సినిమా థియేటర్లలో 100% ఆక్యుపెన్సీకి అనుమతులిస్తూ జీవో..!

కరోనా మహమ్మారి కారణంగా సినీ పరిశ్రమ తీవ్రంగా నష్టపోయింది. దాదాపు తొమ్మిది నెలలు పాటు అన్ని షూటింగ్స్ నిలిచిపోయాయి. అయితే ఇప్పుడు షూటింగ్స్ తిరిగి స్టార్ట్ అవడంతో పాటు 50 శాతం సీటింగ్ ఆక్యుపెన్సీతో థియేటర్స్ లో సినిమాలు ప్రదర్శిస్తున్నారు. అయితే 50 శాతం థియేటర్ ఆక్యుపెన్సీతో నష్టాలు వచ్చే అవకాశం ఉందని.. ఆ పరిమితిని వంద శాతానికి పెంచితే బాగుంటుందని థియేటర్ యాజమాన్యాలు నిర్మాతలు ఎగ్జిబిటర్స్ డిస్ట్రిబ్యూటర్స్ కోరుకున్నారు. కానీ సంక్రాంతికి వచ్చిన సినిమాలన్నీ కూడా యాభై శాతం ఆక్యుపెన్సీతోనే నడవడంతో ఇప్పట్లో 100 శాతం ఆక్యుపెన్సీ ఉండదని అందరూ భావించారు.

అయితే ఇప్పుడు అనూహ్యంగా తెలంగాణ ప్రభుత్వం సినీ ఇండస్ట్రీకి శుభవార్త తెలిపింది. ఇకపై సినిమా థియేటర్లలో 100 శాతం సీటింగ్ ఆక్యుపెన్సీకి అనుమతి ఇస్తూ తెలంగాణ ప్రభుత్వం ఉత్తర్వులు జారీ చేసింది. కరోనా వ్యాక్సినేషన్ అందుబాటులోకి రావడంతో ప్రజలు సాదారణ జీవనానికి అలవాటు పడటంతో కేంద్ర ప్రభుత్వం ఇంతకముందే సినిమా థియేటర్స్ లో 100 శాతం కెపాసిటీకి గ్రీన్ సిగ్నల్ ఇచ్చింది. ఈ క్రమంలో ఇప్పుడు తెలంగాణా ప్రభుత్వం సినిమాస్ – థియేటర్స్ – మల్టీప్లెక్సులలో వంద శాతం ఆక్యుపెన్సీకి అనుమతులిస్తూ జీవో జారీ చేసింది. ఈ నిర్ణయంపై థియేటర్ ఓనర్స్ – ఎగ్జిబిటర్స్ – ప్రొడ్యూసర్స్ సంతోషం వ్యక్తం చేశారు.

Related Images: