‘పుష్ప’ పక్కన చిందులేసే ఆ బ్యూటీ ఎవరు…?

Who is dance for Special Number in Allu Arjun Pushpa Movie

స్టైలిష్ డైరెక్టర్ సుకుమార్ ప్రతి సినిమాలో ఒక ఐటమ్ సాంగ్ ఉండేలా చూసుకుంటాడు. ఐటమ్ సాంగ్ ఉంటే ఆ సినిమా హిట్టే అనే లెక్కలు వేస్తుంటాడు ఈ లెక్కల మాస్టర్. ఒక్క ‘నాన్నకు ప్రేమతో’ సినిమాలో తప్ప సుక్కు ప్రతి సినిమాలో ప్రత్యేక గీతం ఉంది. సినిమా రిజల్ట్ ఎలా ఉన్నా ఐటమ్ సాంగ్ మాత్రం ఓ రేంజ్ లో హిట్ అవుతుంది. ఫస్ట్ సినిమా ‘ఆర్య’లో ‘అ అంటే అమలాపురం’.. జగడం సినిమాలో ’36 24 36′.. ‘ఆర్య 2’ లో ‘రింగ రింగా’.. ‘100% లవ్’ లో ‘డియాలో డియాలా’.. వన్ నేనొక్కడినే లో ‘లండన్ బాబూ లండన్ బాబూ’.. ‘రంగస్థలం’ సినిమాలో ‘జిల్ జిల్ జిగేలు రాణి’ సాంగ్స్ ఎంత పాపులర్ అయ్యాయో ప్రత్యేకంగా చెప్పాల్సిన అవసరం లేదు.

కాగా ఈ ఐటమ్ సాంగ్స్ కంపోజ్ చేసిన దేవిశ్రీ ప్రసాద్ ఇప్పుడు సుకుమార్ – అల్లు అర్జున్ కాంబినేషన్ లో తెరకెక్కుతున్న ”పుష్ప” సినిమాకి సంగీతం అందిస్తున్నాడు. ఈ సినిమాలో కూడా ఓ అదిరిపోయే ఐటమ్ సాంగ్ రెడీ చేశాడట దేవీశ్రీ. ఈ సాంగ్ లో ఆడిపాడే ఐటమ్ బాంబ్ కోసం వెతుకులాట స్టార్ట్ చేసాడు సుక్కు. పాన్ ఇండియా లెవెల్ లో రూపొందుతున్న ఈ మూవీలో ఎలాగైనా బాలీవుడ్ బ్యూటీని ఈ స్పెషల్ సాంగ్ కోసం ఒప్పించాలని మేకర్స్ ప్రయత్నాలు చేస్తున్నట్లు వార్తలు వస్తున్నాయి. దీని కోసం పూజాహెగ్డే – మలైకా అరోరా – దిశా పటానీ – ఊర్వశి రౌటెలా వంటి హీరోయిన్స్ ని అనుకుంటున్నారని గత కొన్ని రోజులుగా రూమర్స్ వస్తున్నాయి. అయితే ఇప్పుడు లేటెస్టుగా సుక్కు ఈ సినిమాలో ‘పుష్ప’ పక్కన చిందులేయడానికి స్టార్ హీరోయిన్ శ్రద్ధా కపూర్ ను ఒప్పించాలని చూస్తున్నారట. మరి ఈ ఐటమ్ సాంగ్ లో ఏ బ్యూటీ స్టెప్పులేస్తుందో చూడాలి.

Related Images: