Templates by BIGtheme NET
Home >> Cinema News >> కార్తీ ‘సుల్తాన్’ ఫస్ట్ లుక్ పోస్టర్..!

కార్తీ ‘సుల్తాన్’ ఫస్ట్ లుక్ పోస్టర్..!


కోలీవుడ్ హీరో కార్తీ తాను నటించే ప్రతీ సినిమాను టాలీవుడ్ లో కూడా విడుదల చేస్తూ తెలుగు ప్రేక్షకులకు బాగా దగ్గరయ్యాడు. ‘యుగానికొక్కడు’ ‘ఆవారా’ ‘ఖాకీ’ వంటి చిత్రాలతో తెలుగులో కూడా మార్కెట్ ఏర్పరచుకున్నాడు. కింగ్ నాగార్జునతో కలిసి నటించిన తెలుగు – తమిళ్ ద్విభాషా చిత్రం ‘ఊపిరి’ తో ఇక్కడ కూడా సూపర్ హిట్ అందుకున్నాడు. ఈ క్రమంలో గతేడాది వచ్చిన ‘ఖైదీ’ సినిమా బ్లాక్ బస్టర్ గా నిలిచి కార్తీ కెరీర్లోనే అత్యధిక కలెక్షన్స్ రాబట్టిన చిత్రంగా మిగిలిపోయింది. ఈ నేపథ్యంలో టాలెంటెడ్ హీరో కార్తీ నటిస్తున్న లేటెస్ట్ మూవీ ”సుల్తాన్”. ‘రెమో’ ఫేమ్ బక్కియరాజ్ కణ్ణన్ ఈ చిత్రానికి దర్శకత్వం వహిస్తున్నారు. తాజాగా ‘సుల్తాన్’ సినిమాకు సంబంధించిన ఫస్ట్ లుక్ పోస్టర్ ని చిత్ర యూనిట్ విడుదల చేసింది.

‘సుల్తాన్’ పోస్టర్ లో కార్తీ నీట్ గా టక్ చేసుకొని చేతిలో పెద్ద కొరడా పట్టుకొని నిలబడి కోపంగా చూస్తున్నాడు. ఈ చిత్ర ఫస్ట్ లుక్ ను అక్టోబర్ 26 ఉదయం 10 గంటలకు విడుదల చేయబోతున్నట్లు ముందుగా ప్రకటించినప్పటికీ.. కాస్త లేట్ గా రిలీజ్ చేసింది చిత్ర బృందం. ఈ చిత్రంలో కార్తీ సరసన లక్కీ బ్యూటీ రష్మిక మందన్న హీరోయిన్ గా నటిస్తోంది. టాలీవుడ్ శాండిల్ వుడ్ లలో స్టార్ హీరోయిన్ గా కొనసాగుతున్న రష్మిక కు ‘సుల్తాన్’ తమిళ్ డెబ్యూ మూవీ. ఈ చిత్రానికి వివేక్ మెర్విన్ సంగీతం అందిస్తున్నాడు. డ్రీమ్ వారియర్ పిక్చర్స్ బ్యానర్ పై ఎస్.ఆర్ ప్రకాష్ బాబు – ఎస్.ఆర్ ప్రభు నిర్మిస్తున్నారు. కరోనా కారణంగా వాయిపడిన ఈ చిత్ర షూటింగ్ తిరిగి ప్రారంభించి ఇటీవలే పూర్తి చేశారు. ‘సుల్తాన్’ సినిమా విడుదలపై త్వరలోనే ప్రకటన వచ్చే అవకాశాలు ఉన్నాయి.