Poco X2 Vs Realme X2: వీటిలో ఏది బెస్ట్? దీన్ని చదివి మీరే డిసైడ్ అవ్వండి!

0

పోకో నుంచి ఎప్పట్నుంచో ఎదురుచూస్తున్న పోకో ఎక్స్2 స్మార్ట్ ఫోన్ ఎట్టకేలకు మార్కెట్లోకి వచ్చేసింది. దీని ధర కేవలం రూ.15,999గానే ఉండటం విశేషం. ఈ ధరల శ్రేణిలో ప్రస్తుతం రియల్ మీ ఎక్స్2, రెడ్ మీ కే20, వివో జెడ్1ఎక్స్, శాంసంగ్ గెలాక్సీ ఏ50ఎస్ స్మార్ట్ ఫోన్లు నంబర్ వన్ ఫోన్లుగా ఉన్నాయి. మరి పోకో ఎక్స్2కు ఈ ఫోన్లు పోటీ ఇచ్చాయా? లేకపోతే చేతులెత్తేశాయా? తెలుసుకోవడానికి ఈ కథనాన్ని పూర్తిగా చదవండి!

​1. ధర విషయంలో ఏది బెస్ట్?

❂ పోకో ఎక్స్2: రూ.15,999 (6 జీబీ + 64 జీబీ), రూ.16,999 (6 జీబీ + 128 జీబీ), రూ.19,999 (8 జీబీ + 256 జీబీ)

❂ రియల్ మీ ఎక్స్2: రూ.16,999(4 జీబీ + 64 జీబీ), రూ 18,999(6 జీబీ + 128 జీబీ), రూ.19,999 (8 జీబీ + 128 జీబీ)

❂ రెడ్ మీ కే20: రూ.19,999 (6 జీబీ + 64 జీబీ), రూ. 22,999 (6 జీబీ + 128 జీబీ)

❂ వివో జెడ్1ఎక్స్: రూ.14,990 (4 జీబీ + 128 జీబీ), రూ.15,990 (6 జీబీ + 64 జీబీ), రూ.16,990 (6 జీబీ + 128 జీబీ), రూ.17,990 (8 జీబీ + 128 జీబీ)

❂ శాంసంగ్ గెలాక్సీ ఏ50ఎస్: రూ.17,999

ధర విషయానికి వస్తే.. వివో జెడ్1ఎక్స్ తక్కువ ధరతో ముందంజలో ఉంది. కానీ వివో జెడ్1ఎక్స్ లో 6 జీబీ ర్యామ్ వేరియంట్ రూ.15,990గా ఉంది. అదే వేరియంట్ ధర పోకో ఎక్స్2లో కూడా రూ.15,999కే లభిస్తుంది. కాబట్టి మీకు ఏ వేరియంట్ కావాలో ముందే జాగ్రత్తగా నిర్ణయించుకోండి!

​2. ఏ ఫోన్ ప్రాసెసర్ బాగుంది?

❂ పోకో ఎక్స్2: క్వాల్ కాం స్నాప్‌డ్రాగన్ 730G ప్రాసెసర్

❂ రియల్ మీ ఎక్స్2: క్వాల్ కాం స్నాప్‌డ్రాగన్ 730G ప్రాసెసర్

❂ రెడ్ మీ కే20: క్వాల్ కాం స్నాప్‌డ్రాగన్ 730 ప్రాసెసర్

❂ వివో జెడ్1ఎక్స్: క్వాల్ కాం స్నాప్‌డ్రాగన్ 712 ప్రాసెసర్

❂ శాంసంగ్ గెలాక్సీ ఏ50ఎస్: ఆక్టాకోర్ ఎక్సినోస్ 9611 ప్రాసెసర్

పోకో ఎక్స్2, రియల్ మీ ఎక్స్2 రెండు స్మార్ట్ ఫోన్లలోనూ క్వాల్ కాం స్నాప్ డ్రాగన్ 730G ప్రాసెసర్లను అందించారు.

​3. ర్యామ్ ఎందులో ఎక్కువగా ఉంది?

❂ పోకో ఎక్స్2: 6 జీబీ ర్యామ్, 8 జీబీ ర్యామ్ వేరియంట్లు ఉన్నాయి.

❂ రియల్ మీ ఎక్స్2: 4 జీబీ ర్యామ్, 6 జీబీ ర్యామ్, 8 జీబీ ర్యామ్ వేరియంట్లు ఉన్నాయి.

❂ రెడ్ మీ కే20: కేవలం 6 జీబీ ర్యామ్ మాత్రమే ఉంది.

❂ వివో జెడ్1ఎక్స్: కేవలం 6 జీబీ ర్యామ్ మాత్రమే ఉంది.

❂ శాంసంగ్ గెలాక్సీ ఏ50ఎస్: 4 జీబీ ర్యామ్, 6 జీబీ ర్యామ్ వేరియంట్లు ఉన్నాయి.

ఫోన్ పనితీరును మెరుగుపరిచే ర్యామ్ విషయానికి వస్తే.. పోకో ఎక్స్2, రియల్ మీ ఎక్స్2 రెండు స్మార్ట్ ఫోన్లలోనూ 8 జీబీ ర్యామ్ వరకు ఉంది.

​4. ఇంటర్నల్ స్టోరేజ్ ఎందులో ఎక్కువ ఉంది?

❂ పోకో ఎక్స్2: 64 జీబీ, 128 జీబీ, 256 జీబీ వేరియంట్లు ఉన్నాయి.

❂ రియల్ మీ ఎక్స్2: 64 జీబీ, 128 జీబీ వేరియంట్లు ఉన్నాయి.

❂ రెడ్ మీ కే20: 64 జీబీ, 128 జీబీ వేరియంట్లు ఉన్నాయి.

❂ వివో జెడ్1ఎక్స్: 64 జీబీ, 128 జీబీ వేరియంట్లు ఉన్నాయి.

❂ శాంసంగ్ గెలాక్సీ ఏ50ఎస్: కేవలం 128 జీబీ మాత్రమే.

కేవలం పోకో ఎక్స్2లో మాత్రమే 256 జీబీ వేరియంట్ అందుబాటులో ఉంది. అయితే దాన్ని కొనుగోలు చేయాలంటే రూ.19,999 వరకు పెట్టాల్సి వస్తుందన్న విషయాన్ని గుర్తుంచుకోవాలి.

​5. ఏ ఫోన్ డిస్ ప్లే ఎలా ఉంది?

❂ పోకో ఎక్స్2: 120 హెర్ట్జ్ రిఫ్రెష్ రేట్ గల 6.6 అంగుళాల ఫుల్ హెచ్‌డీ+ (2400×1080 పిక్సెల్స్) డిస్ ప్లేను ఇందులో అందించారు.

❂ రియల్ మీ ఎక్స్2: 6.4 అంగుళాల ఫుల్ హెచ్‌డీ+ సూపర్ అమోఎల్ఈడీ(AMOLED) డిస్ ప్లే(2340×1080 పిక్సెల్స్) ఇందులో ఉంది.

❂ రెడ్ మీ కే20: 6.3 అంగుళాల ఫుల్ హెచ్ డీ+ అమోఎల్ఈడీ(AMOLED) డిస్ ప్లేను(2340×1080 పిక్సెల్స్) ఈ ఫోన్ లో అందించారు.

❂ వివో జెడ్1ఎక్స్: 6.3 అంగుళాల ఫుల్ హెచ్‌డీ+ సూపర్ అమోఎల్ఈడీ(AMOLED) (2340×1080 పిక్సెల్) డిస్ ప్లే ఇందులో ఉంది.

❂ శాంసంగ్ గెలాక్సీ ఏ50ఎస్: 6.3 అంగుళాల ఫుల్ హెచ్‌డీ+ సూపర్ అమోఎల్ఈడీ(AMOLED) (2340×1080 పిక్సెల్) డిస్ ప్లే ఇందులో ఉంది.

డిస్ ప్లే విషయంలో మాత్రం నిస్సందేహంగా పోకో ఎక్స్2నే నంబర్ వన్ అని చెప్పాలి. ఎందుకంటే 120 హెర్ట్జ్ రిఫ్రెష్ రేట్ తో పాటు అన్నిటికంటే పెద్ద డిస్ ప్లే కూడా ఇందులో ఉంది.

​6. బ్యాటరీ విషయంలో ఏది నంబర్ వన్!

❂ పోకో ఎక్స్2: 4500 ఎంఏహెచ్ సామర్థ్యమున్న బ్యాటరీని ఇందులో అందించారు. 27W ఫాస్ట్ చార్జింగ్ ను ఈ ఫోన్ సపోర్ట్ చేస్తుంది.

❂ రియల్ మీ ఎక్స్2: ఈ ఫోన్ బ్యాటరీ సామర్థ్యం 4000 ఎంఏహెచ్ గా ఉంది. 30W VOOC చార్జింగ్‌ ఫీచర్ ను ఇందులో అందించారు.

❂ రెడ్ మీ కే20: దీని బ్యాటరీ సామర్థ్యం 4000 ఎంఏహెచ్ గా ఉంది. క్విక్ చార్జ్ 3.0 ఫీచర్ ను ఈ ఫోన్ సపోర్ట్ చేస్తుంది.

❂ వివో జెడ్1ఎక్స్: 4,500 ఎంఏహెచ్ సామర్థ్యమున్న బ్యాటరీని ఇందులో అందించారు.

❂ శాంసంగ్ గెలాక్సీ ఏ50ఎస్: దీని బ్యాటరీ సామర్థ్యం 4,500 ఎంఏహెచ్ గా ఉంది.

బ్యాటరీ విషయానికి వస్తే.. పోకో ఎక్స్2, వివో జెడ్1ఎక్స్ లు రెండూ 4500 ఎంఏహెచ్ బ్యాటరీతో ఉన్నాయి. రియల్ మీ ఎక్స్2లో అన్నిటికంటే ఎక్కువ ఫాస్ట్ చార్జింగ్ సపోర్ట్ ఉంది.

​7. మరి ఆపరేటింగ్ సిస్టం!

❂ పోకో ఎక్స్2: ఆండ్రాయిడ్ 10 ఆధారిత ఎంఐయూఐ 11 ఆపరేటింగ్ సిస్టంపై ఈ ఫోన్ పనిచేయనుంది.

❂ రియల్ మీ ఎక్స్2: ఆండ్రాయిడ్ 9.0 ఆధారిత కలర్ఓఎస్ 6పై ఈ ఫోన్ పని చేస్తుంది.

❂ రెడ్ మీ కే20: ఆండ్రాయిడ్ 9.0 ఆధారిత ఎంఐయూఐ 10 ఆపరేటింగ్ సిస్టంపై ఈ ఫోన్ పనిచేయనుంది.

❂ వివో జెడ్1ఎక్స్: ఆండ్రాయిడ్ 9.0 ఆధారిత ఫన్ టచ్ ఓఎస్ 9.1 ఆపరేటింగ్ సిస్టంపై ఈ ఫోన్ పనిచేయనుంది.

❂ శాంసంగ్ గెలాక్సీ ఏ50ఎస్: ఆండ్రాయిడ్ 9.0 ఆధారిత వన్ యూఐ ఆపరేటింగ్ సిస్టంపై ఈ ఫోన్ పనిచేయనుంది.

కేవలం పోకో ఎక్స్2 మాత్రమే లేటెస్ట్ ఆపరేటింగ్ సిస్టం ఆండ్రాయిడ్ 10పై పని చేయనుంది. మిగతా ఫోన్లన్నిటికీ దీనికి సంబంధించిన అప్ డేట్ రావాల్సి ఉంది.

​8. దేని సెల్ఫీ కెమెరా బెస్ట్?

❂ పోకో ఎక్స్2: 20 మెగా పిక్సెల్, 2 మెగా పిక్సెల్ సామర్థ్యమున్న రెండు కెమెరాలను ఇందులో ముందువైపు అందించారు. దీని అపెర్చర్ f/2.2గా ఉంది.

❂ రియల్ మీ ఎక్స్2: 32 మెగా పిక్సెల్ సామర్థ్యమున్న కెమెరాను అందించారు. దీని అపెర్చర్ f/2.0.

❂ రెడ్ మీ కే20: 20 మెగా పిక్సెల్ సామర్థ్యమున్న సెల్ఫీ కెమెరా ఇందులో ఉంది. దీని అపెర్చర్ f/2.2.

❂ వివో జెడ్1ఎక్స్: 32 మెగా పిక్సెల్ సామర్థ్యమున్న కెమెరాను ఇందులో సెల్ఫీ కెమెరాగా అందించారు. దీని అపెర్చర్ f/2.0గానే ఉంది.

❂ శాంసంగ్ గెలాక్సీ ఏ50ఎస్: 32 మెగా పిక్సెల్ సెల్ఫీ కెమెరాను అందించారు. దీని అపెర్చర్ f/2.0.

పోకో ఎక్స్2లో ముందువైపు రెండు కెమెరాలు ఉన్నాయి. రియల్ మీ ఎక్స్2, వివో జెడ్1ఎక్స్, శాంసంగ్ గెలాక్సీ ఏ50ఎస్ లో ఎక్కువ మెగా పిక్సెల్(32 మెగా పిక్సెల్) ఉన్న కెమెరాలు ఉన్నాయి.

​9. ప్రధాన కెమెరా ఏ ఫోన్ లో బాగుంది?

❂ పోకో ఎక్స్2: 64 మెగా పిక్సెల్ (f/1.8 అపెర్చర్) + 8 మెగా పిక్సెల్ (f/2.2 అపెర్చర్) + 2 మెగా పిక్సెల్ మాక్రో లెన్స్ + 2 మెగా పిక్సెల్ డెప్త్ లెన్స్

❂ రియల్ మీ ఎక్స్2: 64 మెగా పిక్సెల్ (f/1.8 అపెర్చర్) + 8 మెగా పిక్సెల్ (f/2.25 అపెర్చర్) + 2 మెగా పిక్సెల్ మాక్రో లెన్స్ + 2 మెగా పిక్సెల్ పొర్ ట్రెయిట్ లెన్స్

❂ రెడ్ మీ కే20: 48 మెగా పిక్సెల్ (f/1.75 అపెర్చర్) + 8 మెగా పిక్సెల్ (f/2.4 అపెర్చర్) + 2 మెగా పిక్సెల్ (f/2.4 అపెర్చర్)

❂ వివో జెడ్1ఎక్స్: 48 మెగా పిక్సెల్ (f/1.79 అపెర్చర్) + 8 మెగా పిక్సెల్ (f/2.2 అపెర్చర్) + 2 మెగా పిక్సెల్ (f/2.4 అపెర్చర్)

❂ శాంసంగ్ గెలాక్సీ ఏ50ఎస్: 48 మెగా పిక్సెల్ (f/2.0 అపెర్చర్) + 5 మెగా పిక్సెల్ (f/2.2 అపెర్చర్) + 8 మెగా పిక్సెల్ (f/2.2 అపెర్చర్)

పోకో ఎక్స్2, రియల్ మీ ఎక్స్2 స్మార్ట్ ఫోన్లు రెండిట్లో 64 మెగా పిక్సెల్ క్వాడ్ కెమెరా సెటప్ ఉంది. మిగతా వాటిలో 48 మెగా పిక్సెల్ సామర్థ్యమున్న ట్రిపుల్ కెమెరా సెటప్ ఉంది.

​10. కలర్ ఆప్షన్లు ఎందులో ఎక్కువ ఉన్నాయంటే?

❂ పోకో ఎక్స్2: మ్యాట్రిక్స్ పర్పుల్, ఫీనిక్స్ రెడ్, అట్లాంటిస్ బ్లూ

❂ రియల్ మీ ఎక్స్2: పెరల్ వైట్, పెరల్ బ్లూ, పెరల్ గ్రీన్

❂ రెడ్ మీ కే20: కార్బన్ బ్లాక్, ఫ్లేమ్ రెడ్, గ్లేసియర్ బ్లూ

❂ వివో జెడ్1ఎక్స్: ఫాంటమ్ పర్పుల్, ఫ్యూజన్ బ్లూ

❂ శాంసంగ్ గెలాక్సీ ఏ50ఎస్: ప్రిజం క్రష్ బ్లాక్, ప్రిజం క్రష్ వయొలెట్, ప్రిజం క్రష్ వైట్

ఒక్క వివో జెడ్1ఎక్స్ లో తప్ప మిగతా ఫోన్లన్నీ మూడేసి రంగుల్లో అందుబాటులో ఉన్నాయి.




Please Read Disclaimer


30రూ|| మాస్క్ కేవలం 2రూ|| కే తయారు చేసుకోండి Make your own mask for Just Rs.2/-