కాపీ క్యాట్ అని ట్రోల్ చేస్తున్నా క్రేజీ ఆఫర్స్ అన్నీ అతనికే..!

ప్రస్తుతం సౌత్ ఇండస్ట్రీలో మ్యూజిక్ డైరెక్టర్ ఎస్.ఎస్. తమన్ ఫుల్ స్వింగ్ లో ఉన్నాడు. ‘కిక్’ సినిమాతో మ్యూజిక్ వరల్డ్ లో కొత్త సౌండింగ్ కి నాంది పలికిన థమన్.. తక్కువ కాలంలోనే స్టార్ మ్యూజిక్ డైరెక్టర్ గా గుర్తింపు తెచ్చుకున్నాడు. మ్యూజిక్ తో పాటు థమన్ బ్యాగ్రౌండ్ మ్యూజిక్ కూడా అదరగొడతాడు అనే పేరు తెచ్చుకున్నాడు. 2020 సంక్రాంతికి ‘అల వైకుంఠపురములో’ సినిమాకి బ్లాక్ బస్టర్ ఆల్బమ్ అందించి ఆ సినిమా విజయంలో మేజర్ రోల్ ప్లే చేసిన థమన్.. ఆ ఏడాదిని ‘సోలో బ్రతుకే సో బెటర్’ తో ముగించాడు. అయితే బ్లాక్ బస్టర్ ఆల్బమ్స్ ఇస్తున్నా థమన్ మీద ‘కాపీ క్యాట్’ అనే ముద్ర మాత్రం తొలగిపోవడం లేదు. థమన్ కంపోజ్ చేసే ప్రతి పాటకు ఒరిజినల్ ఇదేనంటూ సోషల్ మీడియాలో ఓ రేంజ్ లో ట్రోల్ చేస్తుంటారు. అయినప్పటికీ క్రేజీ ఆఫర్స్ తో థమన్ మోస్ట్ వాంటెడ్ మ్యూజిక్ డైరెక్టర్ గా కొనసాగుతున్నాడు.

ప్రస్తుతం తెలుగు తమిళ కన్నడ మలయాళ భాషల్లో కలిపి థమన్ డజను సినిమాలకు మ్యూజిక్ కంపోజ్ చేస్తున్నాడు. ముందుగా ఈ సంక్రాంతికి మాస్ మహారాజ్ రవితేజతో కలిసి ‘క్రాక్’ సినిమాతో రాబోతున్నాడు. ఇప్పటికే విడుదలైన ‘క్రాక్’ సాంగ్స్ మంచి రెస్పాన్స్ తెచ్చుకున్నాయి. అలానే పవర్ స్టార్ పవన్ కళ్యాణ్ రీ ఎంట్రీ మూవీ ‘వకీల్ సాబ్’ కి కూడా థమన్ స్వరాలు అందించారు. ఇప్పటికే విడుదలైన ‘మగువా మగువా’ సాంగ్ సూపర్ హిట్ అయింది. త్వరలోనే ఈ సినిమా ప్రేక్షకుల ముందుకు రానుంది. దీంతో పాటు పవన్ కళ్యాణ్ – రానా కలిసి నటించబోతే ‘అయ్యప్పనుమ్ కోశీయుమ్’ తెలుగు రీమేక్ కి కూడా మ్యూజిక్ డైరెక్టర్ థమనే.

సూపర్ స్టార్ మహేష్ బాబు – దర్శకుడు పరశురామ్ కాంబినేషన్ లో తెరకెక్కుతున్న ‘సర్కారు వారి పాట’ చిత్రానికి థమన్ మ్యూజిక్ కంపోజ్ చేయనున్నాడు. ఇప్పటికే బయటకు వచ్చిన థీమ్ సాంగ్ మంచి స్పందన తెచ్చుకుంది. ఈ చిత్రం కోసం ఆల్రెడీ రెండు సాంగ్స్ రెడీ చేసాడని తెలుస్తోంది. ఇక నందమూరి బాలకృష్ణ – బోయపాటి శ్రీను కాంబినేషన్ లో వస్తున్న హ్యాట్రిక్ మూవీకి కూడా థమన్ సంగీతం సమకూరుస్తున్నాడు. ఈ చిత్రం సమ్మర్ లో విడుదల కానుంది. నేచురల్ స్టార్ నాని – శివ నిర్వాణ కలయికలో వస్తున్న ‘టక్ జగదీష్’ చిత్రానికి కూడా థమన్ మ్యూజిక్ అందిస్తున్నాడు. అలానే యంగ్ టైగర్ ఎన్టీఆర్ – త్రివిక్రమ్ శ్రీనివాస్ కాంబినేషన్ లో రాబోతున్న చిత్రానికి మ్యూజిక్ డైరెక్టర్ గా థమన్ ని తీసుకున్నారని తెలుస్తోంది.

మెగా హీరో వరుణ్ తేజ్ నటించే స్పోర్ట్స్ డ్రామా ‘బాక్సర్’ కోసం థమన్ ట్యూన్స్ రెడీ చేస్తున్నాడు. యువ సామ్రాట్ నాగచైతన్య – దర్శకుడు విక్రమ్ కె కుమార్ కాంబోలో వస్తున్న ‘థాంక్యూ’ సినిమాకి కూడా సంగీతం అందించనున్నాడు. ఇక తమిళ్ లో స్టార్ హీరో శింబు – నిధి అగర్వాల్ జంటగా నటిస్తున్న ‘ఈశ్వరన్’ సినిమాకి థమన్ స్వరాలు సమకూర్చాడు. ఈ చిత్రం పొంగల్ బరిలో దిగుతోంది. మలయాళంలో పృథ్వీరాజ్ హీరోగా నటిస్తున్న ‘కదువ’.. కన్నడలో పునీత్ రాజ్ కుమార్ నటిస్తున్న ‘యువరత్న’ సినిమాలకు మ్యూజిక్ కంపోజ్ చేస్తున్నాడు. థమన్ లైనప్ చూస్తుంటే కాపీ క్యాట్ అంటూ విపరీతంగా ట్రోల్స్ చేస్తున్నా దర్శక నిర్మాతలు అందరూ ఆయన వెంటే పడుతున్నారని తెలుస్తోంది.

Related Images: