ప్రస్తుతం దేశంలో ఐపీఎల్ మేనియా కొనసాగుతోంది. మ్యాచ్ లు మొదలై టీంలు నువ్వా నేనా అన్నట్టుగా తలపడుతుండడంతో క్రికెట్ జోష్ నెలకొంది. అయితే ఐపీఎల్ కామెంట్రీ కోసం ముంబై వచ్చిన ప్రఖ్యాత కామెంటేటర్ గుండెపోటుతో మరణించడం విషాదం నింపింది. ఆస్ట్రేలియా మాజీ క్రికెటర్ వ్యాఖ్యాత డీన్ జోన్స్ (59) ముంబైలో గుండెపోటుతో కన్నుమూశారు.
యూఏఈలో జరుగుతున్న మెగా టీ 20 క్రికెట్ లీగ్ లో స్టార్ స్పోర్ట్స్ తరుపున వ్యాఖ్యాతగా కొనసాగుతున్న ఆయన ప్రస్తుతం ముంబయిలోని ఓ హోటల్లో బస చేస్తున్నారు. ఇక్కడి నుంచే లైవ్ ఇస్తున్నారు. ఈ క్రమంలోనే కొద్ది సేపటి క్రితం ఆయనకు గుండెపోటు రావడంతో తుుదిశ్వాస విడిచారు.
మెల్ బోర్న్ లో పుట్టి పెరిగిన డీన్ జోన్స్ ఆస్టేలియా తరుపున 52 టెస్టులు ఆడగా 46.55 సగటుతో 3631 పరుగులు చేశారు. అత్యధిక స్కోర్ 216 సాధించగా 11శతకాలు నమోదు చేశారు. ఇక వన్డేలో మ్యాచ్ లు ఆడిన ఆయన 6068 పరుగులు చేశారు. అందులో 7 శతకాలు 46 అర్ధశతకాలు ఉన్నాయి.
వాకింగ్, సైకిలింగ్‌ కంటే వెయిట్ లిఫ్ట్ వల్లే గుండెకు ఎక్కువ మేలు జరుగుతుందని తాజా సర్వే ఒకటి వెల్లడించింది. అలాగని వాకింగ్, సైకిలింగ్‌లను తక్కువ అంచనా వేయొద్దని, వాటివల్ల గుండె జబ్బులు వచ్చే అవకాశాలు 30 నుంచి 70 శాతానికి తగ్గుతాయని పేర్కొంది. అయితే, వెయిట్ లిఫ్టింగ్ వల్ల వాటి కంటే మెరుగైన ఆరోగ్యం లభిస్తుందని తెలిపింది.
వయస్సు ఎక్కువగా ఉన్న వ్యక్తులకు వాకింగ్, సైకిలింగ్‌లు మంచివని సూచించింది. యువత భవిష్యత్తులో గుండె జబ్బు సమస్యలు ఎదుర్కోకూడదంటే వెయిట్ లిఫ్టింగ్ కూడా చేయడం మంచిదని తెలిపింది. స్ట్రెంగ్త్ ట్రైనింగ్, ఏరోబియక్స్ చేసేవారిలో గుండె జబ్బుల ముప్పు తక్కువుగా ఉన్నట్లు గ్రెనాడాలోని సెయింట్ జార్జ్ యూనివర్శిటీ అసిస్టెంట్ ప్రొఫెసర్ మియా పి.స్మిత్ తెలిపారు.
ఈ ఏడాది పెరులో జరిగిన ఏసీసీ లాటిన్ అమెరికా కాన్ఫిరెన్స్ 2018లో ప్రవేశపెట్టారు. 21 నుంచి 44, 45 ఏళ్ల పైబడిన మొత్తం 4,086 మందిపై ఈ పరిశోధనలు చేశారు. ఈ వివరాలను పెరులోని ఏసీసీ లాటిన్ అమెరికా కాన్ఫిరెన్స్ 2018లో ప్రవేశపెట్టారు. ఈ సందర్భంగా గుండె జబ్బులకు కారణమయ్యే రక్త పోటు, ఊబకాయం, మధుమేహం, అధిక కొవ్వు తదితర అంశాలను ఈ సందర్భంగా పరిశీలించారు. అయితే, మీరు గుండె జబ్బుతో బాధపడుతున్నట్లయితే వెయిట్ లిఫ్టింగ్‌కు దూరంగా ఉండటమే ఉత్తమం. లేదా మీ వైద్యులను సూచనల ప్రకారం ఎలాంటి శారీరక వ్యాయామం చేయాలో తెలుసుకోవాలి.