బుల్లితెరపై తనదైన శైలిలో దూసుకెళ్తున్న షో బిగ్ బాస్. బిగ్బాస్ 4 చివరి దశకు చేరుకోవడంతో టాప్ 5లో ఎవరు ఉంటారనేది ప్రస్తుతం అందరిలో ఉన్న అనుమానం. అయితే టికెట్ టూ ఫినాలే సాధించిన అఖిల్ మినహా ఈ వారం అభిజిత్, సోహైల్, అరియానా, హారీక, మోనాల్ నామినేషన్స్లో ఉన్నారు. హౌస్ నుంచి ఈ వారం ఎవరు ఎలిమినేట్ అవుతారనేది చర్చనీయాంశంగా మారింది. ఇక ఈ ఆదివారం ఒకరు ఎలిమినేట్ అయితే మొత్తంగా ఐదుగురు మాత్రమే ఇంట్లో ఉంటారు. ప్రస్తుతం హౌస్లో ముగ్గురు ఫీమేల్ కంటెస్టెంట్లు, ముగ్గురు మేల్ కంటెస్టెంట్లు ఉన్నారు.
అయితే ఓటింగ్ విషయానికి వస్తే అభిజిత్కు ఎలాగు ఫ్యాన్ ఫాలోయింగ్ ఎక్కువగా ఉండడంతో ఈసారి కూడా అతను టాప్లోనే ఉండనున్నాడు. ఆ తర్వాతి స్థానంలో సోహైల్ ఉండనున్నట్లు తెలుస్తోంది. కాగా బిగ్బాస్ దత్తపుత్రిక నామినేషన్స్లో ఉన్నా లేనట్లే. ఎందుకంటే తనకు ఓట్లు వచ్చినా రాకపోయిన బిగ్బాస్ ఆమెను ఎలిమినేట్ చేయడు అనే ఇన్ని రోజులు జరిగిన ఎలిమినేషన్స్ చూస్తేనే అర్థమవుతుంది. ఇక ఈసారి కూడా మోనాల్ సేవ్ అయ్యే అవకాశాలే ఉన్నాయి. ఇక మిగిలింది అరియానా, హారిక.
ఇక ఇప్పటి వరకు సూటీగా మాట్లాడుతూ.. మేల్ కంటెస్టెంట్లకు పోటీ ఇస్తూ స్ట్రాంట్గా గేమ్ ఆడోతూ వస్తుంది అరియానా. దీంతో అరియానాకు కూడా బయట ఫ్యాన్ ఫాలోయింగ్ బాగా పెరిగిపోయింది. ఇక హారిక ఎప్పుడూ.. తనకు తన ఫ్యాన్స్తో పాటు అభిజిత్ ఫ్యాన్స్ కూడా ఓట్లు వేస్తూ హారికను సేవ్ చేస్తూ వస్తున్నారు. అయితే ఈ వారం చివరి నామినేషన్స్ కావడంతో అభిజిత్ ఫ్యాన్స్ హారికకు బదులుగా అభిజిత్కు మాత్రమే ఓట్లు వేసేలా ఉన్నారు. అలా అయితే నామినేషన్స్లో ఉన్న ఐదుగురిలో హారికకు మాత్రమే తక్కువ ఓట్లు వచ్చే విధంగా ఉన్నాయి. దీంతో హారిక ఎలిమినేట్ అయ్యే అవకాశాలు ఎక్కువగా ఉన్నాయని సోషల్ మీడియాలో తెగ చర్చ జరుగుతుంది.
తెలుగు బిగ్ బాస్ సీజన్ 4 రెండవ రోజు సాదా సీదాగా సాగింది. ఒకటి రెండు గొడవలు.. కాస్త ఫన్ చివర్లో అరియానా గ్లోరి మరియు సోహెల్ లు సీక్రెట్ రూం నుండి బయటకు రావడం వంటివి ఎపిసోడ్ నెం.3 లో కనిపించాయి. ఇంటి సభ్యులు రెండవ రోజు చాలా ఉల్లాసంగా గడిపారు. రోజు ప్రారంభంలో కళ్యాణి తో ఇంటి సభ్యులకు బిగ్ బాస్ ఇంటి నియమాల గురించి చెప్పించాడు. ఆ సమయంలో కాస్త ఫన్ చోటు చేసుకుంది. గంగవ్వ తనదైన అమాయకత్వపు మాటలతో ఆకట్టుకుంది. ఇక ఆ తర్వాత మీలో ఒక కట్టప్ప ఉన్నారు. ఆ కట్టప్ప ఎవరో ఒక కంట కనిపెడుతూనే ఉండండి అంటూ బిగ్ బాస్ హెచ్చరించి మరీ షో ను మరింతగా రక్తి కట్టించాడు.
మీ మీ అభిప్రాయం ప్రకారం కట్టప్ప ఎవరు అనుకుంటున్నారు అనే విషయాన్ని తెలియజేయాలంటూ ఓటింగ్ పెట్టారు. ఆ సీక్రెట్ ఓటింగ్ లో చాలా మంది సూర్య కిరణ్.. అఖిల్ పేర్లు రాశారు. కట్టప్ప స్టోరీ ఏంటీ అసలు ఎవరు అనే విషయం ప్రేక్షకులకు కూడా తెలియక జుట్టు పీక్కుంటున్నారు. ఇక నిన్నటి ఎపిసోడ్ లో సీక్రెట్ రూంలో ఉన్న అరియానా గ్లోరి మరియు సోహెల్ లకు ఇంటి సభ్యులు ఫుడ్ పంపేందుకు నో చెప్పారు. ఫోన్ లో అరియానా ఫుడ్ కావాలంటూ విజ్ఞప్తి చేసినా కూడా రిక్వెస్ట్ గా అడగకుండా ఏంటీ ఈ దౌర్జన్యం అంటూ గ్లోరిపై నోయల్ అసహనం వ్యక్తం చేసి ఫోన్ పెట్టేశాడు. దాంతో సోహెల్ మరియు గ్లోరికి ఫుడ్ కట్ అయ్యింది. కళ్యాణి.. అభిజిత్ ల మద్య గొడవ జరగడం అది వెంటనే సర్దుకోవడం జరిగింది.
మొదటి ఎపిసోడ్ మాదిరిగానే రోజవ రోజు కూడా హీరోయిన్ మోనాల్ గజ్జర్ కన్నీరు పెట్టుకుంది. ఆమె ఎందుకు ఏడిచింది అనేది ఎంత ఆలోచించినా అర్థం కాని విషయం. గతంలో శివ జ్యోతికి కారణం అయినా ఉండేది ఏడ్చేందుకు. కాని మోనాల్ కు మాత్రం కారణం కూడా అక్కర్లేదు అంటూ మీమ్స్ సోషల్ మీడియాలో ట్రెండ్ అవుతున్నాయి. నిన్న మొత్తం ఎపిసోడ్ లో దివి కనిపించింది కాని ఫుటేజ్ మాత్రం ఇచ్చిన దాఖలాలు కనిపించడం లేదు. ఇలా అయితే ఎలా అంటూ ఆమె అభిమానులు ప్రశ్నిస్తున్నారు. ఎలిమినేషన్ కు నామినేట్ అయిన వారు కాస్త టెన్షన్ లో ఉన్నట్లుగా అనిపించింది. ఇక నేటి ఎపిసోడ్ లో సోహల్ మరియు అభిజిత్ ల మద్య గొడవ కాస్త ఎక్కువగానే జరుగుతుందని ప్రోమో చూస్తుంటే అర్థం అవుతోంది.