బిగ్ బాస్ సీజన్ 4 ముగింపు దశకు వచ్చింది. ఈ సీజన్ లో అందరికి ఆశ్చర్యం కలిగిస్తున్న విషయం ఏంటీ అంటే మోనాల్ ను ఎందుకు బిగ్ బాస్ ఇన్నాళ్లుగా కంటిన్యూ చేస్తూ వస్తున్నాడు. మోనాల్ కంటే ఎంతో మంది స్ట్రాంగ్ కంటెస్టెంట్స్ ఎలిమినేట్ అయ్యారు. మొన్నటికి మోన్న ఎలిమినేట్ అయిన లాస్య కూడా ఖచ్చితంగా మోనాల్ కంటే ఎక్కువ స్ట్రాంగ్ అంటూ ప్రేక్షకులు అభిప్రాయం వ్యక్తం చేస్తున్నారు. ఆమెకు ఓట్లు రాకున్నా కూడా నిర్వాహకులు కంటెంట్ ఆమె ఉంటేనే వస్తుందనే ఉద్దేశ్యంతో కంటిన్యూ చేస్తూ వస్తున్నారు.
మొదట్లో ఆమెను నూటికి నూరు శాతం కంటెంట్ కోసం కంటిన్యూ చేశారు అనేది అందరి మాట. అయితే గత రెండు మూడు వారాలుగా ఆమె కాస్త యాక్టివ్ గా కనిపిస్తుంది. ఆమె చాలా స్ట్రాంగ్ గా మారినట్లుగా అనిపించినా కూడా ఇతరుల కంటే స్ట్రాంగ్ అని మాత్రం చెప్పలేం. అయినా కూడా ఆమె కంటిన్యూ అవుతూనే ఉంది. ఇతరులకు చెందిన ఏ చిన్న బ్యాడ్ ఇష్యూను అయినా పెద్దగా చూపించేందుకు బిగ్ బాస్ ప్రయత్నించాడు. కాని మోనాల్ విషయంలో మాత్రం బిగ్ బాస్ చాలా ఫేవరేటిజంను చూపించినట్లుగా మరోసారి క్లీయర్ గా అర్థం అయ్యింది.
మోనాల్ విషయం నిన్నటి ఎపిసోడ్ లో ప్రముఖంగా చర్చకు వచ్చింది. మోనాల్ తనను పాల టాస్క్ లో తన్నింది అంటూ అవినాష్ అన్నాడు. సోహెల్ మాత్రం ఆమె తన్నలేదు అంటుంది అన్నాడు. అప్పుడు అభిజిత్ కల్పించుకుని ఆమె అబద్దాలు చెబుతుంది. ఎన్నో సార్లు అబద్దం చెప్పింది. మెహబూబ్ నాకు పోయే ముందు ఎందుకు క్లోజ్ అయ్యాడు అనుకుంటున్నావు. ఆమెతో మోహబూబ్ కు జరిగిన విషయం ఏంటో తెలుసా అన్నట్లుగా సోహెల్ తో ఏదో చెప్పబోయి అభిజిత్ గిపోయాడు. దాంతో మెహబూబ్ మరియు మోనాల్ కు మద్య ఏదో సీరియస్ గొడవే జరిగిందనిపిస్తుంది.
ఇద్దరి మద్య జరిగిన ఇష్యూ ఏంటీ అనేది బిగ్ బాస్ ఎందుకు చూపించలేదు. మోనాల్ ఆ గొడవ చూపిస్తే బ్యాడ్ అవుతుందనే ఉద్దేశ్యంతోనే చూపించలేదా అంటూ అనుమానాలు వ్యక్తం చేస్తున్నారు. మరీ ఇంతగా బిగ్ బాస్ ఆమెపై ఫెవరెటిజంను చూపిస్తున్నాడు అనేది అర్థం అవ్వడం లేదు అంటున్నారు.
బిగ్ బాస్ రెండవ సీజన్ విజేత కౌశల్ అంటూ అయిదు ఆరు వారాల ముందే తేలిపోయింది. కౌశల్ ఆర్మీ నెటింట చేసిన సందడి అంతా ఇంతా కాదు. ఆయన కాకుండా మరెవ్వరికి బిగ్ బాస్ విన్నర్ టైటిల్ ఇచ్చినా కూడా ఊరుకునే పరిస్థితి లేదు అన్నంతగా హడావుడి కొనసాగింది. ఇప్పుడు అదే విధంగా అభిజిత్ విషయంలో జరుగుతుంది. అభిజిత్ కోసం సోషల్ మీడియాలో పెద్ద ఎత్తున క్యాంపెయినింగ్ నడుస్తోంది. అతడికి మద్దతుగా వేలాది మంది ఉన్నారు. సోషల్ మీడియాలో అతడి కోసం ట్రెండ్ లు కూడా నడుస్తున్నాయి అంటే ఏ స్తాయిలో అతడికి మద్దతు ఉందో అర్థం చేసుకోవచ్చు.
కౌశల్ ప్రతి టాస్క్ లో కూడా ఎంతో కష్టపడి చేసేవాడు. ప్రతి విషయంలో కూడా తన నూరు శాతం ఇచ్చేవాడు. కాని అభిజిత్ మాత్రం టాస్క్ ల విషయంలో చాలా సార్లు నిరాశ పర్చాడు. ఎక్కువగా ఎమోషన్స్ పలికించక పోవడం వల్ల ఆయన పట్ల బిగ్ బాస్ కూడా అసహనంతో ఉన్నాడు. గత వారంలో టాస్క్ చేసేందుకు నిరాకరించడంతో బిగ్ బాస్ తో పాటు నాగార్జున కూడా తీవ్రంగా ఆగ్రహం వ్యక్తం చేశాడు. ఏకంగా మెయిన్ డోర్ ఓపెన్ చేసి వెళ్లి పోతావా అంటూ ప్రశ్నించాడు.
టాస్క్ ల విషయంలో ఒక్కటి రెండు సార్లు తప్ప అతడు ఎప్పుడు కూడా ఫిజికల్ గా పోరాడిన సందర్బాలు లేవు. అదే సమయంలో డాన్స్ కూడా చేసేందుకు ఇష్టపడడు. అలాంటి అభిజిత్ విన్నర్ అవ్వడం ఎంత వరకు కరెక్ట్ అంటూ అతడి యాంటీ ఫ్యాన్స్ తో పాటు బిగ్ బాస్ నిర్వాహకులు కూడా అంటున్నారు. బిగ్ బాస్ విజేత అంటే అన్ని విధాలుగా స్ట్రాంగ్ అయ్య ఉండాలి. కాని అభిజిత్ ఫిజికల్ గా స్ట్రాంగ్ కాదు. అందుకే ఆయన విజేత ఎలా అవుతాడు అంటున్నారు. శనివారం ఎపిసోడ్ లో మొత్తం కూడా అభిజిత్ ను టార్గెట్ చేశారు.
అతడిని అంతా వ్యతిరేకించేలా నాగార్జున ప్రయత్నించాడని.. బిగ్ బాస్ నిర్వాహకులకు అభిజిత్ విజేత అవ్వడం ఇష్టం లేనట్లుందని ఆరోపణలు వస్తున్నాయి. ఒక వేళ అభిజిత్ విన్నర్ అయితే టాస్క్ లు చేయని వ్యక్తిని విన్నర్ గా నిలిపారు అంటూ కొందరు విమర్శలు చేసే అవకాశం ఉంది. విన్నర్ కాకుంటే అభిజిత్ ఫ్యాన్స్ ఓటింగ్ ఆధారంగా విన్నర్ ఎంపిక కాలేదు అంటూ ట్రోల్స్ చేసే అవకాశం ఉంది. కనుక బిగ్ బాస్ నిర్వాహకులకు పెద్ద చిక్కొచ్చి పండింది.