తెలంగాణ రాష్ట్ర ప్రభుత్వం థియేటర్ల రీ ఓపెన్ కు అనుమతులు ఇవ్వడంతో పాటు ఇండస్ట్రీకి పలు ఉపయోగదాయక నిర్ణయాలు తీసుకుంది. నేటి నుండి థియేటర్ల ఓపెన్ కు తెలంగాణ ప్రభుత్వం ఓకే చెప్పడంతో విడుదల విషయంలో మళ్లీ హడావుడి మొదలయ్యింది. వెంటనే కొత్త సినిమాలు విడుదల కాకున్నా కూడా వచ్చే నెలలో సినిమాల విడుదలకు సిద్దం అయ్యే అవకాశం ఉంది. సంక్రాంతి వరకు పెద్ద సినిమాలు కూడా విడుదల అయ్యే అవకాశం ఉందని అంటున్నారు. ఈ సమయంలో వకీల్ సాబ్ సినిమా షూటింగ్ విడుదల విషయమై చర్చలు జరుగుతున్నాయి.
సంక్రాంతి సీజన్ వరకు థియేటర్ల విషయంలో స్పష్టత వచ్చే అవకాశం లేదనే ఉద్దేశ్యంతో చాలా సినిమాలు విడుదల విషయంలో ఆసక్తి చూపించలేదు. మార్చి లేదా ఏప్రిల్ లో వకీల్ సాబ్ ను విడుదల చేయాలని భావించారు. కాని థియేటర్ల ఓపెన్ కు అనుమతి వచ్చిన నేపథ్యంలో మరో రెండు నెలల సమయం ఉన్న కారణంగా సినిమాను సంక్రాంతి సీజన్ కు తీసుకు వస్తే బాగుంటుందనే అభిప్రాయంలో దిల్ రాజు అండ్ టీం ఉన్నారట. ఇప్పటికే షూటింగ్ ముగింపు దశకు వచ్చింది. మరి కొన్ని రోజుల్లో పూర్తి చేసి డిసెంబర్ పూర్తి వరకు విడుదలకు సిద్దం చేయాలని నిర్ణయించుకున్నారట. అధికారికంగా విడుదల తేదీ విషయంలో వచ్చే నెలలో క్లారిటీ ఇచ్చే అవకాశాలు ఉన్నాయి. సంక్రాంతికి మరికొన్ని సినిమాలు కూడా ప్రేక్షకుల ముందుకు వచ్చే అవకాశం ఉంది.
పవర్ స్టార్ పవన్ కళ్యాణ్ నటిస్తున్న లేటెస్ట్ మూవీ ”వకీల్ సాబ్”. వేణు శ్రీరామ్ దర్శకత్వం వహిస్తున్న ఈ చిత్రాన్ని బోనీ కపూర్ సమర్పణలో స్టార్ ప్రొడ్యూసర్స్ దిల్ రాజు నిర్మిస్తున్నారు. ఇది హిందీ సూపర్ హిట్ ‘పింక్’ మూవీకి రీమేక్ గా తెరకెక్కుతోంది. ఇప్పటికే విడుదలైన ఫస్ట్ లుక్ మరియు మోషన్ పోస్టర్ విశేషంగా ఆకట్టుకున్నాయి. కరోనా మహమ్మారి విజృంభణ లేకపోయుంటే వేసవిలోనే ఈ చిత్రాన్ని రిలీజ్ చేసేవారు. ఇప్పటికే మెజారిటీ భాగం షూటింగ్ జరుపుకున్న ఈ చిత్రాన్ని సంక్రాంతి బరిలో నిలుపుతారని అందరూ అనుకున్నారు. కాకపోతే పవన్ కళ్యాణ్ ఇప్పట్లో సినిమా షూటింగ్ లో పాల్గొనే అవకాశం లేదని వార్తలు రావడంతో వకీల్ సాబ్ సంక్రాంతికి రావడం కష్టమే అని ఫిక్స్ అయ్యారు.
అయితే ‘వకీల్ సాబ్’ షూటింగ్ ఇటీవలే తిరిగి ప్రారంభమైంది. అంతేకాకుండా నిన్న పవన్ కళ్యాణ్ కూడా సెట్స్ లో అడుగుపెట్టేసాడు. దీంతో సంక్రాంతి రేసులో ‘వకీల్ సాబ్’ ఉందని అర్థం అవుతోంది. ‘వకీల్ సాబ్’ లో పవన్ తనకు సంబంధించిన షూటింగ్ కేవలం పది రోజుల్లో పూర్తి చేస్తారని తెలుస్తోంది. మిగతా షూటింగ్ కూడా డిసెంబర్ మూడో వారానికి పూర్తయ్యేలా చిత్ర యూనిట్ ప్లాన్ చేసుకుందని సమాచారం. దీనిని బట్టి చూస్తే ‘వకీల్ సాబ్’ సంక్రాంతికి విడుదలయ్యే అవకాశాలు ఎక్కువగా ఉన్నాయని చెప్పవచ్చు. ఇదే కనుక నిజమైతే ఈ సంక్రాంతి బాక్సాఫీస్ వద్ద పవన్ మేనియా చూడొచ్చు. ఇప్పటి వరకు నితిన్ ‘రంగ్ దే’.. అఖిల్ ‘మోస్ట్ ఎలిజిబుల్ బ్యాచిలర్’.. రవితేజ ‘క్రాక్’.. రానా ‘అరణ్య’.. రామ్ ‘రెడ్’ సినిమాలు సంక్రాంతికి రాబోతున్నట్లు ప్రకటించారు.
కాగా పవన్ రీ ఎంట్రీ సినిమా ‘వకీల్ సాబ్’ పై అభిమానులు భారీ అంచనాలే పెట్టుకున్నారు. దీనికి తగ్గట్టే తెలుగులో ఈ సినిమాలో చాలా మార్పులు చేసారని తెలుస్తోంది. ఈ మూవీలో యాక్షన్ కూడా ఉందని మోషన్ పోస్టర్ ద్వారా హింట్ కూడా ఇచ్చారు. ఈ చిత్రంలో శృతి హాసన్ – అంజలి – నివేదా థామస్ – అనన్య – ప్రకాష్ రాజ్ – నరేష్ కీలక పాత్రల్లో నటిస్తున్నారు. థమన్ సంగీతం సమకూరుస్తున్నాడు.
కరోనా లాక్ డౌన్ వల్ల అయిదు ఆరు నెలల పాటు షూటింగ్ లకు దూరంగా ఉన్న టాలీవుడ్ స్టార్స్ మళ్లీ షూటింగ్ లతో బిజీ అయ్యాడు. కాని కొందరు మాత్రం ఇప్పటి వరకు షూటింగ్ లో జాయిన్ అవ్వలేదు. అందులో పవన్ కళ్యాణ్ కూడా ఒకరు. ఏడు నెలలుగా పవన్ సినిమా షూటింగ్ కు దూరంగా ఉంటున్నాడు. పవన్ వకీల్ సాబ్ షూటింగ్ లో పాల్గొంటున్న సమయంలోనే కరోనా లాక్ డౌన్ వచ్చింది. అప్పటి నుండి కూడా పవన్ షూటింగ్ కు దూరంగా ఉంటున్నాడు. ఈ సమయంలోనే పవన్ దీక్ష చేపట్టాడు. దీక్షలో భాగంగా గడ్డం మరియు జుట్టు పెంచాడు. గత కొన్ని నెలలుగా పవన్ ను గడ్డం మరియు జుట్టుతోనే చూస్తున్నాం. ఎట్టకేలకు దసరా సందర్బంగా పవన్ దీక్ష విరమించాడు.
పవన్ దీక్ష విరమించి మునుపటి లుక్ లోకి వచ్చేశాడు. గడ్డం మరియు జుట్టును ట్రిమ్ చేసిన పవన్ షూటింగ్ లో కూడా జాయిన్ అయ్యేందుకు రెడీ అవుతున్నాడు. మీడియా సర్కిల్స్ నుండి అందుతున్న సమాచారం ప్రకారం పవన్ కళ్యాణ్ వకీల్ సాబ్ సినిమా షూటింగ్ లో నవంబర్ 1 నుండి పాల్గొనబోతున్నాడు. అందుకు సంబంధించిన ఏర్పాట్లు జరుగుతున్నాయి. కొద్ది తేడాతోనే చక చక సినిమాలను పూర్తి చేయాలని పవన్ భావిస్తున్నాడు. ఇప్పటికే పవన్ అయిదు ఆరు సినిమాలకు కమిట్ అయ్యాడు. వాటన్నింటిని కూడా వచ్చే ఏడాదిలోనే పూర్తి చేయాలని భావిస్తున్నాడు.
నవంబర్ 1 నుండి వకీల్ సాబ్ షూటింగ్ లో పాల్గొని అదే నెలలో ఆ సినిమాను పూర్తి చేయబోతున్నాడు. ఇక ఆ తర్వాత క్రిష్ దర్శకత్వంలో మూడు నెలల పాటు విరూపాక్ష సినిమాను చేయబోతున్నారు. ఆ తర్వాత హరీష్ శంకర్ దర్శకత్వంలో కూడా పవన్ మూవీ ఉంటుంది. ఇక మలయాళ అయ్యప్పన్ కోషియుమ్ రీమేక్ లో కూడా పవన్ నటించబోతున్నాడు. ఆ సినిమా మరియు సురేందర్ రెడ్డి సినిమాలను కూడా పవన్ 2021 లో పూర్తి చేసేందుకు పట్టుదలతో ఉన్నాడట. మొత్తానికి 2021 మరియు 2022 సంవత్సరాల్లో పవన్ నుండి అయిదు ఆరు సినిమాలు ప్రేక్షకుల ముందుకు రాబోతున్నాయి.
పవన్ 26వ సినిమా వకీల్ సాబ్ చిత్రీకరణ దాదాపు ఆరు నెలల తర్వాత ఇటీవలే షూటింగ్ పునః ప్రారంభం అయ్యింది. గత రెండు మూడు వారాలుగా షూటింగ్ జరుగుతున్నా పవన్ మాత్రం ఇప్పటి వరకు జాయిన్ అవ్వలేదు. పవన్ లేకుండా ఉన్న సీన్స్ ను దర్శకుడు చిత్రీకరిస్తున్నాడు. ముందుగా అనుకున్న ప్రకారం పవన్ వచ్చే నెలలో జాయిన్ అవ్వాల్సి ఉంది. కాని షూటింగ్ త్వరగా పూర్తి చేయాలనే ఉద్దేశ్యంతో ఈ నెలలోనే షూటింగ్ లో జాయిన్ అవ్వబోతున్నాడట. ప్రస్తుతం హైదరాబాద్ లో చిత్రీకరణ జరుపుకుంటున్న వకీల్ సాబ్ సెట్ లో ట్యాలెంటెడ్ హీరోయిన్ నివేధా థామస్ కూడా జాయిన్ అయ్యింది. ఆమె పై కొన్ని కీలక సన్నివేశాలను చిత్రీకరిస్తున్నారట.
నివేధా థామస్ సోలో సీన్స్ చిత్రీకరణ పూర్తి అయ్యే సమయానికి పవన్ కూడా టీంతో జాయిన్ అవ్వబోతున్నాడు. అందుకు సంబంధించిన ఏర్పాట్లు కూడా జరుగుతున్నాయట. పవన్ ఎప్పుడు జాయినింగ్ అనే విషయంలో క్లారిటీ లేదు కాని అతి త్వరలో ఆయన వస్తాడంటూ యూనిట్ సభ్యులు వెయిట్ చేస్తున్నారట. పవన్ ఇటీవల కన్నడ నటుడు సుదీప్ ను కలిసిన విషయం తెల్సిందే. ఆ సమయంలో కూడా పవన్ గడ్డం మరియు జుట్టు అలాగే పెద్దగా ఉంది. అంటే ఆయన ఇంకా షూటింగ్ కు రెడీ అవ్వలేదా అంటూ ఫ్యాన్స్ నిరుత్సాహం వ్యక్తం చేస్తున్నారు.
వకీల్ సాబ్ చిత్రీకరణ కోసం పవన్ మూడు వారాల పాటు డేట్లు ఇచ్చాడట. ఆ మూడు వారాల్లో పూర్తి చేసి విడుదలకు సిద్దం చేయబోతున్నారు. వచ్చే ఏడాది ఆరంభంలో సంక్రాంతి కానుకగా సినిమాను విడుదల చేయాలని ఇప్పటికే నిర్ణయించుకున్నారు. ఈ సినిమాలో కీలక పాత్రకు గాను శృతి హాసన్ ను నటింపజేస్తున్న విషయం తెల్సిందే.