ఆ దేశంలో పెళ్లి తర్వాత 3 రోజులు మూత్రానికి వెళ్లకూడదట.. శోభనం నరకమే!

పెళ్లి తర్వాత మూడు రాత్రులు బాగా ఎంజాయ్ చేయొచ్చని అనుకుంటారు. కానీ, ఆ దేశంలో మాత్రం అలా కుదరదు. శోభనం ఏర్పాట్లయితే చేస్తారు. కానీ, వారిని ఆ మూడు రోజులు ఆ గదిలోనే బంధిస్తారు. కనీసం మూత్రం విసర్జనకు కూడా వదిలిపెట్టరు. ఆ మూడు రోజులు తగినంత ఆహారం, నీళ్లు మాత్రమే ఇస్తారు. ఇంతకీ ఈ ఆచారం ఎక్కడ పాటిస్తున్నారనే కదా మీ డౌట్? దీని గురించి తెలియాలంటే.. మీరు తప్పకుండా బోర్నియో వెళ్లాల్సిందే.

మూడు దేశాల.. ఏకైక దీవి

బోర్నియో ఐలాండ్ ఆసియాలోనే మూడో అతిపెద్ద దీవి. సుమత్రా దీవులకు తూర్పు భాగంలో ఉన్న ఈ ఐలాండ్‌ను ఇప్పటివరకు ప్రత్యేక దేశంగా గుర్తించలేదు. అయితే, ఇండోనేషియా, బ్రూనై, మలేషియాలకు చెందిన మూడు రాజకీయ పార్టీలు ఈ ప్రాంతాన్నీ పాలిస్తున్నాయి. ఇక్కడి తీరప్రాంతాలు పర్యాటకులకు ఎంతగానో ఆకట్టుకుంటాయి. అయితే, ఇక్కడ పాటించే కొన్ని ఆచారాలు చాలా చిత్రంగా ఉంటాయి.

పెళ్లిలో వింత ఆచారాలు

పెళ్లిని మన దేశంలో పండగలా భావిస్తాం. కానీ, బోర్నీయాలో నివసిస్తున్న కొన్ని గిరిజన తెగలు.. గొప్ప ఆచారంగా భావిస్తాయి. పెళ్లి తర్వాత వధువురులను ఒక గదిలో బంధిస్తారు. వారిని కనీసం టాయిలెట్‌కు కూడా వెళ్లనివ్వరు. అలాగని, ఆ గదిలో ఏర్పాట్లు చేస్తారని అనుకున్నా పొరపాటే. ఎందుకంటే.. ఆ మూడు రోజులు వాళ్లు మూత్రాన్ని ఉగ్గబెట్టుకోవాలి. కనీసం మల విసర్జనకు కూడా అనుమతి ఇవ్వరు.

మరి శోభనం?

ఆ కొత్త జంట ఆ మూడు రోజులు శోభనాన్ని ఎంజాయ్ చేయొచ్చు. మొదటి రోజు వారికి ఈ ఆచారం పెద్దగా ఇబ్బంది కలిగించదు. కానీ, మిగతా రెండు రోజులు వారికి నరకమే కనిపిస్తుంది. సెక్స్ అంటే చాలు వణికిపోతారు. ఒక వేళ సెక్స్ చేసినా.. ఆ తర్వాత శుభ్రం చేసుకోడానికి కూడా అనుమతి లభించదు. దీంతో వాళ్లు ఆ మూడు రోజులు ఆ గదిలో కలిసి ఉన్న కలవలేని పరిస్థితి నెలకొంటుంది.

ఇది ఎన్నాళ్ల నుంచో వస్తున్న సాంప్రదాయమని బోర్నియో ప్రజలు తెలుపుతున్నారు. పెళ్లి తర్వాత వధువరులు మూత్రానికి పోయినట్లయితే.. ఇద్దరిలో ఒకరు చనిపోతారని నమ్ముతారు. అలాగే, వారికి పుట్టే బిడ్డలు పుట్టిన వెంటనే చనిపోతారని భావిస్తారు. ఆ మూడు రోజులు మూత్రానికి వెళ్లకుండా ఆపుకోవడం వల్ల వారి మధ్య బంధం బలోపేతం అవుతుందని చెబుతున్నారు. అయితే, ఇలా చేయడం ఆరోగ్యానికి మంచిది కాదని వైద్య నిపుణులు తెలుపుతున్నారు.