ప్రియురాలితో పెళ్లికి రెడీ అయిన శర్వానంద్

0

కరోనా కారణంగా గత నాలుగు నెలలుగా ఇంట్లోనే ఉంటున్న మన టాలీవుడ్ యంగ్ హీరోలు మెల్లగా తమ తమ లైఫ్ పార్ట్‌నర్స్ వేటలో పడుతున్నారు. ఇక బ్యాచిలర్ లైఫ్‌కి ఫుల్‌స్టాప్ పెట్టేసి పెళ్లి పీటలెక్కాలని ఫిక్సవుతున్నారు. ఈ క్రమంలోనే యువ హీరోలంతా ఒక్కొక్కరుగా మోస్ట్ ఎలిజిబుల్ బ్యాచిలర్ గ్రూప్ నుంచి బయటపడుతుండటం చూస్తూనే ఉన్నాం. ఇప్పటికే నిఖిల్, నితిన్, దగ్గుబాటి రానా పెళ్లి చేసుకొని కొత్త బాధ్యతలు స్వీకరించగా.. ఇప్పుడు అదే బాటలో మరో యంగ్ హీరో శర్వానంద్ వెళ్ళబోతున్నారట. అదేనండీ.. మనోడి పెళ్లికి ఏర్పాట్లు మొదలయ్యాయనేది లేటెస్ట్ టాక్.

గత 16 ఏళ్లుగా సినీ కెరీర్ కొనసాగిస్తూ వరుస సినిమాలు చేస్తున్న శర్వానంద్ వయస్సు ప్రస్తుతం 36 సంవత్సరాలు. ఈ క్రమంలో కుటుంబ సభ్యులు, సన్నిహితుల సలహా మేరకు శర్వానంద్ పెళ్లికి రెడీ అయ్యారని తెలుస్తోంది. అయితే ఇక్కడ ఆసక్తికర విషయమేమిటంటే.. శర్వా చేసుకోబోయేది తన చిన్ననాటి స్నేహితురాలినే. గత కొన్నేళ్లుగా ఆమెతో ప్రేమలో ఉన్న శార్వానంద్.. ఈ విషయాన్ని ఇరు కుటుంబాల పెద్దల వద్దకు తీసుకెళ్లి అందరి అంగీకారం పొందారట. ఇలా మొత్తం లైన్ క్లియర్ చేసుకున్న ఆయన ఇక పెళ్లికి ముహూర్తం వెతికే పనిలో ఉన్నారని సమాచారం.

ఇకపోతే శర్వానంద్ చేసుకోబోయే ఆ అమ్మాయి మ‌హిళా పారిశ్రామిక‌వేత్త‌ అని తెలుస్తుండటం ఆసక్తి రేకెత్తిస్తోంది. ఆమె ఇప్పటికే బిజినెస్‌లో సెటిల్ అయ్యారని, యువ మహిళా వ్యాపారవేత్తగా పేరు కూడా తెచ్చుకున్నారని టాక్. శర్వా సినిమాల విషయానికొస్తే.. ప్రస్తుతం ‘శ్రీకారం’ మూవీ చేస్తున్నారు. ఈ సినిమా షూటింగ్ చివరి దశలో ఉంది. మరోవైపు అజయ్ భూపతి, కిషోర్ తిరుమల దర్శకత్వంలో సినిమాలు చేసేందుకు కమిట్ అయ్యాడు.