కమెడియన్ అలీ తనకు శోభన్ బాబుతో ఉన్న అనుబంధంను ఒక ఇంటర్వ్యూలో చెప్పుకొచ్చాడు. ఆ సందర్బంగా అలీ మాట్లాడుతూ.. శోభన్ బాబు గారు నటించిన ఒక సినిమాలో బాల నటుడిగా నటించాను. ఆ తర్వాత కొన్నాళ్లకు ఆయన నటించిన సినిమాలో నేను కూడా ఒక హీరోగా చేశాను. షూటంగ్ మొదటి రోజు ఏం హీరో అంటూ పిలిచారు. ఆ సమయంలో నాకు చాలా ఇబ్బందిగా అనిపించి మీరు అలా అనకండి. మీ ముందు నేను హీరో ఎలా అంటూ కాస్త మొహమాట పడ్డాను. ఎంతో మంది కోరుకుంటే ఎవరికో ఈ అవకాశం వస్తుంది. అలాంటిది నీకు ఈ అవకాశం వచ్చింది అంటూ నాలో విశ్వాసం కలిగించారు.
షూటింగ్ సమయంలో నాకు చాలా నేర్పించారు. ఎన్టీఆర్.. ఏయన్నార్ వంటి స్టార్స్ ను చూసిన సమయంలో వారిలా నేను చేయాలనుకున్నాను. ఆ తర్వాత వారితో సమానంగా నటించగలిగాను. నువ్వు కూడా ఎలాంటి ఆందోళన లేకుండా చేయమంటూ ధైర్యం చెప్పారు. దాంతో నేను ఆ సినిమాలో నటించాను. ఆ తర్వాత కూడా ఆయన తో పలు సందర్బాల్లో కలిశాను. ఆయన చివరి దశలో కనీసం బయటకు కూడా వెళ్లలేదు.
ఆయన ఒక అందగాడిగా మాత్రమే జనాల మనసుల్లో ఉండాలనుకున్నారు. ఆయన ఏమైతే అనుకున్నారో అదే విధంగా జరిగింది. ఆయన మృతి చెందిన సమయంలో ఆయన ఎలా ఉన్నారు అనే విషయం కూడా తెలియకుండా చాలా మంది ఆయన్ను ఒక అందగాడిగానే ఊహించుకుంటారు. అది చాలా గొప్ప విషయం కదా అంటూ శోభన్ బాబు గొప్పతనంను తెలియజేశారు.
లెజెండరీ నటి సావిత్రి బయోపిక్ సక్సెస్ కావడంతో ఇప్పుడు హీరోల జీవిత కథల్ని తెరపైకి తీసుకురావాలనే ప్రయత్నాలు ముమ్మరం చేస్తున్నారు. తాజాగా పురుచ్చితలైవి జయలలిత జీవిత కథని ఏ.ఎల్. విజయ్ `తలైవి` పేరుతో కంగన ప్రధాన పాత్రలో రూపొందిస్తున్న విషయం తెలిసిందే. ఇదే తరహాలో నట భూషణ్ శోభన్ బాబు జీవిత కథని తెరపైకి తీసుకురాబోతున్నారంటూ గత రెండు రోజులుగా వార్తలు వినిపిస్తున్నాయి.
ఈ బయోపిక్ లో శోభన్ బాబు పాత్రలో దగ్గుబాటి రానా నటిస్తారని తాజాగా వార్తలు వినిపిస్తున్నాయి. కానీ ఇది అంత ఈజీగా వర్కవుట్ అయ్యే పరిస్థితులు కనిపించడం లేదని అంటున్నారు. ఎందుకంటే ఓ బయోపిక్ ని తెరపైకి తీసుకురావాలన్నా.. అది ప్రేక్షకుల్ని ఆకట్టుకోవాలన్నా అందులో ఆకట్టుకునే అంశాలు… ఇబ్బందికర అంశాలు వుండాలి. జీవితం అనేది ఉత్థానపతనాల కలయిక. దానిని యథాతథంగా చూపిస్తేనే కిక్కు. శోభన్ బాబు జీవితంలో అలా ఇబ్బంది పడిన సందర్భాలు పెద్దగా లేవా ఉన్నాయా? అన్నది విశ్లేషించాలి. దీంతో కథలో కాన్ ఫ్లిక్ట్ లేకపోతే చూసే వారికి పెద్దగా ఇంట్రెస్ట్ వుండదు.
ఇక శోభన్ బాబు తనని అవమానించారని ఓ దశలో హీరోగా నటిస్తున్న క్రమంలోనే ఇండస్ట్రీకి దూరంగా వెళ్లిపోయారు. సినిమాల్లో నటించడానికి అయిష్టతని ప్రదర్శించారు. అంతలా ఆయనని అవమానించింది ఎవరు? అన్న కోణంలో సినిమా తీయొచ్చు కానీ ఏమంతగా ఆసక్తికరంగా వుడక పోవచ్చు. ఇదే చాలా మందిని తొలిచివేస్తోంది. ఆకట్టుకునే అంశాలు లేనప్పుడు బయోపిక్ తీయడం అంత మంచిది కాదని చర్చ జరుగుతోంది.
ఒక సెక్షన్ లో విచిత్రమైన చర్చ కూడా సాగుతోంది. శోభన్ బాబు జీవితంపై సినిమా తీయడం సరైనదేనా? అని ఓ ఆర్టిస్టును అడిగితే.. నీ లైఫ్ లో నా లైఫ్ లో ఎమోషన్ లేదా? సామాన్యుల జీవితాల్లోనే బోలెడంత ఎమోషన్.. శోభన్ బాబుకు ఉండదంటావా? నీ పైనా నా పైనా బయోపిక్ లు తీసి బ్లాక్ బస్టర్లు కొట్టొచ్చు తెలుసా? తీసేవాడిలో దమ్ముండాలి.. అంటూ ముక్తాయించారు.