TeluguNow.com Telugu cinema news, Movie reviews, Telugu Movies Updates, OTT News, OTT Release dates, Latest Movie reviews in Telugu, Swathi weekly, Telugu cinema reviews, telugu movie reviews, Telugu Actress Photos, Telugu Movie HQ Photos, Tollywood, Box office collections, Telugu Movie show times, Theater List, telugu cinema tickets
ఆన్‌లైన్‌లో అమ్మే కొన్ని ఉత్పత్తులు చాలా విచిత్రం, వింతగా ఉంటాయి. వీటిలో కొన్ని ఎబ్బెట్టు కలిగించే ‘అడల్ట్’ వస్తువులు కూడా ఉంటాయి. ఈ నేపథ్యంలో ప్రముఖ ఆన్‌లైన్ సంస్థ ‘అమెజాన్’ ఇటీవల అందుబాటులోకి తెచ్చిన ఈ ప్రొడక్ట్ గురించి తెలిస్తే తప్పకుండా ముక్కున వేలు వేసుకుంటారు. ఎందుకంటే.. ఇది అలాంటి ఇలాంటి ప్రొడక్ట్ కాదు, ఫేక్ వర్జినీటీ కోసం వాడే ఉత్పత్తి.
తొలిసారి సెక్స్‌లో పాల్గొనే మహిళకు యోని నుంచి రక్తం వస్తే.. ఆమె కన్యగా నిర్ధరించే అంధ విశ్వాసం ఈ సమాజంలో ఉంది. దీనిపై ఎన్నో వాదనలు కూడా ఉన్నాయి. ఇది చాలామంది మహిళలకు సమస్యలను సృష్టిస్తుంది. పెళ్లికి ముందు యువతికి కన్యత్వ పరీక్షలు నిర్వహించే ట్రెండ్ కూడా మొదలైంది.
మధ్యతరగతి కుటుంబాల్లో కన్యత్వాన్ని చాలా సీరియస్‌గా భావిస్తారు. ఒక వేళ ఆ యువతి అత్యాచారానికి గురైతే.. ఆమె ‘కన్యత్వం’ పోయిందని బాధపడతారు. నేరం ఆమెదే అన్నట్లుగా భావిస్తారు. రోజులు మారుతున్నా.. ప్రజల్లో ఈ ఆలోచనలు మాత్రం మారడం లేదు. ఇది కేవలం ఇండియాలోనే కాదు.. ప్రపంచవ్యాప్తంగా ఉంది.
ఈ నేపథ్యంలో అమేజాన్ అందుబాటులోకి తెచ్చిన ఈ i-Virgin – Blood for the First Night (ఐ-వర్జిన్ – బ్లడ్ ఫర్ ది ఫస్ట్ నైట్) అనే ఉత్పత్తిని ఆన్‌లైన్‌లో ఉంచింది. ఇందులో నాణ్యమైన బ్లడ్ పవర్ ఉంటుందని, దీని వల్ల ఎలాంటి సైడ్ ఎఫెక్టులు ఉండవని, సర్జరీ అవసరం లేకుండానే దీన్ని ఉపయోగించవచ్చని పేర్కొంది. దీన్ని తొలిరాత్రిలో వాడితే యోని నుంచి ‘ఫేక్ బ్లడ్’ కారుతుందని తెలిపింది.
దీంతో ఈ ఉత్పత్తిపై ఆన్‌లైన్‌లో భారీ చర్చే జరుగుతోంది. కొంతమంది దీనిపై విమర్శలు గుప్పిస్తుంటే.. కొందరు మాత్రం సమర్దిస్తున్నారు. ‘‘రక్తం కారితేనే కన్య అని భావించేవారి మైండ్ సెట్ మార్చడం కంటే ఈ ఉత్పత్తి వాడటమే బెటర్’’ అని పలువురు కామెంట్లు చేస్తున్నారు. ఇంకొందరు.. ‘‘ఇలాంటి ఉత్పత్తిని అమ్మడమంటే.. రక్తం కారితేనే కన్య అనే విషయాన్ని బలపరిచినట్లవుతుంది’’ అని వాదిస్తున్నారు.
ఇది గుర్తుంచుకోండి: వాస్తవానికి.. మహిళ తొలిసారి సెక్స్ చేసినప్పుడు యోనిలో ఉండే ‘హైమన్’ అనే పొర చిరిగి రక్తం వస్తుంది. కానీ, అది అందరిలో సాధ్యం కాదని, కొంతమందికి మాత్రమే అలా జరుగుతుందని వైద్యులు తెలిపారు. అలా జరగనంత మాత్రాన ఆ యువతి కన్య కాదని అనుమానించడం సరికాదని స్పష్టం చేశారు. కొందరికి పుట్టుక నుంచే హైమన్ పొర ఉండదన్నారు. ఒక వేళ ఆ పొరతో పుట్టినా.. ఆటలాడేప్పుడు లేదా మరేదైనా సందర్భంలో ఆ పొర చిరిగిపోవచ్చని తెలిపారు. అలాంటి మహిళలకు తొలిరాత్రి రక్తం కారదని వివరించారు. చూశారుగా, తొలిరాత్రిలో ‘రక్తం’ కారడంపై ఎలాంటి పిచ్చి ఆలోచనలు పెట్టుకోకుండా హాయిగా సంసారం చేయండి. ఇలాంటి అపనమ్మకం ఉన్నవారికి ఈ విషయాన్ని బోధించి కళ్లు తెరిపించండి.
