అక్క‌డ ర‌జ‌నీ వెంట‌ప‌డుతుంటే చిరుని మాత్రం దూరం పెడుతున్నారా?

కోలీవుడ్ సూప‌ర్ స్టార్ ర‌జ‌నీకాంత్‌తో సినిమాలు చేయాల‌ని క్రేజీ స్టార్ డైరెక్ట‌ర్లు పోటీప‌డుతున్నారు. ఇటీవ‌లే ర‌జ‌నీతో ‘జైల‌ర్‌’ వంటి బ్లాక్‌బ‌స్ట‌ర్ హిట్‌ని అందించిన మ‌ళ్లీ ట్రాక్‌లోకి తీసుకొచ్చిన ఈ సినిమా ఆయ‌న‌లో స‌రికొత్త జోష్‌ని నింపిన విష‌యం తెలిసిందే. బాక్సాఫీస్ వ‌ద్ద రికార్డు స్థాయిలో రూ.600 కోట్ల‌మేర వ‌సూళ్ల‌ని రాబ‌ట్టింది. ఈ సినిమా అందించిన స‌క్సెస్ ఆనందంలో ఉన్న ర‌జ‌నీ అదే ఊపులో మ‌రో రెండు క్రేజీ ప్రాజెక్ట్‌ల‌ని లైన్‌లో పెట్టారు. ఇప్ప‌టికే 170ని ‘జై భీమ్’ డైరెక్ట‌ర్ టి.జె. జ్ఞాన‌వేల్ ద‌ర్శ‌క‌త్వంలో లాంఛ‌నంగా ప్రారంభించేశారు.

త్వ‌ర‌లో క్రేజీ డైరెక్ట‌ర్ లోకేష్ క‌న‌గ‌రాజ్ ద‌ర్శ‌క‌త్వంలో అత్యంత భారీ స్థాయిలో త‌లైవ‌ర్ 171 ప్రాజెక్ట్‌కు శ్రీ‌కారం చుట్ట‌బోతున్నారు. ర‌జ‌నీ ప‌రిస్థితి ఇలా ఉంటే మన మెగాస్టార్ ప‌రిస్థితి మ‌రోలా ఉంది. ఆయ‌న‌తో సినిమాలు చేయాల‌ని క్రేజీ స్టార్ డైరెక్ట‌ర్‌లు పోటీప‌డుతుంటే మ‌న మెగాస్టార్ మాత్రం ఫ్లాప్ డైరెక్ట‌ర్ల‌ని, యంగ్ డైరెక్ట‌ర్ల‌ని లైన్‌లోకి తీసుకొస్తున్నారు. ఇటీవ‌ల మెహ‌ర్ ర‌మేష్‌కు ఛాన్స్ ఇచ్చి ‘భోళా శంక‌ర్‌’తో చేతులు కాల్చుకున్న చిరు ఆ షాక్ కార‌ణంగా కాస్త విరామం తీసుకున్నారు. త్వ‌ర‌లో యంగ్ డైరెక్ట‌ర్ ‘బింబిసార‌’ ఫేమ్ మ‌ల్లిడి వ‌శిష్ట ద‌ర్శ‌క‌త్వంలో ఓ సోషియో ఫాంట‌సీ మూవీని చేయ‌బోతున్నారు.

ఇప్ప‌టికే అధికారికంగా ప్ర‌క‌ట‌న కూడా విడుద‌లైంది. దీనితో పాటు క‌ల్యాణ్ కృష్ణ కుర‌సాల ద‌ర్శ‌క‌త్వంలోనూ మ‌రో సినిమా చేయ‌బోతున్నార‌ని వార్త‌లు వినిపిస్తున్నాయి. అయితే ఇందులో ముందుగా మ‌ల్లిడి వ‌శిష్ట సినిమానే ముందు సెట్స్ పైకి వెళ్లే అవ‌కాశాలు క‌నిపిస్తున్నాయి. అయితే వీరితో పాటు చిరంజీవి ఇద్ద‌రు స్టార్ డైరెక్ట‌ర్ల‌తో క‌లిసి ప‌ని చేయ‌బోతున్నార‌నే వార్త‌లు వినిపిస్తున్నాయి. మాట‌ల మాంత్రికుడు త్రివిక్ర‌మ్‌, స్టార్ డైరెక్ట‌ర్ సుకుమార్‌ల‌తో సినిమాలు చేయ‌బోతున్నార‌ని ప్ర‌చారం జ‌రుగుతోంది. అయితే ఇది ప్ర‌చారం మాత్ర‌మేన‌ని ఇందులో ఎలాంటి నిజం లేద‌ని చిరు తాజాగా క్లారిటీ ఇచ్చారు.

ఈ ఇద్ద‌రితో పాటు బోయ‌పాటి శ్రీ‌ను కూడా చిరుతో క‌లిసి సినిమా చేయాల‌ని ఉంద‌ని కొన్నేళ్ల క్రిత‌మే ప్ర‌క‌టించారు. కానీ ఇంత వ‌ర‌కు అది కార్య‌రూపం దాల్చ‌లేదు. తాజాగా త్రివిక్ర‌మ్‌, సుకుమార్ ప్రాజెక్ట్‌ల‌పై స్పందించారు. వారితో అస‌లు చ‌ర్చ‌లే జ‌ర‌గ‌లేద‌ని, ఇప్ప‌ట్లో వారితో క‌లిసి ప‌ని చేసే అవ‌కాశం లేద‌ని స్ప‌ష్టం చేశారు. త్రివిక్ర‌మ్ ప్ర‌స్తుతం మ‌హేష్‌తో ‘గుంటూరు కారం’ చేస్తుండ‌గా, సుకుమార్ బ‌న్నీతో ‘పుష్ప 2’ చేస్తున్నారు. బ‌న్నీ త‌రువాత రామ్ చ‌ర‌ణ్‌తో సినిమా చేయ‌బోతున్నారు. ఇక త్రివిక్ర‌మ్ ‘గుంటూరు కారం’ త‌రువాత బ‌న్న‌తో భారీ పాన్ ఇండియా మూవీని చేయ‌బోతున్నాడు. అంటూ మ‌రో ఏడాదికి పైనే వీరిద్ద‌రు బిజీగా ఉంటారు. చిరు కావాల‌న్నా దొర‌క‌రు.

ఇదిలా ఉంటే త‌మిళంలో స్టార్ డైరెక్ట‌ర్లు సూప‌ర్ స్టార్ ర‌జ‌నీ, యూనివ‌ర్స‌ల్ స్టార్ క‌మ‌ల్ వెంట‌ప‌డుతుంటే మ‌న స్టార్ డైరెక్ట‌ర్లు మాత్రం మ‌న మెగాస్టార్‌ని నిర్ల‌క్ష్యం చేస్తున్నార‌ని ఫ్యాన్స్‌, సామాన్య ప్రేక్ష‌కులు సెటైర్లు వేస్తున్నారు. చిరుకు ఓ విక్ర‌మ్‌, ఓ ‘జైల‌ర్‌’ లాంటి సినిమాలు ప‌డితే ఆయ‌న క్రేజ్‌కి త‌గ్గ‌ట్టుగా ఉంటుంద‌ని, మ‌న స్టార్ డైరెక్ట‌ర్లు ఈ వైపుగా ఎందుకు ఆలోచించ‌డం లేద‌ని తెలుగు ప్రేక్ష‌కులు వాపోతున్నారు. ఇప్ప‌టికైనా మెగాస్టార్ క్రేజ్‌ని గ్ర‌హించి ఆయ‌న ఏజ్‌కు, చ‌రిష్మాకు త‌గ్గ క‌థ‌ల‌తో సంప్ర‌దిస్తార‌ని ఆశిద్దాం.

Related Images: