న నైపుణ్యాలకు మెరుగులు దిద్దుకున్నాను. ఒంటరితనం అనేది నా మనసులో ఎప్పుడు రాకుండా నేను ఎప్పుడు బిజీగా ఉండేందుకు ప్రయత్నించాను.
ఇలాంటి సమయంలో ప్రయాణించేందుకు నేను చాలా భయపడ్డాను. డెహ్రాడూన్ ప్రయాణంకు నేను మొదట భయపడ్డాను. పీపీఈ కిట్ మరియు జాగ్రత్తలు పాటించి డెహ్రాడూన్ చేరుకున్నాను. చేరుకున్న వెంటనే కరోనా టెస్టు చేయించుకున్నాను. నెగటివ్ వచ్చినా కూడా కుటుంబ సభ్యులకు కాస్త దూరంగానే ఉంటున్నట్లుగా పేర్కొంది. ప్రస్తుతం ఈమె ఒకటి రెండు తెలుగు సినిమాల్లో నటిస్తుంది. మరో వైపు వెబ్ సిరీస్ ల్లో కూడా నటిస్తుంది. వచ్చే నెలలో మళ్లీ ఈమె హైదరాబాద్ కు రానున్నట్లుగా తెలుస్తోంది.