పోర్న్ సైట్లలో రేప్ సీన్స్ దర్శనమివ్వడంతో ప్రముఖ నటి ఆత్మహత్యాయత్నం!

ప్రముఖ మలయాళ నటి ఏడేళ్ల క్రితం నటించిన సినిమా కారణంగా ఇప్పుడు ఆత్మహత్యాయత్నానికి పాల్పడటం ఇండస్ట్రీలో కలకలం రేపింది. 2013లో ఓ మలయాళ సినిమాలో నటించిన సదరు నటి.. కథ ప్రకారం ఓ రేప్ సన్నివేశాల్లో నటించాల్సి వచ్చింది. ముందు నిరాకరించినప్పటికీ చిత్ర యూనిట్ ఒప్పించడంతో చివరకు ఆమె ఆ సన్నివేశాల్లో నటించింది. సినిమా విడుదల సమయంలో ఆమె మీద చిత్రీకరించిన రేప్ సీన్లు.. లైంగిక వేధింపుల సన్నివేశాలు చాలా వరకు ఎడిటింగ్ లో తీసేశారు. అయితే సినిమాలో లేని ఆ సన్నివేశాలు ఇప్పుడు సోషల్ మీడియాలో వైరల్ అయ్యాయి. సోషల్ మీడియాతో పాటు పోర్న్ సైట్లలో కూడా ఆ సన్నివేశాలు దర్శనం ఇవ్వడంతో ఆ నటి అవమానంతో సూసైడ్ అటెంప్ట్ చేసిందని తెలుస్తోంది. ఆసుపత్రిలో చికిత్స చేసుకుని కోలుకున్న నటి తనకు న్యాయం చెయ్యాలని కేరళ సీఎం – డీజీపీ – సైబర్ క్రైమ్ పోలీసులకు ఫిర్యాదు చేసి ఈ ఉదంతాన్ని ఓ వీడియో రూపంలో వెల్లడించింది.

నటి మాట్లాడుతూ 2013లో ఓ సినిమాలో నటించడానికి ఒప్పుకున్నానని.. తనకు అప్పుడు 14 ఏళ్లని.. ఆ సమయంలో స్కూల్ కు వెలుతున్నానని చెప్పింది. కథ రీత్యా తన మీద అత్యాచారం జరుగుతుందని.. దీంతో ఆవేదన చెందిన తన అక్క పాత్ర ఆత్మహత్య చేసుకుంటుందని.. అయితే సినిమా షూటింగ్ లో సుమారు 150 మందికి పైగా టెక్నీషియన్లు పాల్గొంటున్నారని.. అంతమంది ముందు రేప్ సీన్ లో నటించనని ఆ రోజు దర్శకుడుకి చెప్పానని పేర్కొంది. చివరకు చిత్ర యూనిట్ ఒప్పించడంతో ఆ సన్నివేశాల్లో నటించి ఇంటికి వెళ్లిపోయానని.. దర్శకుడి కార్యాలయం వద్ద తన మీద లైంగిక వేధింపుల సన్నివేశాలు చిత్రీకరించారని.. అయితే విడుదలైన తర్వాత ఆ సీన్స్ లో చాలా వరకు సినిమాలో లేవని చెప్పుకొచ్చింది. అయితే సినిమాలో లేని రేప్ సీన్స్ తాను ఇంటర్ చదువుతున్న సమయంలో సోషల్ మీడియాలో అనేక పోర్న్ సైట్లలో లీక్ అయ్యాయని.. ఆ సీన్స్ దర్శకుడు నిర్మాత ఎడిటర్ దగ్గర మాత్రమే ఉన్నాయని.. పోర్న్ సైట్లలో ఎలా లీక్ అయ్యాయని వారిని ప్రశ్నించానని.. అసలు ఎవరు నువ్వు? ఆ సీన్లు ఎలా లీక్ అయ్యాయో మాకేం తెలుసు? అంటూ ఎదురుదాడికి దిగారని నటి ఆవేదన వ్యక్తం చేసింది.

అంతేకాకుండా సోషల్ మీడియాలో ఆ సీన్స్ లీక్ అయిన తరువాత అందరూ తనను అసహ్యంగా చూస్తున్నారని.. అసభ్యకరంగా తిడుతున్నారని.. ఈ వ్యవహారంతో తనతో పాటు తన కుటుంబ సభ్యులకు కూడా అన్యాయం జరిగిందని.. 14 ఏళ్ల వయసులో తెలిసో తెలీకో అలాంటి సినిమాల్లో నటించానని.. తనకు ఊహ తెలిసినప్పటి నుంచి అలాంటి సినిమాల్లో నటించడం లేదని నటి విలిపించింది. ఈ వీడియోలు సోషల్ మీడియాలో తొలగించి.. ఆ సీన్లు సోషల్ మీడియాలో అప్లోడ్ చేసిన వారిపై కఠిన చర్యలు తీసుకుని న్యాయం చెయ్యాలని కేరళ ముఖ్యమంత్రి – డీజీపీ – సైబర్ క్రైమ్ పోలీసులకు ఫిర్యాదు చేస్తూ ఇప్పటికే తాను లేఖ రాశానని.. ప్రభుత్వం పోలీసులు తనకు న్యాయం చేస్తారని నటి తెలిపింది.

Related Images: