మెగా వెడ్డింగ్ .. NBK కి చిరు ఆహ్వానం?

ఈనెల 9న మెగా ప్రిన్సెస్ నిహారిక వివాహం రాజస్థాన్ ఉదయ్ పూర్ లో అత్యంత వైభవంగా జరగనుంది. దేశంలోనే అత్యంత విలాసవంతమైన ఉదయ్ ప్యాలెస్ భవంతిలో ఈ వివాహం జరగనుండడంతో కళ్లన్నీ అటువైపే ఉన్నాయి.

ఈ వేడుకకు ఎటెండవుతున్న టాప్ గెస్ట్స్ లిస్ట్ పై రకరకాల ఊహాగానాలు సాగుతున్నాయి. నటసింహా నందమూరి బాలకృష్ణ ఈ వివాహానికి ప్రత్యేక అతిథిగా హాజరు కానున్నారని ఆయనకు నాగబాబు తరపున శుభలేఖ అందిందని చెబుతున్నారు. అలాగే మెగాస్టార్ చిరంజీవి స్వయంగా ఫోన్ చేసి తన మిత్రుడైన బాలకృష్ణను ఆహ్వానించారని కూడా ప్రచారం సాగుతోంది.

ఇక ఈ పెళ్లిలో టాప్ 10 గెస్టుల్లో ఇండస్ట్రీ తరపున ప్రముఖులు ఉన్నారు. ఇండస్ట్రీ అగ్ర హీరోలు బాలకృష్ణ- వెంకటేష్- నాగార్జునలకు చిరంజీవి ప్రత్యేకంగా ఫోన్ చేసి మరి తన సోదరుడు కుమార్తె వివాహానికి హాజరు కావాల్సిందిగా ఆహ్వానించారని ప్రచారమవుతోంది. వరుణ్ పిలుపు మేరకు రానా-నితిన్- నాగచైతన్య ఫ్యామిలీస్ తో అటెండ్ కానున్నారు. కథానాయికల్లో పూజా హెగ్డే-రష్మిక మందన అటెండయ్యే వీలుంది. అలాగే కొరటాల శివ- రాజమౌళి- సీనియర్ దర్శకులు కోదండరామిరెడ్డి- దర్శకేంద్రుడు రాఘవేంద్రరావు తదితరులు అటెండ్ కానున్నారట.

నిర్మాతల్లో అనిల్ సుంకర- దానయ్య- దిల్ రాజు- సురేష్ బాబులకు ఆహ్వానాలు అందాయని ప్రచారమవుతోంది. ఆర్కా మీడియా..యూవీ.. మైత్రీ మూవీ మేకర్స్ అధినేతలు అటెండ్ కానున్నారన్న సమాచారం ఉంది.

కుటుంబ హీరోలంతా ఈ వేదిక వద్ద సందడి చేస్తారు. మెగాస్టార్ చిరంజీవి ఆచార్య షూటింగుకి బ్రేక్ ఇచ్చి వివాహానికి అటెండవుతారు. పవర్ స్టార్ పవన్ కళ్యాణ్ పెళ్లికి రెండు రోజుల ముందు ఉదయ్ పూర్ వెళ్లి మూడు రోజుల పాటు అక్కడే ఉండనున్నాడు. రామ్ చరణ్- అల్లు అర్జున్ షూటింగులకు సెలవు పెట్టి వస్తారు.