టాలీవుడ్ మోస్ట్ ఎలిజిబుల్ బ్యాచిలర్ దగ్గుబాటి రానా ఇటీవలే తన ప్రేయసి మిహికా బజాజ్ ని మూడు ముళ్ల బంధంతో ముడివేసుకున్నాడు. కరోనా లాక్ డౌన్ నేపథ్యంలో ఇరు కుటుంబ సభ్యులు అతి కొద్దిమంది అతిథులు సన్నిహితుల మధ్య రానా – మిహిక ల వివాహ వేడుక ఆగష్టు 8న జరిగింది. పెళ్ళైన తర్వాత వచ్చిన దసరాను రానా – మిహిక బజాబ్ ల జంట ఘనంగా జరుపుకున్నారు. పెళ్లైన తరువాత ఇదే మొదటి పండుగ కావడంతో రానా అత్తవారింట్లో ఈ వేడుకలను చేసుకున్నారు. ప్రత్యేక పూజల అనంతరం అత్త-మామ లతో కలిసి రానా తన సతీమణి మిహిక ఫోటోలు దిగారు.
దసరా వేడుకలకు సంబంధించిన ఫోటోలను రానా అత్తయ్య బంటీ బజాజ్ తన ఇన్స్టాగ్రామ్ అకౌంట్ లో షేర్ చేశారు. ఈ ఫోటోలలో వైలెట్ కలర్ అండ్ హాఫ్ వైట్ డ్రస్ ధరించి.. దానికి తగ్గట్టుగా జ్యూవెలరీని ధరించి మిహికా సంప్రదాయబద్ధంగా కనిపించింది. ఇక రానా ఎప్పటిలాగే తన స్టైలిష్ లుక్ లో వైట్ కుర్తా మరియు జీన్స్ ధరించి కనిపిస్తున్నాడు. కాగా రానా ప్రస్తుతం వేణు ఉడుగుల దర్శకత్వంలో ‘విరాట పర్వం’ అనే సోషల్ డ్రామాలో నటిస్తున్నాడు. అలానే తెలుగు తమిళ హిందీ భాషల్లో ‘అరణ్య’ అనే పాన్ ఇండియా మూవీని పూర్తి చేసిన రానా.. 2021 సంక్రాంతికి ప్రేక్షకుల ముందుకు తీసుకురానున్నారు. అంతేకాక గుణశేఖర్ దర్శకత్వంలో ‘హిరణ్యకశ్యప’ అనే భారీ బడ్జెట్ సినిమాని కూడా రానా లైన్లో పెట్టాడు.
టాలీవుడ్ హీరోలు.. హీరోయిన్ల ప్రేమకథలు సినిమా కథల్ని తలపిస్తున్నాయి. నాగచైతన్య- సమంత ఏడేళ్లుగా ప్రేమించుకుని ఆ తరువాత ఇరు కుటుంబాల అంగీకారంతో ఒక్కటయ్యారు. నితిన్ ప్రేమకథ కూడా ఇంతే. రీసెంట్ గా తెరపైకొచ్చిన స్టార్ హీరోయిన్ కాజల్ అగర్వాల్ లవ్ స్టోరీ కి కూడా కొన్నేళ్ల క్రిందటే బీజం పడింది. బిజినెస్ మేన్ గౌతమ్ కిచ్లూని ఈ నెల 30న కాజల్ వివాహం చేసుకోబోతున్న విషయం తెలిసిందే.
ఇదిలా వుంటే మొన్న ఆగస్టు 8న వివాహం చేసుకున్న రానా ప్రేమకథ వెనక కూడా ఇంట్రెస్టింగ్ స్టోరీ వుందట. మే 12న తను ఓ అమ్మాయికి ప్రపోజ్ చేశానని ఆ అమ్మాయి ఫైనల్ గా యస్ చెప్పిందని రానా తన ఫియాన్సీ మిహీకా బజాజ్ ని పరిచయం చేసిన విషయం తెలిసిందే. ముంబైలో ఈవెంట్ మేనేజ్ మెంట్ కంపెనీని రన్ చేస్తున్న మిహీకా బజాజ్ .. రానాల పెళ్లికి ఇరు కుటుంబాల వారు గ్రీన్ సిగ్నల్ ఇవ్వడంతో ఆగస్టు 8న అత్యంత సన్నిహితులు 30 మంది మాత్రమే పాల్గొనగా వీరి వివాహం హైదరాబాద్ లో జరిగింది.
అయితే మిహీక దగ్గుబాటి వెంకటేష్ కుమార్తె కు స్నేహితురాలు అన్న సంగతిని ఇంతకుముందు రానా చెప్పారు. కానీ ఇప్పుడో ఊహించని కొత్త పాయింట్ చెప్పుకు రావడం చర్చకు వచ్చింది. రానాకు మిహీక కేవలం ఈ ఏడెనిమిదేళ్ల స్నేహమే అనుకున్నారంతా. కానీ అంతకు మించి ఇంకా చాలా ఉంది. తన ప్రేమకథ గురించి ఓ సీక్రెట్ లోతు పాతుల్ని రానా దగ్గుబాటి తాజాగా బయటపెట్టాడు. ఓ టీవీ కార్యక్రమంలో మిహీకాతో తన ప్రేమకథ ఎప్పుడు మొదలైందో ఓపెన్ చేశాడు. మిహీకా తనకు చిన్నతనం నుంచే తెలుసని.. తన సోదరి.. మిహీకా కలిసి స్కూల్ కి వెళ్లేవారని ఆ తరువాత మిహీకా ఫ్యామిలీ హైదరాబాద్ నుంచి ముంబై షిఫ్ట్ అయ్యిందని తెలిపాడు రానా. ఆ పరిచయం వల్లే లాక్ డౌన్ సమయంలో మిహీకాకు ప్రపోజ్ చేశానని తన వెంటనే యస్ చెప్పేసిందని చెప్పుకొచ్చాడు రానా. అంటే చిన్నప్పటి నుంచి తన ఊహలో ఉన్న అమ్మాయి మిహీకనేనా.. దేవుడు అలా ముడివేశాడా? అన్నది ఇప్పుడు అభిమానుల పాయింట్ ఆఫ్ వ్యూ అన్నమాట.
టాలీవుడ్ మోస్ట్ ఎలిజిబుల్ బ్యాచిలర్ లలో ఒకడైన దగ్గుబాటి వారసుడు రానా ఓ ఇంటివాడయ్యారు. హైదరాబాద్ నగరంలోని రామానాయుడు స్టూడియోలో జరిగిన వివాహ వేడుక జరుగగా.. శనివారం రాత్రి గం.8.45ని.ల సమయంలో తన ప్రేయసి మిహిక మెడలో మూడు ముళ్లు వేశారు రానా. కరోనా నేపథ్యంలో ఈ శుభకార్యానికి ఇరు కుటుంబ సభ్యులు అతి కొద్దిమంది అతిథులు సన్నిహితుల మధ్య వివాహం వైభవంగా జరిగింది. ఈ పెళ్ళిలో అక్కినేని నాగ చైతన్య – సమంత జంట ప్రత్యేక ఆకర్షణగా నిలిచారు. ఇక టాలీవుడ్ నుంచి రానా స్నేహితులు రామ్ చరణ్ – అల్లు అర్జున్ లు ఈ వివాహ వేడుకలో పాల్గొన్నారు.. మిగిలిన వారు వీఆర్ కిట్స్ ద్వారా పెళ్లిని ప్రత్యక్షంగా వీక్షించారు. ప్రస్తుతం వీరి వివాహానికి సంబంధించిన ఫొటోలు సోషల్ మీడియాలో హల్ చల్ చేస్తున్నాయి. ఈ ఫోటోలలో అందరి దృష్టి నవ వధువు మిహికా ధరించిన లెహంగాపై పడింది. అద్భుతంగా డిజైన్ చేయబడిన దగ్గుబాటి వారి కోడలి లెహంగాపై ఆరాలు తీయడం స్టార్ట్ చేసారు.
కాగా గోల్డ్ మరియు క్రీమ్ కలర్ లో ఎంతో అందంగా ఉన్న లెహంగా ప్రతి ఒక్కరి దృష్టిని ఆకర్షించింది. మిహికా ధరించిన లెహంగాని ప్రముఖ డిజైనర్ అనామికా ఖన్నా డిజైన్ చేసిందని తెలుస్తోంది. ఈ లెహంగా రెడీ చేయడానికి సుమారు పది వేల గంటల సమయం వెచ్చించాల్సి వచ్చిందని డిజైనర్ అనామిక ఖన్నా వెల్లడించారు. హ్యాండ్ ఎంబ్రాయిడీతోనే దీన్ని కుట్టినట్లు అనామిక వివరించారు. లెహంగాలోని డిజైన్లను చికంకరి మరియు బంగారు లోహంతో చేశారట. లెహెంగా కోసం బంగారు నేసిన దుపట్ట కూడా ఉంది. దీని ధర సుమారు రూ.7 లక్షలు దాకా ఉండొచ్చని అనుకుంటున్నారు. ఇక సోషల్ మీడియా వేదికగా కొత్త జంట రానా – మిహిక లకు సినీ ప్రముఖులు విషెష్ అందిస్తున్నారు.