Templates by BIGtheme NET
Home >> Cinema News >> స్టార్ హీరోని .. అస్సలు బొమ్మాళీ వదిలి పెట్టదు కదా!

స్టార్ హీరోని .. అస్సలు బొమ్మాళీ వదిలి పెట్టదు కదా!


ఎవరో ఒకరిని ఏదో రకంగా ఆడుకోనిదే అస్సలు విడిచిపెట్టని మనస్తత్వం కంగన సొంతం. పురుషాధిక్య ప్రపంచంపైనా తనకు అన్యాయం చేసిన శత్రువులపైనా యుద్ధమే ప్రకటించింది. సోదరి రంగోలితో కలిసి నిరంతరం పోరు సాగిస్తూనే ఉంది. ఈ పోరులో ఇది పరాకాష్ట. నెపోటిజానికే మతిచెడే లా నవతరం నటి సారా అలీఖాన్ ను కూడా వదిలి పెట్టలేదు క్వీన్.

ఇక అప్పటికే పెళ్లయిన హృతిక్ తో ఎఫైర్ సాగించిన కంగన ఆ విషయాన్ని మీడియా ముందే బహిరంగంగా అంగీకరించేందుకు ఏమాత్రం మొహమాటపడదు. ఆయనతో నా ఎఫైర్ నిజం… అంటూనే ఈ గొడవలోకి సుశాంత్ – సారా ని కూడా లాగింది. కేదార్ నాథ్ జంట సుశాంత్ – సారా అలీఖాన్ ఇద్దరూ ఒకరినొకరు ప్రేమించుకున్నారు. కానీ సారా ఆ తర్వాతే మాట మార్చింది. ఒత్తిడికి తలొంచింది అంటూ డైరెక్టుగా సైఫ్ ఖాన్ – కరీనా జంటనే ఆడి పోసుకుంది. తల్లిదండ్రులు ఒత్తిడి తేవడం వల్లనే సుశాంత్ తో గదిని షేర్ చేసుకున్న సారా అలీఖాన్ ఇలా చేసింది! అంటూ ఓ నెటిజనుతో ముచ్చట్లలో నిస్సిగ్గుగానే మాట్లాడేసింది.

సుశాంత్ సింగ్- సారా వ్యవహారంపై మీడియా కథనాలెన్నో వచ్చాయి. స్పష్టంగా ఆ జంట ఆరుబయట అందరికీ తెలిసేలా ఒక గదిని షేర్ చేసుకున్నారు. ఈ ఫాన్సీ నేపోటిజం కిడ్స్ హాని కలిగిస్తూ.. బయటివారికి కలలకు దారి ఎందుకు చూపిస్తారు. వారిని బహిరంగంగా డంప్ చేస్తారు“ అంటూ కంగనా డైరెక్టుగానే సారాను టార్గెట్ చేసింది. ఫాన్సీ నేపోటిజం కిడ్ అంటూ తనని దెప్పి పొడిచింది. ఇక ఆ జంట ప్రేమాయణాన్ని కెలుకుతూ మరోసారి హృతిక్ తో తన రహస్య వ్యవహారాన్ని తానే బయట పెట్టేసింది. హృతిక్ కూడా సారా అలీఖాన్ లానే చేశాడని చెప్పేందుకు ప్రయత్నించింది. “హృతిక్ తో పంచుకున్నది ఆ సమయంలో నిజమైనది. అకస్మాత్తుగా అతను ఎందుకు ఇంత శత్రువు అయ్యాడు? అనేది ఇప్పటికీ రహస్యమే!“ అంటూ అతడిపైనా పంచ్ వేసింది క్వీన్. అస్సలు బొమ్మాళీ వదిలి పెట్టదు కదా!