ఏపీకి తీవ్ర హెచ్చరిక: 10 రోజుల గ్యాప్‌లో మరో 3 తుఫాన్లు.. రెండోది మరింత తీవ్రంగా!

ఏపీ ప్రజలకు వాతావరణ శాఖ మరో హెచ్చరిక జారీ చేసింది. 10 రోజుల వ్యవధిలో మరో మూడు తుఫాన్లు వచ్చే అవకాశం ఉందని బాంబు పేల్చింది. ఈ నెల 29న బంగాళాఖాతంలో మరో అల్పపీడనం ఏర్పడే అవకాశం ఉందని వాతావరణ శాఖ పేర్కొంది. తీవ్ర వాయుగుండం కాస్తా తుఫానుగా మారే అవకాశం ఉందని హెచ్చరించింది. అలాగే డిసెంబర్‌ నెలలో మరో రెండు తుఫాన్లు వచ్చే అవకాశం ఉన్నట్లు ప్రకటించింది .

డిసెంబర్‌ 2వ తేదీన ‘బురేవి తుఫాన్’ తీవ్ర ప్రభావం చూపనుందని వాతావరణ శాఖ హెచ్చరించింది. ఉత్తర తమిళనాడు, దక్షిణ ఆంధ్రా, రాయలసీమపై దీని ప్రభావం ఎక్కువ చూపిస్తుందని అధికారులు అంచనా వేస్తున్నారు. డిసెంబర్ 5న మధ్య బంగాళాఖాతంలో ఏర్పడే అల్పపీడనంతో ‘టకేటి తుఫాన్’ ఏర్పడే అవకాశం ఉందని వాతావరణ శాఖ తెలిపింది. దీని ప్రభావంతో డిసెంబర్‌ 7న దక్షిణ తమిళనాడు, ఆంధ్రప్రదేశ్‌పై తీవ్ర ప్రభావం చూపే అవకాశం ఉందని అంచనా వేస్తున్నారు.

మరోవైపు నివర్ తుఫాన్ తీరం దాటినా ఏపీపై ప్రభావం కొనసాగుతోంది. దీని ప్రభావంతో చిత్తూరు, కడప, నెల్లూరు, ప్రకాశం జిల్లాల వ్యాప్తంగా జోరుగా వర్షాలు కురుస్తున్నాయి. అలాగే గంటకు 55- 75 కి.మీ వేగంతో ఈదురుగాలులు వీస్తున్నాయి. దీంతో ప్రజలు అప్రమత్తంగా ఉండాలని వాతావరణ శాఖ అధికారులు హెచ్చరిస్తున్నారు.

Related Images: