బిగ్ బాస్ సీజన్ 4 కాస్త మొదట్లో కాస్త నెమ్మదిగా ప్రారంభమయినా.. రాను రాను ఆసక్తికరంగా సాగుతోంది. అయితే ఈ సీజన్లో ప్రధాన ఆకర్షణగా నిలిచింది మాత్రం మోనాల్ ట్రైయాంగిల్ లవ్ ట్రాక్. మోనాల్ తో అఖిల్ .. అభిజీత్ లవ్ ట్రాక్ నడపడం.. ఆమె కోసం వాళ్లిద్దరూ తీవ్రంగా ఘర్షణ పడటం చూస్తున్నాం. అయితే కేవలం వీళ్ల లవ్ ట్రాక్ కోసమే బిగ్బాస్ను చూసేవారూ ఉన్నారు. అయితే ఈ క్రమం లో అఖిల్ ప్రవర్తన మాత్రం మొదటి నుంచి కాస్త వివాదంగా ఉంది. అతడి మాటలు ప్రవర్తనలో కాస్త పొగరు ధ్వనిస్తుందని బిగ్బాస్ చూసే ప్రేక్షకులు ఫేస్బుక్లో ఎన్నోసార్లు కామెంట్లు పెట్టారు. ‘మరీ అంత బలుపు పనికి రాదు బ్రో’అంటూ ప్రేక్షకులు కామెంట్లు పెడుతున్నారు. అయితే వివిధ కారణాల వల్ల అఖిల్ దర్జాగా కొనసాగుతున్నాడు. కానీ రీసెంట్ గా జరిగిన ఓ ఘటన మాత్రం హౌస్ కొంపముంచినట్టు ఉంది..
ఇంతకీ ఏం జరిగిందంటే.. గత వారం కమెడియన్ కుమార్ సాయి హౌస్ నుంచి ఎలిమినేట్ అయిన సంగతి తెలిసిందే. ఈ సందర్భంగా హౌస్లో ఒక్కొక్కరి గురించి విశ్లేషించే ప్రయత్నం చేశాడు. ఐతే అఖిల్ గురించి చెబుతూ.. ‘టాస్కుల్లో అఖిల్ ఫుల్ ఎనర్జీగా ఆడుతున్నాడు. బాగా కష్టపడుతున్నాడు కూడా.. కానీ ఫెయిలవుతున్నాడని.. అలాగే ప్రయత్నించాలని అన్నాడు’ అని చెప్పాడు. దీనికి వెంటనే అఖిల్ రియాక్ట్ అయిపోయాడు. ‘నువ్వు టాస్కుల్లో గెలిచినా కూడా బయటికి వెళ్లిపోయావు బ్రో’ అంటూ పంచ్ వేశాడు. అయితే ఈ వీడియో సోషల్ మీడియాలో వైరల్ అవుతోంది. హౌస్ నుంచి ఎలిమినేట్ అయిన ఓ వ్యక్తిపై అఖిల్ అలా కౌంటర్ వేయడం ప్రేక్షకులకు నచ్చలేదు. దీంతో తొందర్లోనే అఖిల్ కూడా బయటకు వెళ్లిపోయే సమయం ఆసన్నమైనట్టుందని ప్రేక్షకులు కౌంటర్లు వేస్తున్నారు.
తెలుగు బిగ్ బాస్ సీజన్ 4 నాలుగు రోజుల క్రితం ప్రారంభం అయిన విషయం తెల్సిందే. కరోనా నేపథ్యంలో అత్యంత కట్టుదిట్టమైన చర్యలు తీసుకుంటూ నిర్వాహకులు షోను ప్లాన్ చేస్తున్నారు. ఇలాంటి సమయంలో కొందరు షో కు వ్యతిరేకంగా ప్రచారం చేయడం చాలా కామన్ అయ్యింది. మరి కొన్ని రోజుల్లో తమిళ బిగ్ బాస్ కూడా ప్రారంభం కాబోతుంది. తమిళ బిబి 4 ను అడ్డుకుని తీరుతాను అంటూ వివాదాస్పద నటి మీరా మిథున్ హెచ్చరిస్తుంది. ప్రతి సీజన్ ఆరంభంకు ముందు ఎవరో ఒకరు ఆందోళనలు చేయడం తమిళ బిగ్ బాస్ కు చూస్తూనే ఉన్నాం. ఈసారి కూడా మీరా మిథున్ బిబి4 వెంట పడుతుంది. ఆశ్చర్యకర విషయం ఏంటీ అంటే ఈమె సీజన్ 3 కంటెస్టెంట్. ఆ సమయంలో తనకు జరిగిన అవమానంకు నిరసనగా బిగ్ బాస్ ను నిలిపేయాలంటూ కోరుతున్నట్లుగా డిమాండ్ చేస్తోంది.
తమిళ బిగ్ బాస్ సీజన్ 3 లో దర్శకుడు చేరన్ తనతో అసభ్యంగా ప్రవర్తించాడు అంటూ మీరా ఆరోపించింది. వీకెండ్ ఎపిసోడ్ లో కమల్ హాసన్ అందుకు సంబంధించిన వీడియోలను చూపించాడు. అందులో ఎక్కడ కూడా చేరన్ అసభ్యంగా ప్రవర్తించినట్లుగా లేదు. కాని మీరా మాత్రం తన అసలు వీడియోను చూపించలేదు అంటూ విమర్శలు గుప్పించింది. తన అసలు వీడియోను చూపించకుండా తనకు ఆఫర్లు లేకుండా చేశారు అంటూ ఆవేదన వ్యక్తం చేసింది. తనకు న్యాయం చేసే వరకు బిగ్ బాస్ 4ను మొదలవ్వనివ్వను అంటోంది. మరి ఈమెకు బిగ్ బాస్ ను ఆపేంత సత్తా ఉందా అనేది చూడాలి. ఇప్పటికే కంటెస్టెంట్స్ ఎంపిక పూర్తి అయ్యింది. వారిని క్వారెంటైన్ కు తరలించేందుకు ఏర్పాట్లు చేస్తున్నారు.