బియ్యం కడిగిన నీరు వాడితే జుట్టు పెరుగుతుందా..

0

అందం కోసం చాలా మంది తాపత్రయపడుతుంటారు. అందుకోసం ఏవేవో ప్రయత్నాలు చేస్తుంటారు. జుట్టు విషయంలోనూ అంతే. జుట్టు రాలడం, డ్రైగా మారడం ఇలాంటి సమస్యలు ఉంటాయి. వీటి నుంచి తప్పించుకోవాలంటే కేవలం కెమికల్స్ ఉన్న ప్రొడక్ట్స్‌ని వాడడం మాత్రమే కాదు.. కొన్ని ఇంటి చిట్కాలను కూడా వాడొచ్చు. ఈ నేపథ్యంలోనే ప్రజెంట్ నెట్టింట్లో ఓ టిప్ తెగ వైరల్ అవుతుంది.

బియ్యం కడిగిన నీటిని పారేస్తుంటారు. కానీ, దీని వల్ల ఎన్నో ఉపయోగాలు ఉన్నాయి.. అదే విధంగా గంజి నీరు కూడా అంతే మంచి ఎఫెక్ట్ ఉంటుంది. బియ్యం నీటితో కడిగి ఆ నీటిని ముఖానికి, జుట్టుకి రాయడం వల్ల అద్భుత ప్రయోజనాలు ఉన్నాయి. అదే విధంగా.. బియ్యంలోనే ఎక్కువ నీరు పోసి కాస్తా ఉడికిన తర్వాత నీటిని వంపేస్తారు. ఆ వంపిన నీటినే గంజి అంటారు. అసలు ఇందులోనే అనేక పోషక విలు ఉంటాయి. అందుకే వెనుకటి రోజుల్లో చాలా మంది గంజి తాగే బతికేవారు. కానీ, రాను రాను ఆ గంజి వాడకం చాలా తగ్గిపోయింది. ఒకప్పుడు గంజిని షాంపూ, బట్టలకి కండీషనర్‌గా వాడేవారు. కానీ, ఇప్పుడు ఆ పరిస్థితి లేదు.

ఈ గంజిని జుట్టుకి, ముఖానికి రాయడం వల్ల ఎన్నో లాభాలు ఉన్నాయి. గంజిలో ఇనోసిటోల్ అనే కార్బోహైడ్రేట్ ఉంటుంది. ఇది జుట్టుకి రాయడం వల్ల జుట్టు రాలే సమస్యల తగ్గుతుంది. ఇందులోని అమైనో ఆమ్లాలు కుదుళ్ళని బలంగా చేస్తాయి. ఇక ఈ గంజిలో కొన్ని ఎసెన్షియల్ ఆయిల్స్‌ని కూడా కలిపి రాయొచ్చు. వాటి వల్ల కూడా ఎన్నో లాభాలు ఉన్నాయి.

ఇక ముఖంపై మొటిమలు, మచ్చలు, ముడతల వంటివి ఉంటే వాటిపై ఈ గంజి నీటిని రాయడం వల్ల మంచి ఉపయోగాలు ఉంటాయి. దీనిని ఓ స్ప్రే బాటిల్‌లో పోసి అప్పుడప్పుడు స్ప్రే చేస్తుండాలి. దీని ముఖం ఫ్రెష్‌గా ఉంటుంది. ఇక గంజి నీటిలో కాస్తా పసువు వేసి ఆ నీటిని దూదితో అద్దుకుంటూ ఉండాలి. ఇలా చేయడం వల్ల మొటిమలు, మచ్చలు అన్ని దూరం అవుతాయి. అంతేకాకుండా ముఖం కూడా కాంతి వంతంగా కనిపిస్తుంది. ఇలా చేయడం వల్ల చర్మవ్యాధులు దూరం అవుతాయి. అందాన్ని మెరుగుపరుచుకోవడంలో దీనికి మించినది లేదని చెబుతున్నారు నిపుణులు.