రవితేజ హీరోయిన్ లిప్ లాక్!

రవితేజ ఇప్పుడు ఫుల్ స్పీడుమీదున్నాడు. ‘క్రాక్’ ఇచ్చిన కిక్ తో.. సక్సెస్ ట్రాక్ ఎక్కేసిన మాస్ మహరాజ్.. ‘ఐయామ్ బ్యాక్’ అంటున్నాడు. క్రాక్ జోరు ఎలా కొనసాగుతోందంటే.. సంక్రాంతి సీజన్ పూర్తయిన తర్వాత కూడా కలెక్షన్స్ దుమ్ములేపుతున్నాయి. ఈ దూకుడు ఇలా కొనసాగుతుండగానే.. తన నెక్స్ట్ మూవీ ‘ఖిలాడి’ని లైన్లో పెట్టాడు రవితేజ.

రమేష్ వర్మ దర్శకత్వంలో తెరకెక్కుతున్న ఈ చిత్రం షూటింగ్ లేటెస్ట్ గా ప్రారంభమైంది. మీనాక్షి చౌదరి డింపుల్ హయతి హీరోయిన్లుగా నటిస్తున్నారు. అయితే.. ఈ చిత్రానికి సంబంధించి ఓ హాట్ న్యూస్ ఇప్పుడు చెక్కర్లు కొడుతోంది.

హీరోయిన్లతో లిప్ లాక్ విషయంలో రవితేజ చాలా స్ట్రిక్ట్ గా ఉంటాడు. అలాంటి సీన్లకు ససేమిరా అంటాడు. లిప్ లాక్ విషయంలో జూనియర్ హీరోలకు పర్మిషన్ ఇస్తున్న ఆడియన్స్.. సీనియర్ హీరోలను అలాంటి సీన్లలో యాక్సెప్ట్ చేయలేకపోతున్నారు. మన్మథుడు-2లో నాగార్జున లిప్ లాక్ పై ఎలాంటి ట్రోల్స్ వచ్చాయో అందరికీ తెలిసిందే. ఇవన్నీ దృష్టిలో పెట్టుకొని రవితేజ కూడా ముద్దు సీన్లకు నో చెప్తుంటాడు.

అయితే.. తన ‘ఖిలాడి’కోసం ఆ రూల్ ను పక్కన పెట్టాడ మాస్ రాజా! ఈ సినిమాలో ఓ లిప్ లాక్ సన్నివేశం ఉందట. తొలుత ఈ సీన్ చేయడానికి రవితేజ నిరాకరించాడట. కానీ.. ఆ సీన్ అవసరాన్ని వివరించిన దర్శకుడు.. ఫైనల్ గా రవితేజను ఒప్పించాడట!

లిప్ లాక్ ఎందుకు కంపల్సరీయో దర్శకుడు రమేష్ వర్మ చెప్పడంతో చివరకు ఓకే అన్నాడట. ఈ సీన్ ను రవితేజ-మీనాక్షిపై ఇటీవలే వైజాగ్లో షూట్ చేశారట. ఈ వేసవి బరిలో నిలవబోతున్న ఖిలాడీ మూవీలో రవితేజ డ్యుయల్ రోల్ లో కనిపించబోతున్నాడు. కొనేరు సత్యనారాయణ ఈ సినిమాను నిర్మిస్తున్నారు.