టాలీవుడ్ లో సినీనేపథ్యం లేకుండా స్వయంకృషి ప్రతిభతో ఎదుగుతున్న హీరోల జాబితా తిరగేస్తే అందులో విజయ్ దేవరకొండ పేరు టాప్ లో ఉంటుంది. రవితేజ- శ్రీకాంత్- నాని- నిఖిల్ తరహాలోనే దేవరకొండ ఎలాంటి సినీ నేపథ్యం లేకుండానే హీరోగా దూసుకొచ్చారు. ఒక్కో మెట్టు ఎక్కుతూ టాలీవుడ్ లో స్టార్ హీరో రేంజును అందుకున్నారు. ఇంతింతై వటుడింతై అన్న చందంగా అతడి స్థాయి అసమానంగా పెరిగింది.
ఇక ఎంతో సింపుల్ గా కనిపించే విజయ్ దేవరకొండ ఇటీవలే ఫిలింనగర్ పరిసరాల్లో ఓ సొంత ఇంటిని కొనుక్కున్న సంగతి తెలిసిందే. ఈ ఇంటి ఖరీదు 15 కోట్లు. దీంతో పాటే ఖరీదైన ఫ్యాన్సీ కార్లు.. బీఎండబ్ల్యూ కార్.. కాస్ట్ లీ అప్పారెల్ వస్తువులు విజయ్ దేవరకొండ సొంతం. సొంతంగా డిజైనర్ వస్త్ర వ్యాపారాన్ని ప్రారంభించి టాలీవుడ్ మోస్ట్ స్టైలిష్ యువాస్టార్ గా పాపులరయ్యారు.
అర్జున్ రెడ్డి సంచలన విజయంతో దేవరకొండ రేంజు అమాంతం పెరిగింది. గీత గోవిందం బ్లాక్ బస్టర్ విజయంతో మరో రేంజును అందుకున్నాడు. అతడి పారితోషికం స్థాయి నాలుగింతలయ్యింది. వాస్తవానికి అర్జున్ రెడ్డి హిందీ రీమేక్ కబీర్ సింగ్ సంచలన విజయం సాధించడం దేవరకొండ వైపు చూసేట్టు చేసిందంటే అతిశయోక్తి కాదు. అటు హిందీ అభిమానులు ఎవరా తెలుగు హీరో? అంటూ మన రౌడీ గురించి ఆరాలు తీసారు. ప్రస్తుతం అతడు కరణ్ జోహార్ టై అప్ తో పాన్ ఇండియా మూవీ ఫైటర్ లో నటిస్తున్నారు అంటే అది కబీర్ సింగ్ తో పెరిగిన ఇమేజ్ వల్లనే.
ఇంతగా ఎదిగేస్తున్న దేవరకొండ అస్సెట్స్ రేంజు ఎంత? అన్నది ఆరా తీస్తే తెలిసిన సంగతులివీ. వోన్ హౌస్ కాకుండా దేవరకొండ రెగ్యులర్ గా ఉపయోగించే ఐదు అత్యంత ఖరీదైన వస్తువుల వివరాలు పరిశీలిస్తే… BMW 5 సిరీస్ కార్ అతడి రేంజుకి చిహ్నం. విజయ్ దేవరకొండ గ్యారేజీలోని అనేక లగ్జరీ కార్లలో BMW 5 సిరీస్ సెడాన్ ఒకటి. విలాసవంతమైన ఇంటీరియర్స్ గొప్ప సేఫ్టీ ఫీచర్.. అసాధారణ సౌకర్యాన్ని అందించే బెస్ట్-ఇన్-క్లాస్ సెడాన్ కార్ ఇది. చాలా మంది బాలీవుడ్ టాలీవుడ్ స్టార్ హీరోలకు ఇది ఉంది. ఈ కారు ధర రూ .60 లక్షలు.
ఖరీదైన ఫోర్డ్ ముస్తాంగ్ దేవరకొండ సొంతం. తన ఫేస్ బుక్ ప్రొఫైల్ లో పోస్ట్ చేసిన ఇంటర్వ్యూలో విజయ్ దేవరకొండ ముస్తాంగ్ జీటీని ప్రపంచంలో తనకు ఇష్టమైన కార్లలో ఒకటిగా ప్రకటించారు. విజయ్ ఈ కార్ కోసం రూ .75 లక్షలు వెచ్చించాడు.
మెర్సిడెస్ బెంజ్ జిఎల్ సి క్లాస్ కార్ తన గ్యారేజీలో ప్రత్యేకం. ఈ విలాసవంతమైన ఎస్ యూవీలో విజయ్ దేవరకొండ తరచుగా షూటింగులకు వెళ్లడమే గాక.. హైదరాబాద్ లో కొన్నిచోట్లకు పయనమవ్వడం అభిమానుల కంట పడింది. జిఎల్సి క్లాస్ మెర్సిడెస్ కార్ ధర రూ .60 లక్షలు.
హైదరాబాద్ జూబ్లీ హిల్స్ లో విజయ్ దేవరకొండ 15 కోట్ల విలువ చేసే ఇండివిడ్యువల్ ఇంటిని కొనుక్కున్నారు. ఇది శతాధిక చిత్రాల కథానాయకుడు శ్రీకాంత్ ఇంటికి అత్యంత సమీపంలో ఉంటుంది. ఈ పెట్టుబడులన్నిటిపైనా విజయ్ దేవరకొండ చాలా హ్యాపీ.
ఫ్యాషన్ అండ్ స్టైలింగ్ కి సంబంధించిన బిజినెస్ అతడికి ఎంతో ఇష్టమైన వ్యాపకం. రౌడీ క్లబ్ పేరుతో వస్త్ర వ్యాపారంలో ప్రవేశించారు. 2018 లో విజయ్ దేవరకొండ తన ఫ్యాషన్ బ్రాండ్ రౌడీ క్లబ్ ను ప్రారంభించడానికి మైంత్రాతో చేతులు కలిపారు. ఆసక్తికరమైన విషయం ఏమిటంటే.. టాలీవుడ్ లోనే సొంతంగా వస్త్ర శ్రేణి వ్యాపారాన్ని పరిచయం చేసిన మొదటి టాలీవుడ్ హీరోగా దేవరకొండ పేరు మార్మోగింది. ఇటీవలి కాలంలో ఆపిల్ యాప్ స్టోర్ – గూగుల్ ప్లే స్టోర్లలో వినియోగదారులకు అందుబాటులో ఉండే యాప్ ని ప్రారంభించినట్లు రౌడీ ప్రకటించారు. పూరి-కరణ్ కాంబినేషన్ లో ఫైటర్ మూవీలో నటిస్తున్న విజయ్ వరుసగా స్క్రిప్టుల్ని ఫైనల్ చేస్తున్నాడు. తదుపరి మరిన్ని వివరాల్ని వెల్లడించనున్నారని సమాచారం.
ప్రముఖ తెలుగు ఓటీటీ ఫ్లాట్ ఫార్మ్ ఆహా కోసం స్టార్ హీరోయిన్ అక్కినేని సమంత ‘సామ్ జామ్’ అనే స్పెషల్ టాక్ షో కి హోస్ట్ గా చేయనున్న సంగతి తెలిసిందే. ఇటీవలే ఈ టాక్ షో గురించి ఆహా టీమ్ అధికారికంగా వెల్లడించారు. ప్రముఖ లేడీ దర్శకురాలు నందిని రెడ్డి దీనిని నిర్వహిస్తారు. ‘ఇది కేవలం టాక్ షో మాత్రమే కాదని.. సమాజంలోని సమస్యల గురించి ప్రశ్నించడం.. టాలెంట్ ను ఎంకరేజ్ చేయడం వంటివి ఇందులో ప్రేక్షకులు చూడవచ్చని సమంత తెలిపింది. దీపావళి సందర్భంగా ఈ నెల 13వ తేదీ నుంచి ఈ టాక్ షో ప్రసారం అవుతుందని నిర్వాహకులు ప్రకటించారు. ఈ షో లో పలువురు టాలీవుడ్ సెలబ్రిటీలను సమంత తనదైన శైలిలో ఇంటర్వ్యూ చేయనుంది. ఈ నేపథ్యంలో సెన్సేషనల్ స్టార్ విజయ్ దేవరకొండ ఈ టాక్ షో కి గెస్ట్ గా రాబోతున్నట్లు తెలుస్తోంది.
ఇప్పటికే షూటింగ్ ప్రారంభించిన ‘సామ్ జామ్’ కార్యక్రమానికి తాజాగా విజయ్ దేవరకొండ హాజరైనట్లు తెలుస్తోంది. విజయ్ ఈ షో కోసం వెళ్తున్న ఫోటోలు సోషల్ మీడియాలో చక్కర్లు కొడుతున్నాయి. విజయ్ ఈ ఫోటోలలో సిల్వర్ కలర్ సూట్ తో స్టైలిష్ గా కనిపిస్తున్నాడు. ఫస్ట్ ఎపిసోడ్ కి గెస్ట్ గా వచ్చిన విజయ్ దేవరకొండ ని అక్కినేని సమంత ఇంటర్వ్యూ చేయబోతున్నారని స్పష్టమవుతోంది. మెగాస్టార్ చిరంజీవి – అల్లు అర్జున్ – తమన్నా భాటియా – రష్మిక మందన్న – సైనా నెహ్వాల్ వంటి సెలబ్రిటీలను త్వరలో అక్కినేని సమంత ఇంటర్వ్యూ చేయనుంది. ఈ నెల 13వ తేదీ నుంచి ఈ కార్యక్రమం ‘ఆహా’ లో ప్రసారం కానుంది.
పెళ్లి కూతురిలా సిగ్గు పడుతున్న రౌడీ గారితో కియరా పరాచికం చూశారా? కలిసి తింటే ప్రేమ పెరుగుతుంది!! అంటూ బుట్టలో వేసేస్తోంది అతగాడిని. వామ్మోవ్ ఆ ఇద్దరి మధ్యా ఏం జరుగుతోంది? ఏదో వ్యవహారం డీప్ గానే సాగుతోందన్న సందేహం ఈ వీడియో చూసిన వారికి కలుగుతోంది.
ఇది మెబాజ్ యాడ్. దీనికోసమే కదా అప్పట్లో కియరా- దేవరకొండ జోడీకి ఫోటోషూట్ ని కూడా చేశారు. ఓవైపు కోవిడ్ విలయతాండవం ఆడటానికి రెడీ అవుతుంటే దేవరకొండ ముంబైకి వెళ్లి చక్కర్లు కొట్టాడు. కరణ్ జోహార్.. మనీష్ మల్హోత్రా వంటి ప్రముఖులతో చెలిమి చేసి అటుపై ఫోటోషూట్లతో దుమారం రేపాడు. అయితే అప్పట్లోనే ఓ యాడ్ షూట్ కోసం దేవరకొండ అక్కడ వాలాడన్న సంగతి తెలిసింది తక్కువ మందికే.
ఇప్పుడు ఆ ప్రకటన బయటికి వచ్చిందిలా. ప్రకటన బావుంది..అంతకుమించి అందులో కనిపించిన జంట బావుంది. ఇద్దరికీ జత కుదిరింది. నిజ జీవితంలో కూడా దేవరకొండకు అంతే అందగత్తె అయిన అమ్మాయి దొరకాలని ఫ్యాన్స్ తెగ ఇదైపోతున్నారు కూడా ఈ యాడ్ చూశాక. ఇక కియరాకి ఫేవరెట్ హీరో ఎవరు? అంటే మన రౌడీగారేనని ఇంతకుముందు అంది. కియరాతో పాటు జాన్వీ కపూర్ అనన్య పాండే కూడా రౌడీ పైనే మనసు పడ్డారు మరి. మొత్తానికి భామల గుండెల్లో వీరుడిలా కలల్లో రాకుమారుడిలా మారాడు మన దేవరకొండ. ప్రస్తుతానికి అనన్యతో కలిసి ఫైటర్ చిత్రంలో నటిస్తున్న దేవరకొండ కోసం కియరా .. జాన్వీ కూడా వెయిటింగ్.
టాలీవుడ్ హీరోల్లో స్టైల్ ఐకాన్స్ గా పాపులరయ్యారు స్టైలిష్ స్టార్ అల్లు అర్జున్… రౌడీ హీరో విజయ్ దేవరకొండ. వీరిద్దరికి స్టైల్ అండ్ ఫ్యాషన్ కి యూత్ లో మంచి క్రేజ్ వున్న విషయం తెలిసిందే. అయితే ఆ ఇద్దరినీ ఆ స్థాయిలో నిలిపిన కామన్ స్టైలిస్ట్ బాలీవుడ్ కు చెందిన హర్మాన్ కౌర్. ఇటీవల ఓ బాలీవుడ్ మీడియాకిచ్చిన ఇంటర్వ్యూలో పలు ఆసక్తికర విషయాల్ని వెల్లడించారు ఆమె. బన్నీ క్లాసీ స్టైల్స్ తో స్టైలిష్ స్టార్ గా పేరు తెచ్చుకుంటే సెన్సేషనల్ హీరో విజయ్ దేవరకొండ తనదైన మార్కు బోల్డ్ స్టైల్స్ తో యూత్ ఐకాన్ గా మారిపోయాడని అసలు గుట్టు విప్పేసారు.
ఇక ఈ ఇద్దరు హీరోల్లో ఏ డ్రెస్ లు వేసుకోవడానికి ఇష్టపడరో హర్మాన్ కౌర్ సీక్రెట్ ని ఓపెన్ చేసేయడం ఆసక్తికరం. విజయ్ దేవరకొండ సైడ్ బెల్ట్ ఉన్న ప్యాంట్ ని వేసుకోవడానికి అస్సలు ఇష్టపడరట. ఇక బన్నీ ఒక్క ప్యాకెట్ వున్న షర్ట్ ని ధరించడానికి ఇష్టపడరు. ఇక స్టైల్ పరంగా ఈ ఇద్దరు హీరోలు ఏ విషయంలోనూ తక్కువ కాదని ఇద్దరూ సమానమేనని స్పష్టం చేసింది. ఇక ఈ ఇద్దరు హీరోలు ఎలాంటి యాక్ససరీస్ ధరించడానికి ఇష్టపడతారో ఆ రహస్యాన్ని కూడా చెప్పేశారు స్టైలిస్ట్ హర్మాన్.
బన్నీగాగుల్స్ ధరించి జెంటిల్ మోన్ గా కనిపించడానికి ఇష్టపడతారని… విజయ్ మాత్రం హ్యాట్ లు ధరించేందుకు ఆసక్తి చూపిస్తారని తెలిపింది. సెలబ్రిటీ స్టైలిస్ట్ ఆ ఇద్దరి కోసం స్టైల్ చేసిన చాలా వైరల్ లుక్స్ డీకోడ్ చేసింది. అర్జున్ శైలి గురించి ప్రత్యేకంగా చెప్పింది. తను ఏమి కోరుకుంటున్నాడో.. ఏమి వద్దనుకుంటాడో అతనికి తెలుసు. నలుపు.. తెలుపు.. బూడిద మరియు లేత గోధుమ రంగులను కలిగి ఉన్న ఒక నిర్దిష్టమైన రంగుల పాలెట్ ని బన్నీ ఫాలో అవుతాడని చెప్పింది. శరీరాకృతిని బట్టి స్ట్రెయిట్ ఫిట్ ప్యాంట్ ఎలా ధరించవచ్చనే దానిపై ఆడియన్స్ కి కొన్ని సూచనలు చేసింది. ఇక అల్లు అర్జున్ తో తనకు విభేధాలు ఉన్నాయని వెల్లడించింది. అయితే ప్రస్తుతం ఆ విభేధాలు తొలగిపోయాయని స్పష్టం చేసింది.
రౌడీ విజయ్ దేవరకొండ వరుస కమిట్ మెంట్లు అంతకంతకు హీట్ పెంచేస్తున్న సంగతి తెలిసిందే. దేవరకొండ హీరోగా పూరి జగన్నాథ్ పాన్ ఇండియా మూవీ ఫైటర్ ని తెరకెక్కిస్తున్నారు. అన్ లాక్ 5.0లో షూటింగ్ ని ప్లాన్ చేసారు. ఈలోగానే దేవరకొండ నుంచి మరో అదరిపోయే ప్రకటన వచ్చింది.
క్రియేటివ్ డైరెక్టర్ సుకుమార్ .. హీరో విజయ్ దేవరకొండల కలయికలో ఒక క్రేజీ పాన్-ఇండియన్ చిత్రం ప్రకటించడం సంచలనమే అయ్యింది. దీనిపై ఇండస్ట్రీ వర్గాల్లో ఆసక్తికర చర్చ సాగుతోంది. ఈ చిత్రాన్ని కేదర్ సెలగంసెట్టి `ఫాల్కన్ క్రియేషన్స్` బ్యానర్ లో నిర్మిస్తున్నారు. ఇంతకీ ఈయన ఎవరు? ఉన్నట్టుండి కొత్త పేరు తెరపైకొచ్చిందే అంటూ అంతా ఆశ్చర్యపోతున్నారు.
అయితే కేదార్ గురించి బయటి ప్రపంచానికి తెలిసింది తక్కువే అయినా.. అల్లు సర్కిల్స్ కి తెలిసిన వాడేనట. స్టార్ హీరో అల్లు అర్జున్ కు కేదర్ మంచి స్నేహితుడు. ఇటీవలే స్టైలిష్ స్టార్ కేదార్ ను కలుసుకున్నారట. ఇలాంటి క్రేజీ ప్రాజెక్ట్ తో చిత్ర నిర్మాణానికి ఆయన చేసిన ప్రయత్నాన్ని బన్ని వ్యక్తిగతంగా అభినందించారని తెలుస్తోంది. ఈ చిత్రానికి స్టైలిష్ స్టార్ అల్లు అర్జున్ అభిమానులందరి నుండి అదనపు మద్దతు లభిస్తుందనడంలో సందేహమేం లేదు. జీఏ2 బ్యానర్ లో టాక్సీవాలా లాంటి హిట్ చిత్రంలో నటించాడు దేవరకొండ. అప్పటి నుంచి బన్ని మద్ధతు ఉంది. ఇక మహేష్ అభిమానులు.. అల్లు అర్జున్ అభిమానుల నుంచి.. కేసీఆర్ కేటీఆర్ అభిమానుల నుంచి కూడా దేవరకొండకు కావాల్సినంత మద్ధతు లభిస్తుండడం ఆసక్తికరం.
ఫ్యాషన్ అనుకరణలో ఎనర్జిటిక్ బోయ్ రణవీర్ సింగ్ కి ఏమాత్రం తగ్గడు మన దేవరకొండ. ఇటీవల గత కొన్ని సినిమాలకు అతడు ప్రమోషన్స్ కోసం ఎంచుకున్న మార్గం అందరికీ తెలిసిందే. వెరైటీ వెరైటీ డిజైనర్ డ్రెస్సుల్లో కుర్రకారులో కి దూసుకెళ్లిపోయాడు. కొన్నిసార్లు తిట్లు చీవాట్లు ఎదురైనా కానీ.. చాలా సార్లు పొగడ్తలు కూడా అందుకున్నాడు. ఇక తన పంథాని ప్రచార సరళిని దేవరకొండ మార్చుకునేందుకు ఇష్టపడడం లేదు.
అప్పట్లో మనీష్ మల్మాత్రా సారథ్యంలో ఫోటోషూట్ తోనూ దేవరకొండ ముంబై వర్గాల్లో హాట్ టాపిక్ గా మారాడు. పొడవాటి గిరజాల జుత్తు పెంచి అల్ట్రా మోడ్రన్ ఫోటోషూట్ తో అలరించాడు. ఆ క్రమంలోనే కరణ్ జోహార్ తో టచ్ లోకి వెళ్లి పూరి యాక్షన్ మూవీ `ఫైటర్` ని మరో లెవల్ కి తీసుకెళ్లాడు. ప్రస్తుతం పాన్ ఇండియా మూవీ ఫైటర్ లో నటిస్తున్న విజయ్ లాక్ డౌన్ వల్ల బ్రేక్ తీసుకున్న సంగతి విధితమే.
ఇక ముంబైలోనే అప్పట్లో లాక్ అయిపోయిన ఫైటర్ టీమ్ చాలా ఇబ్బందులు పడింది. ఆ సమయంలో ఓ హెయిర్ సెలూన్ కి రౌడీ ఏకంగా లుంగీతో దిగిపోయాడు. అందుకు సంబంధించిన త్రోబ్యాక్ ఫోటోని తాజాగా సోషల్ మీడియాలో షేర్ చేశారు. సింపుల్ గా సామాన్యుడి లుంగీ కట్టుకున్న దేవరకొండ కాంబినేషన్ చొక్కా తొడిగి అదరహో అనిపించాడు. ఆయన వెంటే ఒకమ్మాయి ఉన్నారు? ఎవరావిడ? అన్నది ఆరా తీస్తే .. ఇంకెవరు.. ఫైటర్ నిర్మాతల్లో ఒకరైన ఛార్మినే. తన హీరోతో కలిసి అలా ముంబైలో షికార్లు చేశారు ఛార్మి. చిరునవ్వులు చిందిస్తూ ఎంత ఆహ్లాదాన్ని పంచారో చూసారుగా. అన్నట్టు ఫైటర్ చిత్రీకరణ ఎంతవరకూ వచ్చింది? అంటే ముంబైలో సెట్స్ పడగొట్టి.. హైదరాబాద్ లో నిర్మించిన సెట్స్ లో పని కానిచ్చేస్తున్నారని ఇటీవల ప్రచారమైంది.