బర్త్ డే రోజు జగన్‌ ట్విట్టర్‌లో టాప్ ట్రెండింగ్, టీడీపీ పనేనా!

ఆంధ్రప్రదేశ్ ముఖ్యమంత్రి వైఎస్ జగన్ నేడు (డిసెంబర్ 21) 47వ పుట్టిన రోజు జరుపుకొంటున్నారు. ఈ సందర్భంగా ప్రధాని మోదీతో పాటూ ప్రముఖులు శుభాకాంక్షలు తెలియజేశారు. మరోవైపు ముఖ్యమంత్రి వైఎస్‌ జగన్‌మోహన్‌రెడ్డి జన్మదిన వేడుకలను అభిమానులు ఘనంగా నిర్వహిస్తున్నారు. వైఎస్సార్‌సీపీ ఆధ్వర్యంలో సేవా కార్యక్రమాలు చేపట్టారు. అలాగే సోషల్ మీడియాలో కూడా జగన్‌కు శుభాకాంక్షలు వెల్లువెత్తుతున్నాయి. కానీ బర్త్ డే రోజు జగన్‌కు ట్విట్టర్‌లో ఊహించని పరిస్థితి ఎదురైంది. #HBDApCm ఉండాల్సింది పోయి.. #HBDFakeCM అంటూ ట్వీట్లు హోరెత్తిస్తున్నాయి.

#HBDFakeCM అంటూ హ్యాష్ ట్యాగ్ ట్విట్టర్‌లో మోత మోగుతోంది. టీడీపీ, జనసేన పార్టీ కార్యకర్తలు.. కొంతమంది నెటిజన్లు ఈ ట్వీట్లు చేస్తున్నారు. ఈ హ్యాష్ ట్యాగ్ ట్విట్టర్‌లో టాప్ ట్రెండింగ్‌లో ఉండటంతో అందరూ అవాక్కవుతున్నారు. ఈ హ్యాష్ ట్యాగ్‌తో ట్వీట్లు వస్తూనే ఉన్నాయి. మరోవైపు ఇదంతా ప్రతిపక్ష పార్టీల కుట్రని వైఎస్సార్‌సీపీ కార్యకర్తలు, జగన్ అభిమానులు మండిపడుతున్నారు. ఒక రాష్ట్రానికి ముఖ్యమంత్రిని ఇలా అవమానపరుస్తారా అంటూ ఆగ్రహం వ్యక్తం చేస్తున్నారు.
Adv: అమెజాన్‌లో దుస్తులు & ఫుట్‌వేర్ సేల్ | 80% వరకు తగ్గింపు

అసలు ఏంటీ #FakeCm
టీడీపీ అధినేత చంద్రబాబు ఇటీవల, ముఖ్యంగా అసెంబ్లీ సమావేశాల సమయంలో వరుసగా ప్రెస్‌మీట్లు నిర్వహించారు. ఫేస్ సీఎం అంటూ జగన్‌పై నిప్పులు చెరిగారు. అదే పదాన్ని పదే, పదే ప్రస్తావిస్తున్నారు. వైఎస్సార్‌సీపీ కూడా బాబుకు గట్టిగానే కౌంటర్ ఇచ్చింది. అయినా ఫేస్ సీఎం అంటూ టీడీపీ కార్యకర్తలు సోషల్ మీడియాలో వైరల్ చేస్తున్నారు. ఏకంగా సీఎం జగన్ పుట్టిన రోజు నాడు ఇలా #HBDFakeCM అంటూ షాకిచ్చారు.