బిగ్ బాస్ నాలుగో సీజన్లో స్ట్రాంగ్ కంటెస్టెంట్లలో ఒకడిగా కనిపించిన నోయల్ అనూహ్యంగా హౌస్ నుంచి బయటికి వచ్చేయడం అందరినీ ఆశ్చర్యానికి గురి చేసింది. అతను వైదొలగడం వల్లే గత వారం ఎలిమినేషన్ కూడా రద్దు చేశారు. నోయల్ నిష్క్రమించిన సమయంలో అతను మళ్లీ హౌస్లోకి రాడన్నట్లుగానే హోస్ట్ అక్కినేని నాగార్జున కూడా సంకేతాలిచ్చాడు. కానీ ఇప్పుడు నోయల్ మాటల్ని బట్టి చూస్తే అతను తిరిగి హౌస్లోకి అడుగు పెడతాడేమో అనిపిస్తోంది. తాజాగా బిగ్ బాస్ వీక్షకులను ఉద్దేశించి మాట్లాడుతూ ఒక వీడియోను నోయల్ షేర్ చేశాడు. అందులో బిగ్ బాస్ షోలో ఏమైనా జరగొచ్చు అంటూ పరోక్షంగా తన రీఎంట్రీ గురించి సంకేతాలు ఇచ్చాడతను.
ఈ వీడియోలో నోయల్ మాట్లాడుతూ. ఆల్ మై గ్యాంగ్స్టర్స్. ఎలా ఉన్నారందరూ? లవ్ యు ఎ లాట్. నాతో ఉన్నందుకు నన్ను సపోర్ట్ చేస్తున్నందుకు థ్యాంక్యూ సోమచ్. నా ఆరోగ్యం గురించి ఎన్నో కాల్స్ మెసేజెస్ వస్తున్నాయి. మీ ప్రేమాభిమానాలు చూసి నేను చాలా ఎమోషనల్గా ఫీలవుతున్నాను. ఇంకా ఏదైనా జరగొచ్చు. ది గేమ్ ఈజ్ స్టిల్ ఆన్. అయిపోయిందనుకున్నోడు మళ్లీ వస్తే ఆ కిక్కే వేరుంటది కదా. మళ్లీ లైవ్కి వస్తా. డీటైల్స్ అన్నీ చెబుతా. చాలా ఉంది మాట్లాడుకోవడానికి. చాలా రోజుల తర్వాత వస్తున్నా అని చెప్పాడు. దీన్ని బట్టి చూస్తే అనారోగ్యానికి చికిత్స చేయించుకుని కోలుకున్నాక నోయల్ రీఎంట్రీ ఇవ్వబోతున్నాడన్నమాట. ఇంతకుముందు బిగ్ బాస్ సీజన్లలో నూతన్ నాయుడు లాంటి ఒకరిద్దరు హౌస్లోకి రీఎంట్రీ ఇవ్వడం తెలిసిందే. అదే కోవలో నోయల్ కూడా వస్తాడేమో చూడాలి.
అనారోగ్య కారణంతో బిగ్ బాస్ హౌస్ నుండి బయటకు వచ్చిన సింగర్.. యాక్టర్ నోయల్ మళ్లీ హౌస్ లోకి వెళ్లడం లేదు అంటూ మొన్నటి ఎపిసోడ్ లో నాగార్జున ప్రకటించాడు. నోయల్ అనారోగ్య కారణాలతో ఎలిమినేట్ అయ్యాడు. హౌస్ లోంచి వెళ్లిన అందరు కూడా బిగ్ బాస్ బజ్ అంటూ గత సీజన్ విన్నర్ అయిన రాహుల్ సిప్లిగంజ్ కు ఇంటర్వ్యూ ఇచ్చి వెళ్తూ ఉంటారు.
నోయల్ ఎలిమినేషన్ తర్వాత రాహుల్ తో ముచ్చటించాడు. వీరిద్దరు మొదటి నుండి మంచి స్నేహితులు. గత సీజన్ సమయంలో రాహుల్ కు నోయల్ మంచి సపోర్ట్ అందించాడు. ముఖ్యంగా సోషల్ మీడియాలో రాహుల్ కు మద్దతుగా ప్రచారం చేశాడు. ఈ సారి నోయల్ కు మద్దతుగా రాహుల్ ప్రచారం చేశాడు.
వీరిద్దరి మద్య ముచ్చట్లు ఎలా ఉంటాయా అంటూ ఆసక్తిగా ఎదురు చూశారు. అనుకున్నట్లుగానే ఇద్దరి మద్య సంభాషణలు సరదాగా సాగాయి. ముఖ్యంగా ఇంట్లోని రిలేషన్ షిప్ గురించి నోయల్ ఫన్నీగా మాట్లాడాడు. ఇంట్లో అంతా నిన్ను ఆదర్శంగా తీసుకుని గ్రూప్ లుగా విడిపోయారు. అలాగే నీలా ఒక ట్రాక్ ను నడిపించేందుకు ప్రయత్నిస్తున్నారు అంటూ వ్యాఖ్యలు చేశాడు.
ఇంట్లో చాలా రిలేషన్ షిప్ లు నడుస్తున్నాయి అంటూ నోయల్ వ్యాఖ్యలు చేయగా ఎవరు ఎవరు అంటూ నొక్కి మరీ ప్రశ్నించాడు. అప్పుడు నవ్వుతూ నోయల్ ఆ ప్రశ్నను దాటవేశాడు. ఆయన చెప్పకున్నా ఇంట్లో ఉన్న రిలేషన్స్ పులిహోర కార్యక్రమాలు మనకు అర్థం అవుతూనే ఉన్నాయి. అయితే ఈ పులిహోర ఎపిసోడ్ అన్ని సార్లు వర్కౌట్ అవ్వదు అనేది ఇప్పటిక అర్థం అయ్యింది వారికి.
ఈ వారం హౌస్ నుండి ఎవ్వరూ ఎలిమినేట్ అవ్వలేదు. నామినేషన్లో ఉన్న ఆరుగురు కూడా సేవ్ అయ్యారు. చివరి వరకూ ఉత్కంఠగా నడిపి చివర్లో మాత్రం అందరూ సేఫ్ అని చెప్పారు. ఐతే అమ్మ రాజశేఖర్, మెహబూబ్ ల మధ్య నడిచిన ఎలిమినేషన్ పోటీలో అమ్మ రాజశేఖర్ ఎలిమినేట్ అవుతాడన్నట్టుగా ఎలివేషన్ ఇచ్చారు. కానీ చివర్లో అంతా తూచ్ మనిపించారు. దానికి గల కారణం నోయల్ అని చెప్పడం విశేషం.
ఆరోగ్యం బాగాలేనందున నోయల్ నిన్ననే హౌస్ నుండి బయటకి వెళ్ళాడు. అతనికి అందరూ వీడ్కోలు కూడా పలికారు. దాంతో ప్రేక్షకులు ఈ వారం నామినేషన్లో ఉన్నవాళ్ళంతా సేవ్ అని ముందే కన్ఫర్మ్ చేసుకున్నారు. కానీ ఎపిసోడ్ కి ఉత్కంఠగా సాగించాలన్న రీతిలో నామినేషన్లో ఉన్న ఒక్కొక్కళ్ళని సేవ్ చేస్తూ, చివర్లో నోయల్ చెప్పిన కారణంగా ఎవ్వరినీ ఎలిమినేట్ చేయట్లేదని చెప్పడం వింతగా తోచింది.
తాను బయటకు వెళ్తున్నాడు కాబట్టి హౌస్ లో నుండి మరొకరిని బయటకు పంపద్దు అని నోయల్ చెప్పాడని అన్నారు. నోయల్ అలా చెప్పి ఉండవచ్చు కానీ, ప్రేక్షకులు ముందే పసిగట్టారు. హౌస్ లో ఉన్న పదకొండు మందిలో నుండి ఈ వారమే ఇద్దరు వెళ్ళిపోతే సమస్య వస్తుంది. కంటెస్టెంట్స్ తగ్గుతూ వెళ్తే షోలో డ్రామా క్రియేట్ అవదు. అందుకే బిగ్ బాస్ వారు ఒకే సారి ఇద్దర్ని పంపడానికి ఆసక్తి చూపించరు. అదీగాక ఈ టైమ్ లో వైల్డ్ కార్డ్ ఎంట్రీకి ఆస్కారమే లేదు. సో.. బిగ్ బాస్ వారికి మరో ఆప్షన్ లేదు.
టాలీవుడ్ సింగర్ యాక్టర్ నోయెల్.. హీరోయిన్ ఎస్తేర్ లు విడాకులు తీసుకున్నారు. ‘వెయ్యి అబద్ధాలు’ ‘భీమవరం బుల్లోడు’ ‘గరం’ ‘జయజానకి నాయక’ ‘జూలియట్ లవర్ ఆఫ్ ఇడియట్’ సినిమాలతో తెలుగు ప్రేక్షకులకు పరిచయమైన హీరోయిన్ ఎస్తేర్.. నటుడు సింగర్ నోయెల్ ని గతేడాది పెళ్లి చేసుకున్న సంగతి తెలిసిందే. రెండు కుటుంబాలను ఒప్పించి ప్రేమ పెళ్లి చేసుకున్న ఈ జంట మధ్య ఐదారు నెలలకే మనస్పర్థలు వచ్చాయని.. గత కొంతకాలంగా కలిసి ఉండటం లేదని వార్తలు వచ్చాయి. అయితే ఇప్పుడు నోయల్ తమ వైవాహిక బంధానికి ముగింపు పలుకుతున్నట్లు అధికారికంగా వెల్లడించారు. అటు నోయెల్ ఇటు ఎస్తర్ ఇద్దరూ తమ సోషల్ మీడియా అకౌంట్స్ ద్వారా విడాకులు తీసుకున్నట్లు ప్రకటించారు.
కాగా గత ఏడాది జూన్ లో మ్యూచువల్ డైవర్స్ కు అప్లయ్ చేసుకున్న వీరిద్దరికీ విడాకులు మంజూరు చేస్తున్నట్లు కోర్టు తీర్పునిచ్చింది. ఇప్పటికే డివోర్స్ కోసం దరఖాస్తు చేశామని.. ఇన్నాళ్లు కోర్టు నిర్ణయం కోసం ఎదురు చూశానని నోయల్ తెలిపాడు. అంతేకాకుండా అభిప్రాయ భేదాల కారణంగా తాము విడిపోతున్నామని.. తమ మధ్య ఉన్న అందమైన బంధాన్ని.. దాని విలువను కాపాడుకునేందుకు ఇదే సరైన నిర్ణయమని భావిస్తున్నట్లు చెప్పుకొచ్చాడు. ఎస్తేర్ భవిష్యత్ బాగుండాలని తనకు అంతా మంచే జరగాలని తను కన్న కలలు నిజం కావాలని నోయల్ చెప్పుకొచ్చాడు. విడాకుల విషయంలో తన కుటుంబాన్ని గానీ.. ఎస్తేర్ ను గానీ ఇబ్బంది పెట్టేలా వ్యవహరించవద్దని విజ్ఞప్తి చేశాడు. సరికొత్త ఆశలతో కొత్త జీవితానికి స్వాగతం పలికేందుకు సిద్ధమైనట్లు పేర్కొన్నాడు. అలాగే కష్ట సమయాల్లో తనకు తోడుగా నిలిచిన ప్రతీ ఒక్కరికి నోయల్ ఈ సందర్భంగా ధన్యవాదాలు తెలిపాడు.
మరోవైపు ఎస్తేర్ కూడా దీనిపై ఇంస్టాగ్రామ్ లో పోస్ట్ పెట్టింది. ”గత ఏడాదిగా నన్ను తరచుగా అడిగే ప్రశ్నకు సమాధానం ఇక్కడ ఉంది.. దీని కోసం ఓపికగా ఎదురుచూస్తున్నాను.. కాని ఇది చట్టబద్ధంగా అధికారికంగా వెలువడక ముందే చెప్పడానికి నేను ఇష్టపడలేదు. నేను నోయెల్ 2019 జనవరి 3న వివాహం చేసుకున్నాము. మేము సర్దుబాటు సమస్యల కారణంగా కొద్దికాలానికే మేము విడిపోయి 2019 జూన్ లో ఒక మ్యూచువల్ డైవర్స్ కోసం అప్లై చేశాము. అప్పటి నుండి సైలెంటుగా నిన్నటి వరకు వేచి ఉన్నాను. నేను ఎప్పుడూ క్లారిటీతో నిజాయితీగా ఉంటాను. ఈ విషయం యొక్క సెన్సివిటీని నా ఉద్దేశ్యాన్ని అర్థం చేసుకోవాలని నేను మీ అందరిని అభ్యర్థిస్తున్నాను. మీరు దీన్ని గౌరవిస్తారు మరియు మీరు ఎప్పటిలాగే ఈ విషయంలో నాతో ఉంటారు. మనమందరం మనుషులం.. మన జీవితంలో అనేక హెచ్చు తగ్గులు ఎదురవుతున్నాయి.. మనందరికీ విఫలమైన సంబంధాలు కూడా ఉంటాయి. దానిని ఎదుర్కోవడం ఎంత క్లిష్టంగా మరియు ఒత్తిడితో కూడుకున్నదో నాకు తెలుసు. కాబట్టి ఈ విషయంపై నా స్టేట్మెంట్ ని పరిగణించాలని నేను మీ అందరినీ కోరుతున్నాను. ఇంటర్వ్యూలు మీడియా దృష్టి వ్యాఖ్యలు నిజమైన లేదా వర్చువల్ రూపంలోనైనా చర్చించవవద్దు. నన్ను అర్థం చేసుకున్నందుకు.. ఇప్పటి వరకు మీరు అందించిన ప్రేమ మద్దతు దయ ప్రార్థనలు మరియు ఆశీర్వాదాల కోసం నేను ఎప్పటికి కృతజ్ఞతతో ఉంటాను” అని ఎస్తేర్ పేర్కొంది.