BB4 : మరో రెండు ఇంట్రెస్టింగ్ పేర్లు

తెలుగు బిగ్ బాస్ కౌంట్ డౌన్ మొదలయ్యింది. వారం లేదా రెండు వారాల్లోనే ఈ షో మొదలయ్యే అవకాశం ఉంది. నాగార్జున ప్రోమో ఇప్పటికే ప్రేక్షకుల ముందుకు వచ్చింది. ఇక ముందు రాబోతున్న ప్రోమోలో డేట్ ను అనౌన్స్ చేసే అవకాశం ఉంది. ఇప్పటికే కంటెస్టెంట్స్ జాబితా దాదాపుగా ఫైనల్ అయినట్లే అంటున్నారు. గత మూడు సీజన్ లతో పోల్చితే ఈ సీజన్ లో కంటెస్టెంట్స్ చాలా విభిన్నంగా ఉంటారని చెబుతున్నారు. ఎక్కువగా వివాదాలు ఉండేలా ప్లాన్ చేసి మరీ కంటెస్టెంట్స్ ను బిగ్ బాస్ కోసం ఎంపిక చేశారట.

ఇప్పటి వరకు ఎన్నో పేర్లు ప్రచారం జరిగాయి. వాళ్లలో కొందరు మౌనంగా ఉంటే మరికొందరు మాత్రం తాము బిగ్ బాస్ కు వెళ్లడం లేదు అంటూ క్లారిటీ ఇచ్చారు. మౌనంగా ఉన్న వాళ్లు అంతా వెళ్తున్నారా అంటే అది కూడా క్లారిటీ లేదు. ఈ సమయంలోనే మరో రెండు ఇంట్రెస్టింగ్ పేర్లు వినిపిస్తున్నాయి. క్యారెక్టర్ ఆర్టిస్టుగా ఎన్నో సినిమాలు చేసి సోషల్ మీడియాలో హాట్ ఆంటీ అంటూ పిలిపించుకుంటున్న నటి సురేఖ వాణి ఈ సీజన్ లో ఒక కంటెస్టెంట్ గా ఉండబోతుందని అంటున్నారు.

ఈమద్య కాలంలో సోషల్ మీడియాలో సురేఖ వాణి తన కూతురుతో కలిసి చేస్తున్న సందడి అంతా ఇంతా కాదు. ఆ కారణంగానే ఆమెను ఎంపిక చేశారేమో అంటున్నారు. ఇక బుల్లి తెరపై సమంత స్థాయి క్రేజ్ ను దక్కించుకున్న ముద్దుగుమ్మ సమీరా. ఎప్పుడైతే ఈమె పెళ్లి చేసుకుందో అప్పటి నుండి సీరియల్స్ లో కనిపించడం కాస్త తక్కువ అయ్యింది. ఆమద్య అదిరింది కామెడీ షో యాంకర్ గా వ్యవహరించింది. ఆ తర్వాత కొన్ని షోల్లో కనిపించింది.

ఇక అత్త సనతో కలిసి రెగ్యులర్ గా యూట్యూబ్ లో వీడియోలో అలరిస్తున్న సమీరా బిగ్ బాస్ కు ఎంపిక అయ్యిందట. వీరిద్దరు వారి వారి రంగాల్లో మంచి గుర్తింపు దక్కించుకున్న వారు. ప్రేక్షకుల్లో మంచి ఆధరణ దక్కించుకున్న వారు. కనుక ఖచ్చితంగా వీరిద్దరు కూడా షోకు గ్లామర్ ను తెచ్చి పెడతారంటూ అంతా నమ్మకంగా చెబుతున్నారు.

Related Images: