వైవిధ్యమైన కథలను విలక్షణమైన పాత్రలను ఎంచుకుంటూ కెరీర్ లో ముందుకు సాగుతున్న నేచురల్ స్టార్ నాని.. ”శ్యామ్ సింగ రాయ్” అనే చిత్రంలో నటించనున్న సంగతి తెలిసిందే. ‘టాక్సీవాలా’ ఫేమ్ రాహుల్ సాంకృత్యాన్ దర్శకత్వం వహించనున్నారు. ఇది కలకత్తా బ్యాక్ డ్రాప్ లో రూపొందే హై వోల్టేజ్ యాక్షన్ ఎంటర్టైనర్ అని తెలుస్తోంది. ఇందులో నాని డిఫరెంట్ షేడ్స్ ఉన్న ఛాలెంజింగ్ రోల్ లో నటించి ఫ్యాన్స్ ని సర్ప్రైజ్ చేయబోతున్నాడు. నాని కెరీర్లో అత్యధిక బడ్జెట్ తో రూపొందనున్న ఈ చిత్రాన్ని నిహారిక ఎంటర్టైన్మెంట్ పతాకంపై వెంకట్ బోయనపల్లి నిర్మిస్తున్నారు. ‘శ్యామ్ సింగ రాయ్’ చిత్రాన్ని పూజా కార్యక్రమాలతో రేపు హైదరాబాద్ లో లాంఛనంగా ప్రారంభించనున్నట్లు మేకర్స్ ప్రకటించారు.
కాగా ఇప్పటికే చిత్ర యూనిట్ విడుదల చేసిన ‘శ్యామ్ సింగ రాయ్’ కాన్సెప్ట్ పోస్టర్ విశేషంగా ఆకట్టుకుంది. ఈ చిత్రానికి మిక్కీ జె.మేయర్ సంగీతం సమకూర్చానున్నాడు. ఇక నాని సరసన నేచురల్ బ్యూటీ సాయి పల్లవి.. యంగ్ బ్యూటీ కృతి శెట్టి నటించనున్నారు. వైవిధ్యమైన కథాంశంతో తెరకెక్కనున్న ఈ సినిమాపై నాని అభిమానుల తోపాటు సినీ వర్గాల్లో కూడా మంచి అంచనాలున్నాయి. ప్రస్తుతం ‘టక్ జగదీష్’ సినిమా షూటింగ్ ని పూర్తి చేసే పనిలో ఉన్న నాని.. త్వరలోనే ల్ ‘శ్యామ్ సింగ రాయ్’ మూవీ రెగ్యులర్ షూటింగ్ ప్రారంభించనున్నాడు.
నాని హీరోగా ట్యాక్సీవాలా ఫేం రాహుల్ దర్శకత్వంలో రూపొందుతున్న శ్యామ్ సింగ రాయ్ మూవీలో ముగ్గురు ముద్దుగుమ్మలు నటించబోతున్నట్లుగా ఇప్పటికే వార్తలు వచ్చాయి. కథానుసారం నాని ముగ్గురు ముద్దుగుమ్మలతో రొమాన్స్ చేయబోతున్నాడు. ఇప్పటికే నానికి జోడిగా సాయి పల్లవి మరియు కృతి శెట్టిలను ఎంపిక చేసినట్లుగా తెలుస్తోంది. మూడవ హీరోయిన్ విషయంలో గత కొన్ని రోజులుగా చర్చలు జరుగుతున్నాయి. సినీ వర్గాలు మరియు మీడియా సర్కిల్స్ నుండి అందుతున్న సమాచారం ప్రకారం అధితి రావు హైదరి మరియు నివేధా థామస్ ల్లో ఒక్కరిని ఈ సినిమా కోసం ఎంపిక చేసే అవకాశం కనిపిస్తుంది.
వీరిద్దరు కూడా నానితో గతంలో రొమాన్స్ చేసిన వారే అవ్వడంతో ఖచ్చితంగా కలిసి వచ్చే అవకాశం అన్నట్లుగా యూనిట్ సభ్యులు భావిస్తున్నారు. నాని 25వ సినిమా ‘వి’ లో వీరిద్దరు నటించిన విషయం తెల్సిందే. ఇద్దరిలో ఒకరిని అతి త్వరలోనే ఎంపిక చేయనున్నారు. ప్రస్తుతం సినిమాకు సంబంధించిన చిత్రీకరణ చకచక జరుగుతోంది. వచ్చే ఏడాది మార్చి వరకు సినిమాను పూర్తి అయ్యేలా ప్లాన్ చేస్తున్నారు. పునర్జన్మ కాన్సెప్ట్ తో ఈ సినిమా రూపొందుతున్నట్లుగా టాక్ వినిపిస్తుంది. ట్యాక్సీవాలాను విభిన్నమైన కాన్సెప్ట్ తో రూపొందించి విమర్శకుల ప్రశంసలు దక్కించుకున్న దర్శకుడు రాహుల్ ఈసారి అంతకు మించి అన్నట్లుగా నానితో ఈ భారీ సినిమాను తెరకెక్కిస్తున్నాడు. ఈ సినిమా వచ్చే దసరా సీజన్ లో ప్రేక్షకుల ముందుకు తీసుకు వచ్చేలా ప్లాన్ చేస్తున్నారు.