మహిళల మూత్రంతో బ్రెడ్ తయారీ.. ఎందుకో తెలిస్తే షాకవుతారు

ఓ మహిళ.. టాయిలెట్ నుంచి మూత్రాన్ని సేకరించి బ్రెడ్‌ల తయారీలో ఉపయోగిస్తోంది. ఇందుకు ఆమె చెబుతున్న కారణం వింటే తప్పకుండా ఆశ్చర్యపోతారు. గోమూత్రంలో పోషకాలు ఉంటాయనేది హిందువుల విశ్వాసం. మరి, మహిళల మూత్రంలో కూడా పోషకాలు ఉంటాయా?. ఈ ప్రశ్నకు లూయిస్ రాగెట్ అనే ఇకో ఫేమినిస్ట్ చెప్పే సమాధానం వింటే మైండ్ బ్లాకవుతుంది.

ఎందుకంటే.. ఈమె బ్రెడ్‌లో పోషకాలు పెంచేందుకు మహిళల మూత్రాన్ని వాటిపై స్ప్రే చేస్తోంది. వాటికి ‘గోల్డీలాక్స్ బ్రెడ్’ అని పేరు పెట్టింది. ఈ బ్రెడ్ తయారీ కోసం ఆమె రోజూ మహిళల టాయిలెట్ల నుంచి మూత్రాన్ని సేకరిస్తోంది. అనంతరం దాన్ని శుద్ధి చేసి బ్రెడ్ మీద స్ప్రే చేస్తోంది. ఇది తలచుకుంటేనే కడుపులో తిప్పేస్తోంది కదూ. ప్రజారోగ్యానికి హాని తలపెట్టే చర్యలు చేపడుతున్నందుకు.. ఆమెపై ఫుడ్ సేఫ్టీ అధికారులకు ఫిర్యాదు చేయాలని ఉంది కదూ. అయితే, దీని వెనుక ఉన్న సైన్స్ గురించి తెలిస్తే.. మీరు కూడా ఆలోచనలో పడతారు.మూత్రంలో నైట్రోజన్, పొటాషియం తదితర ఎన్నో పోషకాలు ఉంటాయట. వీటిని ఎన్నో పరిశ్రమలు కష్టపడి భూమి నుంచి సేకరిస్తున్నాయట. ఫ్రెంచ్ అర్బన్ ప్లానింగ్ ఏజెన్సీ అధ్యయనం ప్రకారం.. 29 మిలియన్ల యూరిన్ బ్రెడ్ల తయారు చేయడం ద్వారా ప్రతి రోజు పరిశ్రమల్లో 703 టన్నుల నైట్రోజన్‌ను ఆదా చేయొచ్చట. ఈ నేపథ్యంలో ఆమె కొన్ని డాక్యుమెంట్లను సైతం తన ఇన్‌స్టాగ్రామ్‌లో పోస్టు చేసింది.