టమాటతో ఇలా చేస్తే చాలు మీ ముఖం మెరిసిపోతుంది..

అందంగా మారాలని అందరికీ ఉంటుంది. దీనికోసం ఎంతో ఖర్చు పెడతారు. ఖరీదైన క్రీమ్స్ వాడతారు. ఎన్నెన్నో టిప్స్ వాడతారు. ఇలాంటి వాటి కంటే కొన్ని ఇంటి చిట్కాలు వాడడం వల్ల ఎంతో అందంగా తయారవ్వొచ్చు. అందులో ఒకటే టమాట.. దీన్ని ఉపయోగించి ఎలా అందంగా తయారవ్వొచ్చో తెలుసుకుందాం..

​ముఖానికి టమాట..

టమాటాలో విటమిన్ సి ఎక్కువగా ఉంటుంది. చర్మ రంగుని మెరుగుపరచడంలో మేలు చేస్తుంది. దీన్ని ఉపయోగించడం వల్ల ముఖంపై మచ్చలు, మొటిమలు వంటి సమస్యలన్నీ దూరం అవుతాయి. ఇందుకోసం కొన్ని ప్యాక్స్ వాడొచ్చు. అవేంటో ఇప్పుడు చూద్దాం..

​టమాటా హనీ ప్యాక్..

ముందుగా రెండు చెంచాల టమాట గుజ్జు తీసుకోవాలి.. ఇందులో కాస్తా తేనె కలపాలి.. ఇలా తయారైన మిశ్రమాన్ని ముందుగా ముఖం, మెడని శుభ్రం చేసుకుని ముఖంపై రాయాలి. ఈ ప్యాక్ ఆరిన తర్వాత చల్లని నీటితో కడగాలి. ఇలా చేయడం వల్ల చర్మానికి తగినంత తేమ అందుతుంది.

​టమాట శనగపిండి ప్యాక్..

కాసింత శనగపిండిని తీసుకుండి అందులో ఇప్పుడు టమాట గుజ్జుని అందులో కలపాలి. మెత్తని పేస్ట్‌లా చేసుకోవాలి. ఇలా తయారైన ప్యాక్‌ని ముఖానికి పూతలా వేయాలి. ఆరిన తర్వాత నీళ్లు చల్లుకుంటూ స్క్రబ్‌లా చేస్తూ క్లీన్ చేసుకోవాలి. ఇలా చేయడం వల్ల ముఖం తాజాగా మారుతుంది. ముఖ రంగుని మెరుగుపరచడంలో ఈ ప్యాక్ బాగా పనిచేస్తుంది.

ఓపెన్ పోర్స్ సమస్య ఉన్నవారు..

అదే విధంగా ఓపెన్ పోర్స్ సమస్య ఉన్నవారు కాస్తా ముల్తానీ మట్టి తీసుకోండి. అందులో టమాట జ్యూస్ వేసి బాగా కలపండి. ఇలా తయారైన ప్యాక్‌ని ముఖంపై వేసుకోండి.. చల్లని నీటితో కడగండి.. ఇలా చేయడం వల్ల చాలా వరకూ తగ్గుతుంది.

​ట్యాన్‌ని తగ్గిస్తుంది..

ఎండకు కమిలిన చర్మాన్ని తిరిగి అందంగా మార్చడంలో టమాటా బాగా పనిచేస్తుంది. కొద్దిగా టమాట రసం తీసుకుని అందులో కాస్తా మజ్జిగ కలిపి ఆ మిశ్రమాన్ని ముఖానికి రాయాలి. కాస్తా ఆరిన తర్వాత చల్లని నీటితో కడిగితే మంచి ఫలితం ఉంటుంది. దీన్ని రాయడం వల్ల ట్యాన్ సమస్య తగ్గుతుంది.

​టమాట గుజ్జుతోనూ అందమే..

టమాట గుజ్జులో ఏం కలపకుండా అది మాత్రమే ముఖం, మెడకు రాసి ఆరిన తర్వాత కడిగినా మంచి ఫలితముంటుంది. ఇది నేచురల్ రెమిడీ కాబట్టి ఎప్పుడైనా ట్రై చేయొచ్చు. దీని వల్ల ఎలాంటి సైడ్ ఎఫెక్ట్స్ ఉండవు. ఇలా చేయడం వల్ల కేవలం మచ్చలు తగ్గడమే కాకుండా.. అందంగా మొటిమల సమస్య కూడా తగ్గుతుంది.

​టమాటని స్క్రబ్‌లా..

అదే విధంగా వారానికి ఓ సారి స్క్రబ్‌లా ఉపయోగించండి. దీని వల్ల ముఖంపై ఉన్న మృతకణాలన్నీ తొలగిపోయి ముఖం అందంగా మారుతుంది. ఇందుకోసం ముందుగా టమాట గుజ్జుని తీసుకుని దానికి కాస్తా పంచదార కలపండి.. దీన్ని తీసుకుని ముఖంపై స్క్రబ్ చేయాలి. ఇలా చేయడం వల్ల బ్లాక్‌హెడ్స్, మృతకణాలన్నీ తొలగిపోతాయి.

​యంగ్‌గా మార్చడంలోనూ టమాటా..

ముఖం సాగినట్లుగా అనిపిస్తుంది. ఆ సమస్యని కూడా తగ్గించేందుకు టమాట బాగా ఉపయోగపడుతుంది. ఇందుకోసం ఆలివ్ ఆయిల్, టమాట గుజ్జుని సమపాళ్లలో కలిపి ముఖానికి పట్టించి ఆరిన తర్వాత నీటితో కడిగాలి. ఇలా చేయడం వల్ల చర్మం బిగుతుగా మారుతుంది.

Related Images: