భద్రత కల్పిస్తే టాలీవుడ్ డ్రగ్స్ రాకెట్ బయటపెడుతా.. : శ్రీరెడ్డి

తనకు భద్రత కల్పిస్తే టాలీవుడ్ లోని డ్రగ్స్ రాకెట్ విషయాలు బయటపెట్టడానికి సిద్ధంగా ఉన్నానని వివాదాస్పద నటి శ్రీరెడ్డి కామెంట్ చేసింది. తాజాగా శ్రీరెడ్డి సోషల్ మీడియాలో వీడియో రిలీజ్ చేసింది.

టాలీవుడ్ లో కొందరు మూవీ మాఫియాగా మారి చిన్న చిన్న హీరోలను తొక్కేస్తూ వేషాల ఎరవేసి అమ్మాయిలతో తీర్చుకుంటున్నారనే విషయాన్ని గతంలో చెప్పానని శ్రీరెడ్డి తెలిపింది. అప్పట్లోనే డ్రగ్స్ గురించి కూడా నేను చెప్పానని వివరించింది. చాలా మంది సెలెబ్రెటీలు రేవ్ పార్టీలు నిర్వహిస్తూ విచ్చలవిడిగా డ్రగ్స్ తీసుకుంటున్నారనే విషయం నాకు తెలుసు అని శ్రీరెడ్డి తెలిపారు.

నాకు భద్రత కల్పిస్తే టాలీవుడ్ లో డ్రగ్స్ వాడే వారి పేర్లు చెబుతానని.. పెద్ద పెద్ద హోటళ్లలో పార్టీలు ఏర్పాటు చేసుకుంటూ డ్రగ్స్ పార్టీలు చేసుకుంటున్నారని శ్రీరెడ్డి ఆరోపించింది. ఆ పార్టీలకు వచ్చే అమ్మాయిలకు డ్రగ్స్ ఇచ్చి వారిని వాడుకుంటున్నారని శ్రీరెడ్డి అన్నారు.

బాలీవుడ్ రాకెట్ సుశాంత్ సింగ్ రాజ్ పుత్ విషయంలో బీజేపీ ప్రభుత్వం అనుసరిస్తున్న విధానం బాగుందని శ్రీరెడ్డి తెలిపారు. దేశ సినీ పరిశ్రమ ప్రతిష్టకు మచ్చ రాకుండా కేంద్రం చేపట్టిన దర్యాప్తుపై ఆమె ప్రశంసల వర్షం కురుస్తోంది. అలాగే టాలీవుడ్ పై దృష్టి పెట్టాల్సిన అవసరం ఉందని శ్రీరెడ్డి అభిప్రాయపడ్డారు.