చరణ్ ఇవ్వబోతున్న సడెన్ ట్విస్టు ఇదే

మెగా పవర్ స్టార్ రామ్ చరణ్ నటిస్తున్న ప్రతిష్టాత్మక చిత్రం RRR కోసం అభిమానులు పడిగాపులు పడుతున్నారు. కోవిడ్ వల్ల షూటింగ్ తో పాటు రిలీజ్ ఆలస్యమవుతోంది. చిత్రీకరణ ముగించినా భారీ గా గ్రాఫిక్స్ పనులు చేయాల్సి ఉంటుంది. ఇక ఈ మూవీతో పాటు ఆచార్య చిత్రీకరణ ఆలస్యమవ్వడం చరణ్ కి ఇబ్బందికరంగా మారింది.

అయితే ఆ రెండిటినీ మరిపించేలా మరో కొత్త ప్రకటన చరణ్ నుంచి రాబోతోందా? అంటే అవుననే సమాచారం. ఇప్పటికే చిరంజీవి కథానాయకుడిగా పలు రీమేక్ లపై ఆలోచిస్తున్న చరణ్ తదుపరి తాను నటించే సినిమా విషయమై ప్రకటన చేయనున్నారట. అదేమిటి అంటే…!

రామ్ చరణ్ – వెంకి కుడుముల ప్రాజెక్ట్ గురించి చాలా కాలంగా వార్తలు వస్తున్నా దానికి సంబంధించిన అధికారిక ప్రకటన ఇప్పటివరకూ రాలేదు. కానీ ఇక ఆ సస్పెన్స్ కి తెర దించేసే సమయం ఆసన్నమైందని తెలుస్తోంది. దసరాకి ఈ సినిమాని అధికారికంగా ప్రకటిస్తారట. అయితే అంతకుముందే రికార్డింగ్ కార్యక్రమాలు మొదలెట్టే వీలుందని గుసగుసలు వినిపిస్తున్నాయి. ఇక చెర్రీతో వెంకి కుడుముల అలయెన్స్ ఇప్పటిది కాదు. ఇంతకు ముందు రామ్ చరణ్ నటించిన రీమేక్ మూవీ `తుఫాన్` రచయితలలో ఒకరిగా పనిచేశారు. ఛలో హీరో నాగశౌర్యతో వెంకీ కుడుముల గొడవ పడినా కానీ ఆ తర్వాత భీష్మతో అన్నిటినీ చెరిపేశాడు. ఇప్పుడు చరణ్ తో ఆఫర్ ని ఖాయం చేసుకున్నాడు. దసరా కి ప్రకటించేస్తే అతడు మరో మెట్టు పైకి ఎక్కేసినట్టే.