ఈ పాస్ వర్డ్ లను వాడుతున్నారా? అయితే వెంటనే మార్చేయండి.. లేదంటే!

0

ఇంటర్నెట్, స్మార్ట్ ఫోన్ ఉపయోగించేవారికి పాస్ వర్డ్ ల గురించి ప్రత్యేక పరిచయం అవసరం లేదు. మన ఇంటికి తాళం ఎలా రక్షణను ఇస్తుందో, మన డేటాకు, సోషల్ లైఫ్ కు పాస్ వర్డ్ అలా రక్షణ ఇస్తుంది. అయితే ఇంట్లో దొంగలు పడకుండా ఉండాలంటే ఇంటికి గట్టి తాళం వేయాలి. తాళం సరిగ్గా లేకపోతే ఇంట్లో వస్తువులకు రక్షణ ఉండదు. అలాగే పాస్ వర్డ్ బలహీనంగా ఉంటే సోషల్ లైఫ్ మీద దాడి జరిగి డేటా మొత్తం చేజారిపోతుంది. సైబర్ సెక్యూరిటీ సంస్థలు ప్రతి సంవత్సరం బలహీనంగా ఉన్న పాస్ వర్డ్ ల వివరాలను తెలుపుతూ ఉంటాయి. అలాగే ఈ సంవత్సరం Splash అనే డేటా సెక్యూరిటీ సంస్థ ఈ సంవత్సరం హ్యాకర్లు గుర్తించిన అత్యంత బలహీనమైన 50 పాస్ వర్డ్ ల వివరాలను తెలిపింది. ఆ పాస్ వర్డ్ లు ఇవే..

​వీటిని వాడితే అంతే!

❂ 123456

❂ 123456789

❂ qwerty

❂ password

❂ 1234567

ఈ సంస్థ వెల్లడించిన 50 పాస్ వర్డ్ ల్లో టాప్-5 పాస్ వర్డ్ లు ఇవే. మీరు ఈ పాస్ వర్డ్ లను ఉపయోగిస్తూ ఉంటే వెంటనే మార్చుకోవడం మంచిది. లేకపోతే మీరు కూడా ఏదో ఒక రోజు సైబర్ క్రైమ్ బాధితుల జాబితాలో చేరక తప్పదు. కాబట్టి మీరు వాడే పాస్ వర్డ్ లో ఒక క్యాపిటల్ లెటర్, ఒక స్మాల్ లెటర్, ఒక అంకె, ఒక స్పెషల్ సింబర్ ఉండేలా జాగ్రత్తలు తీసుకోండి.

Also Read: Google Pay న్యూ ఇయర్ స్టాంప్స్.. ఈసారి రూ.2020 వరకు గెలిచే అవకాశం!

​ఎవ్వరికీ చెప్పద్దు..

❂ 12345678

❂ 12345

❂ iloveyou

❂ 111111

❂ 123123

టాప్-5 తర్వాత స్థానాల తర్వాత 6-10 మధ్యనున్న పాస్ వర్డ్ లు ఇవి. పాస్ వర్డ్ ల విషయంలో మీరు గోప్యతను పాటించడం ఉత్తమం. మీ పాస్ వర్డ్ ను ఎవరికి చెప్పినా ప్రమాదమే. కాబట్టి అడిగిన వెంటనే పాస్ట్ వర్డ్ ను ఎవ్వరికీ చెప్పకండి.

​ఎప్పటికప్పుడు మారుస్తూ ఉండండి.

❂ abc123

❂ qwerty123

❂ 1q2w3e4r

❂ admin

❂ qwertyuiop

ప్రమాదకరమైన పాస్ వర్డ్ ల్లో తర్వాత స్థానాల్లో ఉన్న 5 పాస్ వర్డ్ లూ ఇవే. ఒకే పాస్ వర్డ్ ను మార్చకుండా వాడటం కూడా ప్రమాదమే. కాబట్టి మీ పాస్ వర్డ్ ను కనీసం మూడు నెలలకు ఒకసారి అయినా మారుస్తూ ఉండండి.

​తర్వాతి స్థానాల్లో ఇవే..

❂ 654321

❂ 555555

❂ lovely

❂ 7777777

❂ welcome

ప్రమాదకరమైన పాస్ వర్డ్ ల్లో ఆ తర్వాతి స్థానాల్లో ఉన్న పాస్ వర్డ్ లు ఇవే. కాబట్టి మీరు ఉపయోగించే పాస్ వర్డ్ ల్లో కూడా వీటిలో ఉన్నవి ఏవైనా ఉంటే వెంటనే మార్చేయండి.

​princess, dragonలు కూడా డేంజరే..

❂ 888888

❂ princess

❂ dragon

❂ password1

❂ 123qwe

ఈ పైన పేర్కొన్న పాస్ వర్డ్ లు కూడా ప్రమాదకరమైన పాస్ వర్డ్ ల జాబితాలో ఉన్నాయి. princess, dragon వంటి వాటిని కూడా నెటిజన్లు ఎక్కువగా ఉపయోగిస్తున్నారని ఈ నివేదికలో పేర్కొన్నారు. కాబట్టి ఈ పాస్ వర్డ్ లు ఉపయోగించేవారు కూడా వెంటనే మార్చేయడం మంచిది.

​ఓటీపీలు సెట్ చేసుకోవడం ఉత్తమం

❂ 666666

❂ 1qaz2wsx

❂ 333333

❂ michael

❂ sunshine

నెటిజన్లు ఎక్కువగా పాస్ వర్డ్ ల్లో పైవి కూడా ఉన్నాయి. అయితే మీరు ఎంత బలమైన పాస్ వర్డ్ ను ఎంచుకున్నా కొన్ని సందర్భాల్లో దాన్ని కూడా బ్రేక్ చేసే అవకాశం ఉంటుంది. కాబట్టి ఓటీపీ ద్వారా లాగిన్ అయ్యే ఆప్షన్ ను ఎంచుకోవడం ఉత్తమం. ప్రస్తుతం దాదాపు అన్ని ప్రముఖ సైట్లూ.. ఈ ఆప్షన్ ని అందిస్తున్నాయి. కాబట్టి దీన్ని ఎనేబుల్ చేసుకోండి.

ఇక్కడ freedom కూడా సేఫ్ కాదు..

❂ liverpool

❂ 777777

❂ 1q2w3e4r5t

❂ donald

❂ freedom

ప్రమాదకరమైన పాస్ వర్డ్ ల్లో ఫుడ్ బాల్ ప్రియులకు ఇష్టమైన లివర్ పూల్ కూడా ఉంది. కాబట్టి ఫుట్ బాల్, ఐపీఎల్, మీకు ఇష్టమైన నటులు, క్రీడాకారులు వంటి వారి పేర్లను కూడా పాస్ వర్డ్ ల్లో ఉంచకండి. మీకు సంబంధించిన ఎవ్వరూ ఊహించలేని విధంగా ఆ పాస్ వర్డ్ ఉండేలా చూసుకోండి.

​secret కూడా రహస్యంగా లేదు..

❂ football

❂ charlie

❂ letmein

❂ !@#$%^&*

❂ secret

ఎక్కువగా ఉపయోగించే, సులువుగా ఊహించగలిగే పాస్ వర్డ్ ల్లో సీక్రెట్, ఫుట్ బాట్ వంటి క్రీడ పేరు కూడా ఉండటం గమనార్హం. అన్నీ ప్రత్యేక చిహ్నాలు మాత్రమే పెట్టినా హ్యాకర్లు గెస్ చేస్తున్నారని ‘!@#$%^&*’ ద్వారా గెస్ చేయవచ్చు. కాబట్టి మీ పాస్ వర్డ్ లో అన్ని రకాలుగా బలంగా ఉండేలా చూసుకోవాలి.

​వ్యక్తిగత వివరాలు కూడా ఉంచకండి..

❂ aa123456

❂ 987654321

❂ zxcvbnm

❂ passw0rd

❂ bailey

ప్రమాదకర పాస్ వర్డ్ ల జాబితాలో తర్వాతి ఐదు స్థానాల్లో ఉన్న ఐదు పాస్ వర్డ్ లూ ఇవే. అయితే కొందరు పాస్ వర్డ్ లుగా.. తమ పేర్లు, పుట్టినరోజు, ఫోన్ నంబర్, వారి వాహన నంబర్ వంటివి పెడుతూ ఉంటారు. మీరు ఇటువంటివి పెట్టారంటే మీ వ్యక్తిగత జీవితం గురించి తెలుసుకున్న ఎవరైనా మీ పాస్ వర్డ్ ను గెస్ చేయవచ్చు.

​shadowను కూడా నమ్మలేం..

❂ nothing

❂ shadow

❂ 121212

❂ biteme

❂ ginger

ఈ జాబితాలో ఉన్న పాస్ వర్డ్ ల్లో ఆఖరి ఐదూ ఇవే. nothing, shadow, ginger వంటి సాధారణ పదాలను కూడా పాస్ వర్డ్ లుగా ఉపయోగించేస్తున్నారు. వాటిని ఉపయోగించడం కూడా అంత మంచిది కాదు. కాబట్టి ఇక్కడ పేర్కొన్న టాప్-50 పాస్ వర్డ్ ల్లో మీ పాస్ వర్డ్ ఉంటే వెంటనే మార్చుకోండి. ఎవ్వరూ ఊహించలేని విధంగా ఉండే బలమైన పాస్ వర్డ్ ను పెట్టుకోండి. ఫోన్ ను ఎప్పుడూ దగ్గర ఉంచుకునే వారయితే ఓటీపీ ద్వారా లాగిన్ అయ్యే ఆప్షన్ ను ఎనేబుల్ చేసుకోండి. ఈ జాగ్రత్తలు పాటిస్తే మీరు ప్రశాంతంగా మీ సోషల్ లైఫ్ ను గడవచ్చు.




Please Read Disclaimer